Luke 17:25 - Syin Chin Bible

²⁵ Ahizong ama in nasia takin hong thuak masa tu a, tu hun mihingte in hong nial tu hi.

Luke 17:25 Iomraidhean Croise

Isaiah 53:3

Ama ih zawngsak a, ih nial hi; ama, natna ngimna thuak hi. Ama sia kuama in en beak ngawlin — bangma ahi ngawl bang keakin bangma in ih heang bua hi.

Matthew 16:21

Tua hun panin kipan a nungzuite munah Jesus in thiang takin son a, “Jerusalem ah ka pai kul tu a, upate, thiampi liante le Thukham hil syate tung panin, nasia takin thuak tu khi hi. Hong kithatlum tu a, ahihang, ni thum zawkciang, nuntakna sungah hong kiphongto kik tu hi,” ci hi.

Matthew 21:42

Jesus in, “Laithiangtho ci thu sia sim ngeingawl nu ziam? ‘Inn sate ii mannung ngawl a sak a nil suangtum sia a kizanghbel suangtum hong suak hi. Hi thu in Topa ii nasep na hi a; ih mu ciangin lamdang mama hi!’

Mark 10:33

“Ngai vun, ei teng Jerusalem ah ih pai tu a, tua munah Mihing Tapa sia thiampi liante le Thukham hil syate tungah ngual in aap tu hi. Amate in thidaan pia tu a, tua zawkciangin Gentile te khut sungah ki aap tu hi,

Mark 12:10

Laithiangtho sungah hi bangin a ki at sia sim ngeingawl lawlawm nu ziam? ‘Inn sate ii mannung ngawl hi ci a, a nil suangtum sia a thupibel suangtum suak hi.

Mark 8:31

Tua zawkciang Jesus in a nungzuite hilna nei tu in kipan hi. “Mihing Tapa in nasia takin ngimna thuak tu a, upate, thiampi liante le Thukham hil syate in nial tu uh hi. Ama thatlum tu a, ni thum zawkciang nuntakna sungah tho kik tu hi,” ci hi.

Mark 9:31

banghang ziam cile ama in “Mihing Tapa in ama a thatlum tu mihingte tungah ki aap tu hi. Ahihang ni thum zawkciang nuntakna sungah ama tho kik tu hi,” ci in a nungzuite hil hi.

Luke 18:31

Jesus in a nungzui sawm le niite sam tuam a, amate tungah, “Ngai vun. Mihing Tapa huvau kamsaangte ii at theampo a taangtun natu mun Jerusalem ah ih pai tu hi.

Luke 18:33

Amate in saat tu a thatlum tu hi, ahihang ni thum zawkciangin nuntakna sungah tho kik tu hi,” ci hi.

Luke 24:46

tuaciang ama in amate tungah, “A ki at sia hisia hi: Messiah in thuak tu hi, a ni thum zawkciangin thina pan tho kik tu a;

Luke 9:22

Ama in, “Mihing Tapa in nasia takin thuak tu a, upate, thiampi liante le thukham hil syate in nial tu hi. Ama kithatlum tu hi, ahihang ni thum zawkciangin nuntakna sungah kitho kiksak tu hi,” ci in son lai hi.

John 1:11

Ama in ama ii ngamsung ma a hong pai ahihang a mite in ama a saang bua uh hi.

John 12:38

Tua in kamsaangpa Isaiah ii sonna teng a tun natu ahi hi: “Topa awng, ko ii son thu sia akua in um na ziam? Topa in a kuate tungah a vaangletna pualaak ziam?”

1 Samuel 10:19

Keima sia na Pathian ka hi a, noma ngimna theampo le haksatna theampo panin hong suatak pa khi hi, ahihang tuni in hong nial in, kumpipa khat piak tu in nong ngen uh hi. Pha mama hi, tua ahile, Topa mai ah a nam le a bee a phung zui in hong kikhawm tavun,’ ” ci in son hi.

1 Samuel 8:7

tuaciang Topa in, “Mipite ii nang tungah hong son theampo ngai in. Amate ii nial sia nang hi ngawl ni hi; keima sia a kumpipa ka hina hong nial hi.