Luke 17:22 - Syin Chin Bible

²² Tua zawkciang a nungzuite munah “Hun khat ciangin note in, Mihing Tapa ii nite sung pan ni khat beak, na mu nop tu hun hong theng tu hi, ahizong na mu buatu uh hi.

Luke 17:22 Iomraidhean Croise

Matthew 9:15

Jesus in, “Mopoai sungah zi neipa a om lai teng a leangnate khuangai thei tu in na um uh ziam? Ni khat ni ciang zi neipa amate sung pan kila tu a, tuasia ciang amate an tang tu uh hi.

Mark 2:20

Ahihang ni khat ni ciangin zineipa sia amate kung pan hong kila tu a, tuasia ciangin an tang tu hi,” ci in zo kik hi.

Luke 13:35

Tua ahikom na Biakinnpi uh sia kinusia cip tu hi. A tatakin ka ci ciang, ‘Topa min taw hong pai pa tungah Pathian thupha tung tahen,’ na ci uh hun mateng kei nong mu buatu hi,” ci hi.

Luke 5:35

Ahihang zineipa amate kung pan a kilaak zawkciangin amate in an a tang tu uh hi,” ci in zo hi.

John 12:35

Jesus in zo kik a, “Khuavak sia no sungah tawmvei hong om lai tu hi. Khuazing sia no tungah hong thet man ngawl natu in, khuavak na nei uh laitakin, na paina lampi ah paisuak tavun; banghang ziam cile khuazing sungah a pai khat in a zot natu mun a he bua hi.

John 13:33

Ka tate awng, kei sia no taw ngei hong omkhawm nawn ngawl tu khi hi. Note in kei nong zong tu uh hi; ahihang, Jew thunei mihingte munah ka ci sa bangin, ‘Kei pai natu munah note nong pai thei buatu hi,’ ci sia tu in kong son hi.