Luke 17:1 - Syin Chin Bible

¹ Jesus in a nungzuite munah, “Maw thei natu ze et nate hong piang tu ma ahi hi, ahihang tua ze etna a piangsakte atu bangza in lauhuai ziam!

Luke 17:1 Iomraidhean Croise

Matthew 16:23

Jesus kingeilee in, Peter munah, “Kei kung panin tai in, Satan awng! Nang sia kei mai hong khaktan na hi hi, banghang ziam cile hi khua ngaisutnate sia Pathian kung panin hong pai hi ngawlin, mihing pianzia sung pan hong pai ahi hi,” ci hi.

Matthew 18:7

Mihingte upna a lalsak thei nate om ahikom, hi leitung atu bangza in kiitakhuai ziam? Tuabangte sia hong piang tawntung tu hi, ahihang tuabang a piangsakte atu in, bangza in lauhuai ziam?

Luke 16:31

Ahizong Abraham in, ‘Amate in Moses le kamsaangte ii thu a ngai nuam bua uh le mithi sa khat hong thaw kik hial hangin a um tuan buatu uh hi,’ ” ci hi.

Romete 14:13

Tua ahikom khat le khat, thu ih kikhen buatu hi. Tua hi ngawl zaw in na khensat tu uh sia in hisia ahi hi. Na suapuipa lutu natu ahizong, mawna sung a pu natu ahizong bangma vawt heak vun.

Romete 16:17

Suapuite awng: pawl khenna piangsak a, mihingte upna a lumlette, tuaciang na saansa kihilnate a langpante encik tavun a, amate kung pan na kikeam tavun.

1 Corinth te 10:32

Jew te atu ahizong Gentile te atu ahizong, Pathian ii pawlpi atu ahizong, haksatna a piangsak ngawl nuntakzia taw nungta tavun.

1 Corinth te 11:19

(No sungah thutangzaw sia a kimu thiang natu in kikhennate ahile a om kul hi.)

1 Corinth te 8:13

Tua ahikom an in ka suapuipa a khialsak le, ka suapuipa sia mawna sungah ka puksak ngawl natu in, sa ka ne kik ngei nawn buatu hi.

1 Timothy 4:1

Thaa in thiangtho takin a sonna pan hun khaksang ciangin, mihing pawlkhat in a upna uh nusia tu hi; amate in, leilot thaa te thu ni tu a, doaite hilna zui tu hi ci hi.

Thupualaakna 2:14

Ahihang kong mawsiat nopna pawlkhat om hi: milim biakna an a neak natu le numei le pa paktat natu a kaizotna taw Israel te mawna sung a thengsak Balak tungah thu a hil Balaam thuhilna a zui pawlkhat na om uh hi.

Thupualaakna 2:20

Ahihang nang kong mawsiat nopna pan: Pathian naseam khi hi ci in a kivawttawm Jezebel numeinu sia dual ni hi. Ama hilna taw ama in ka naseamte lamkhialsakin, milim biakna ante neakna le, numei le pa paktatnate vawtsak hi.