Luke 16:25 - Syin Chin Bible

²⁵ Ahizong Abraham in, ‘Na nuntak lai in nang sia na pha theampo hong kipia zo a, Lazarus ahile a sia theampo thuak hi. Tua thu phawk ta'n. Ahihang tu in ahile nang ii natna satna na thuak laitak ama in hi munah nuamsa in om hi.

Luke 16:25 Iomraidhean Croise

Job 22:18

Ahihang amate nuamsa in a khangtosak sia Pathian hi a — mi ngilote thinsung ka tel thei bua hi.

Psalm Late 17:14

hi leitung nuntakna sungah a dei uh po a neite khut sung panin hong hun ta'n. Amate atu na khealsia ngimnate taw amate daan pia in; tua daante sia a tate atu zongin kicing lai tahen a, a tate ii tate dong pawlkhat khomsuan lai tahen.

Psalm Late 49:11

Amate in leitangte nei ngei ahihang Amate ii thaankuulte sia a tawntungin a inn uh hi a; tua munah a tawntungin teang uh hi.

Psalm Late 73:7

amate thinsung in ngitlona pusua in, a thinsung uh sia seksol tupnate taw komla uh hi.

Kaa late 1:7

Tu in a ngamkhing, a siacip sa Jerusalem khua in nidang a phatna nung phaw kik hi. A ngalte khut sung a thet ciang a hu tu kuama om ngawl hi; A ngallelna sia ama a zote in nuisan uh hi.

Daniel 5:30

Tua zan mama in Babylon kumpipa Belshazzar sia kithatlum a,

Matthew 27:63

“Topa awng, mihing leilot pa in a nuntak lai in, ‘Ni thum zawkciang, nuntakna sungah hong kitho kiksak tu hi,’ a ci ngei sia ka phawk uh hi.

Mark 9:45

Tuaciang na peang khat in na upna a lalsak le, saattan in! Hell sungah peang kim in na pai uh sangin, peang lang nguak taw nuntakna sungah tum zaw le uhte phazaw hi.

Luke 16:20

Tua laitakin, Lazarus kici mizawngpa khat zongh om a, ama meima taw kidimin, sumhaupa ii bangkua ah kipaipui bul hi,

Luke 16:23

Hell sungah ngim nga mama in, ama in a etto le, a khuala na munah, Abraham le a kungah Lazarus a om mu hi.

Luke 16:26

Tua bek dom ngawlin ih kilaklaw ah luamthuk pui khat om a, ko kung panin no kungah kipai thei ngawl a, no kung panin ko kungah kuama hong pai thei ngawl hi,’ ci hi.

Luke 6:24

“Ahizong tu laitak no a haute atu in bangza in lauhuai ziam; no sia a nuam a nungta sa hi zo nu hi!

John 16:33

Kei taw ih kikopna hangin thinnopna na nga natu hi thu kong sonsa hi. Leitung in ngim le kham hong thuaksak tu hi. Ahihang na thin uh liansak vun! Leitung ka zo zo hi,” ci in zo hi.

Sawltakte 14:22

Amate in thu umte thakho sua uh a, upna sungah thumaan in a kip natu uh hanthawn uh hi. “Pathian Ngam sungah ih tum thei natu in, ngimna tam mama ih kaantan kul tu hi,” ci in hil uh hi.

Romete 8:7

Tua ahiciang mihing khat sia mihing pianzia in a uk le Pathian ngal suak hi; banghang ziam cile ama in Pathian thukham ni ngawl hi, a tatakin ni thei ngawl hi.

Thuhil kikna 28:17

Topa in na lo ante le tuate sung pan na vawt uh ante haamsiat tu hi.

Philippi te 3:19

Amate sia a khakbel ciangin hell theng tu uh hi, banghang ziam cile cii le sa deinate sia amate ii pathian ahi hi. A maizum huai, a thasiathuaite thangphatna in la uh a, leitung neisa nate bekma ngaisun uh hi.

1 Thessalonica te 3:3

hi vawtsiatna hu in, kuama na nungtol kik ngawl natu ka deina uh ahi hi. Tuabang vawtsiatna in Pathian ii ei atu a deina thu khat om hi ci in, noma ma in na he uh hi.

Hebrew te 11:25

Tawmvei sung mawna sungah a nopsak tu sangin, Pathian ii mihingte taw a thuak khop tu sia uukzaw hi.

1 John 2:15

Leitung ahizong leitung na khat pawpo ahizong na it heak vun. Leitung na it uh le Pa it ngawl na hi uh hi.

Thupualaakna 7:14

“Topa awng, he ngawl khi hi. Nangma he ni hi,” ci in ka zo hi. Ama in, “Hite sia vawtsiatna nasia mama sung pan a suaktate hi. Amate in a puantualte silthiang zo a, Tuuno chi taw kaanghsak zo uh hi.