Luke 16:24 - Syin Chin Bible

²⁴ Tua ahikom ama in biakpui a, ‘Pa Abraham awng! Hong hesuak ta'n. Lazarus ii khutme dawn tui sungah pap in ka leei hong votsak tahen, banghang ziam cile hi mun meikuang sungah ngim nga mama khi hi’ ci hi.

Luke 16:24 Iomraidhean Croise

Job 20:21

Amate an a neak uh ciang a khamvaal om ngei ngawl hi, ahihang tu in a nopsakna bo vangeu hi.

Isaiah 27:11

Thingbaakte kongaw in taltan a, numeite in thingkang tu in tom uh hi. Banghang ziam cile mihingte in bangma tel ngawl ahikom amate a Bitphuapa Pathian in amate khuangai huai sa ngawl tu a, hesuakna lak ngawl tu hi.

Isaiah 66:24

“Amate a cia uh ciang kei hong langpan te ii luanghawmte mu tu uh hi. Amate a ne lungte thi ngeingawl tu a, amate kihalna meite kimit ngeingawl tu hi. Amate sia mihing nam theampo in a kiihuai in mu tu uh hi,” ci hi.

Zechariah 14:12

Topa in Jerusalem a sim minamte theampo tungah a kiitak huai mama natna tungsak tu hi. Amate nungta nginge lai in a sa uh muat tu hi; a mitte le a leeite muatcip tu hi.

Matthew 25:41

“Tuaciangin a veisang a tote munah, ‘Kei kung pan tai vun, no Pathian ii haamsiat sate awng! Doaimangpa le a lalangte atu a kivawt kholsa tawntung meikuang sungah pai tavun.

Matthew 3:9

Na taanghpupi Abraham suan le paalte na hi uh hu in, daan thuak natu pan suakta tu in, kimuangmaw heak vun. No tungah hong ci khi hi, Pathian in hi suangte zongh la in Abraham suan le paalte suaksak thei hi!

Matthew 5:22

Ahihang tu in kong ci in ah: a suapuipa tungah a thin uuk pawpo te in thusitna thuak tu hi, a kuama po ahizong a suapuipa ngina ngawl hi, a ci peuma, Council te mai ah kipaipui tu a, a kuama po a suapuipa mannung ngawl mihing mawmaw, a ci peuma hell meikuang sungah a pai tu lauhuai hi.

Luke 16:30

Sumhaupa in zo kik a, ‘Tuabang bek kicing tham ngawl tu hi, pa Abraham awng! Ahizong a thisate khat tho kikin amate kungah pai le, tuasia ciangin a mawna uh pan kisiik pheang tu uh hi,’ ci hi.

Luke 19:9

Jesus in ama tungah, “Ngupna sia tuni in hi bangkua ah hong theng hi; banghang ziam cile hisia pa zongh Abraham ii suan khat ahi hi.

Luke 3:8

Na mawna uh pan na kisiik kikna uh kilanghsak vun. Tuaciangin Abraham sia kote ii taanghpupi hi ci in, noma tetek sungah na kici tuan heak vun. Kei kong cina pan, Pathian in suangtum hite zongh la in, Abraham suan le paal in vawt thei hi!

John 4:10

Jesus in, “Pathian in bang teng pia a, nang tungah tuineak tu hong ngen sia akua ziam, ci thu tel thong lete nangma in ama munah na ngen tu hi, tuaciang ama in nuntakna tui hong pia tu hi,” ci hi.

John 4:14

ahihang kei ii ka piak tui a dawn peuma a dangko kik ngei nawn ngawl tu hi. Ka piak tu tui sia ama sung pan ciktui khat hong suak tu hi, tua in nuntakna a pia tui hi tu a, tuaciangin tawntung nuntakna pia tu hi,” ci in zo hi.

John 7:37

A thupibel ni poai khaam tawp ni in, Jesus dingto in awnging tak taw, “A kuama po a dangkote kei kungah hong pai in tui dawn tahen.

Romete 4:12

Ama in vunteap atte ii pa zongh hi a, vunteap a at bek dom ngawlin, ih pa Abraham vunteap a at ma a, upna taw a nuntakna sungah ama bangma in a nungta te ii pa zongh ahi hi.

2 Thessalonica te 1:8

Pathian a nialte le Topa Jesus Lungdamna Thupha a zui nuam ngawlte daan pia tu in meikuang taw hong pai ciang ama in tuasia seam tu hi.

James 2:13

Banghang ziam cile hesuakna a nei ngawl mihing khat tungah thu a khen ciangin, Pathian in hesuakna a lak buatu hi; ahihang hesuakna in thukhenna zo hi.

James 3:6

Tuaciang leei sia meikuang taw kibang hi. Ama sia khialna omna leitung hi a, ih pumpi sungah mun la in hong om a, ih pumpi bup tungtawnin thusia kizelsak hi. Hell pan a hong pai meikuang taw in nuntak sung tawntung hong hal hi.

Thupualaakna 19:20

Nganhing le tua nganhing omna mai ah, nalamdang lakna a vawt leilot kamsaangpa kiman khawm hi. (Nganhing tepteena a neite le, nganhing milim a biate sia, nalamdang laknate taw ama in theam zo hi) Nganhing le leilot kamsaangpa sia, kaan meikuang meili sungah a hingtang in kivawk khawm hi.

Thupualaakna 20:15

A nungtate min khumna laibu sungah a min a om ngawl peuma meili sungah kilawn hi.

Thupualaakna 22:1

Vantunglalang in, Pathian le Tuuno kumpi tokhum kung pan hong luang suk, crystal suang bangin a tee vakil nuntakna nguntui sia hong lak a,

1 Samuel 28:16

Samuel in, “Topa in nang hong nusia zo a, na ngal a sua zawk nungsang, banghangin kei hong sam ni ziam?