Luke 16:22 - Syin Chin Bible

²² Mizawngpa thi a vantunglalangte in, vantung anneakpoai Abraham kungah to tu in, puato uh hi. Sumhaupa zongh thi in kivui hi,

Luke 16:22 Iomraidhean Croise

Job 21:13

Amate thinnuam in nungta a, tuaciang ngimna thuak ngawlin nuam takin thi uh hi.

Paunakte 14:32

Mihing seksolte in amate tatsiatnate taw amate le amate ii a kiamsuk natu uh piangsak hi, ahihang mihing phate sia amate takkhana in huu hi.

Thuhilsya 8:10

Hi hi mi seksolte amate thaankuul sungah kiphum ka mu a, ahihang a phuum mihingte thaan pan a cia kik uh ciang, amate ii a sia a vawtna, khuapi sung mama ah a khua mite in amate pok uh hi. Tuasia in a luithawthong ahi hi.

Isaiah 14:18

Leitung kumpi theampo sia amate ii a nasia mama thaankuul ah kiphum uh a,

Isaiah 22:16

“Nang akua kisa ni ziam? Mualpangh suang sungah nangma atu thaan khuk khuak tu in bang thu nei ni ziam?

Matthew 18:10

“Hi patang khat po na zawnsak ngawl natu in, na kidawm vun. Amate ii vantunglalangte sia ka Pa omna munah om tek nginge hi, ci in hong son ka hi hi.

Matthew 24:31

Lemlepui aw hong nging tu a, tuaciang ama in leimong king lite ah a vantunglalangte sawl in, amate in ama tealsa mite leimong khat pan mong khat dongin khawmtua tu hi.

Matthew 8:11

“A maan tatak ka ci ciang, nisuana le nitumna panin, mihing tam mama hong pai tu a, Vantung ngam sungah Abraham, Isaac le Jacob taw anneakpoai sungah hong tokhawm tu hi.

Mark 8:36

Mihing khat in simlei bup a nga hangin, a nuntakna a taan le meetna nei tu ziam? Meet ngawl tu hi!

Luke 12:20

Ahihang Pathian in ama tungah hi bangin ci hi, ‘Mihing mawmaw pa awng! Zan ciang mama in na nuntakna na aap kul tu hi; tua hile nangma atu na kholsa hi teng sia akua in tang tu ziam?’ ” ci hi.

Luke 16:21

sumhaupa sabuai pan a taakte ne tu in lametna taw tuabangin om hi. Uite ngawngawn in a meimate liasak tu in pai hi.

John 1:18

Kuama in Pathian mu ngeingawl hi. Pa kungah a om, Pathian ma ahi, Tapa khat bek in Pathian hong hesak hi.

John 13:23

Jesus ii it nungzui khat sia Jesus taw a kicial in to hi.

John 21:20

Peter in, a kiheak ciang a nungah Jesus ii it nungzui dang khat sia mu hi — An a neak uh lai Topa kung to a, neal kawm in, “Topa awng nang akua in hong leeheak tu ziam?” ci in a dongh sia pa ahi hi.

Hebrew te 1:14

Tua ahile vantunglalangte sia bang ziam? Amate sia Pathian naseam thaa te hi a, ngupna a saang tute a hu tu in, a sawlte ahi uh hi.

Hebrew te 2:14

Ama ci bangin tua tanote sia chi le sa taw a om mihingte ahi bangma, Jesus ama mama zongh amate bang hong suak a, amate mihing pianzia teng hong siim hi. Hi bang a hina sia banghang ziam cile ama thina tungtawnin thina tungah vaang a nei doaimangpa a lalcipsak natu hi a,

James 1:11

Ni hong suak a, nisa in a kung hal a; a paak pulin a hoina teng siacipsak hi. Tuasia bangma in mihaupa sia a nasepna ah, a sep laitakin kisusia tu hi.

1 Peter 2:24

Eite, mawna sungah thi a, thutang suana sungah ih nuntak thei natu in, Christ ama mama in, thinglamtee tungah a pumpi taw ih mawnate hong puaksak zo hi. Ama liammate taw note hong damsak zo hi.

Thupualaakna 14:13

Tua zawkciang, vantung panin awnging khat ka za a, “Hi sia at in. Tu pan kipan Topa nasepna sungah a thite sia mihing thupha ngate ahi uh hi,” ci hi. “Hi tatak hi! Amate in nasep haksatnate panin, tawlngakna nga tu hi, banghang ziam cile amate nasep phatna in amate zui tu hi,” ci in Thaa in zo hi.