Luke 16:2 - Syin Chin Bible

² sumhaupa in sam a, ‘Na ngamtatna kong zaak sia bangbang tatak ziam? Ka neisate na zeaknate, a cing takin hong lak ta'n, banghang ziam cile kei ii neisa zeakpa hi thei nawn ngawl tu ni hi’ ci hi.

Luke 16:2 Iomraidhean Croise

Thuhilsya 12:14

Pathian in ih sep ih vawtte theampo, a pha ahizong, a sia ahizong, ih vawt kute ngawngawn dongin thu hong khen tu hi.

Matthew 12:36

“A tatakin kong ci ciang, Thukhenna Ni ciangin, mihing sim in, phattuamna hong pia ngawl kammal khat a paute tungtawnin, thusitna thuak tu hi.

Matthew 20:8

“Nitak ciangin huan neipa in a tha lampuipa munah, ‘Naseamte va sam tavun a, a nitha uh pia ta'n, a khakbel a kicialte pan panin pia ta'n a, a kicial masate pia khak tan’ ci in sawl hi.

Luke 12:20

Ahihang Pathian in ama tungah hi bangin ci hi, ‘Mihing mawmaw pa awng! Zan ciang mama in na nuntakna na aap kul tu hi; tua hile nangma atu na kholsa hi teng sia akua in tang tu ziam?’ ” ci hi.

Luke 12:42

Topa in, “Tua ahile thumaan a, a ciim naseampa akua ziam? Tua pa in a inn a uk tu le, naseam dangte a hun ciang an pia tu in a topa ii sawlpa ahi hi.

Luke 16:1

Jesus in a nungzuite munah, “Khatvei lai in sumhaupa khat in a neisate a zeak tu, naseam khat nei hi. Tua naseampa in sumhaupa ii sum teng zangh tum hi, ci in sumhaupa tungah kison ahiciang,

Luke 16:3

Naseampa in hi bangin ngaisun hi, ‘Ka topa in ka nasep pan hong tawpsak tu hi. Bang law tu khi ziam? Leidum to tu in tha ka nei bua a, khutdaw nget tu le ka maizum hi.

Romete 14:12

Tua ahikom eite khat simin ih hi babang Pathian tungah ih pualaak tu hi.

1 Corinth te 1:11

Banghang ziam cile, ka suapuite awng, note sungah kihauna om hi ci in Chloe ii innkuanpui pawlkhat in thiang takin hong son zo hi.

1 Corinth te 4:2

Tuabang naseam khat ii a taangsap thu sia a topa tungah a thumaan tu bek ahi hi.

1 Corinth te 4:5

Tua ahikom note in a hun tatak hong thet ma in kuama tungah thu na khen heak vun. Thukhenna a khakbel sia in Topa hong pai dong a ngak kul tu hi; ama in khuazing sungah a om thukute, khuavak sungah kilanghsak tu a, tuaciang mihingte thinsung ah a kiseal tupnate a pholaak tu hi. Tuaciang mihing sim in ama taw kilawm Pathian ii pokna nga tu hi.

2 Corinth te 5:10

Banghang ziam cile eite theampo thukhenna thuak tu in Christ mai ah ih ding nanak tu hi. Mihing khat simin a leitung pumpi nuntak sungah ama ii sepna a pha a sia taw a kiphu a kilawm in nga tek tu uh hi.

1 Timothy 4:14

Na sungah a om Thaa thiangtho telte na ngaingon heak in, tuate sia kamsaangte in pau a, pawlpi upate in na tungah khut hong ngak uh ciangin na nga uh ahi hi.

1 Timothy 5:24

Mihing pawlkhatte mawna sia kilangh papai a, a mawna tungtaang ah thu khenna thuak masa pai hi; ahihang a dangte mawna ahile kinungmu pheang hi.

1 Peter 4:10

Mihing sim in Pathian letsong tuatuamte a zeak thiampa bangin, Pathian tung pan a tuam vilvel na saan uh letsongte sia ngualdangte phattuam natu in zangh hamtang vun.

1 Peter 4:5

Ahihang a nungtate le a thisate tungah thukhen tu in a kingingta sa Pathian mai ah amate in thusitna thuak tu uh hi.

Thupualaakna 20:12

Tuaciangin a thite a lian le a no a kibangin kumpi tokhum mai ah a ding ka mu hi. Laibute kihong a, tua zawkciang a nungtate tepteena laibu dang khat zongh kihong hi. A thite sia tua laibu sungah amate ngamtatna a kitepteena bangin thu kikhen hi.