Luke 16:19 - Syin Chin Bible

¹⁹ “Khatvei lai in sumhau khat om a puansilh manham tatakte silh in, ni simin nuamsa mama in nungta hi.

Luke 16:19 Iomraidhean Croise

Esther 8:15

Mordecai sia vancii le a kaang ngelh kumpi puantual le a sa pha puanneal sandup te silh in, a etlawm mama khamh lukhu khu in kumpi inn pan pusuak hi. Tuasia ciang Susa khuapi lamdung teng ah patoaina aw te le lungdam in aunate hong nging hi.

Paunakte 14:24

Mihing ciimte in hauna thaman saang a, ahihang a mawmawte sia amate ciim ngawlna panin kihe hi.

Paunakte 31:22

Ama in luppha puanvante takin puanneal sandup phate silh hi.

Isaiah 3:23

a vang silsial a puanzate, a puanneal dial note, ngawng aw puante le lu tung khuk maisitna puan a saute la siat tu hi.

Ezekiel 16:13

Khamh le ngunn taw kivawt kizepnate na nei a, a kizeam puanneal le naaipuan na silh tawntung hi. Anvui phabel taw a kivawt anluum na ne a, khuaitui le olive thau neak tu na nei hi. Na mealphat sia nasia mama a, kumpinu na suak hi.

Ezekiel 16:49

Ama le a tanute sia kiphasak hi, banghang ziam cile amate in neak tu hau mama a, ngal kilemin dai takin nungta uh hi, ahihang amate in mizawngte le a hamsia mite a awlmaw bua uh hi.

Ezekiel 27:7

Na teambaw puankhak uh sia puanneal taw kivawt hi, Egypt pan a kitak a kingelh puan hi. A khuala na panin ol takin kitel thei paih hi. Na tuipuante sia puan phabel taw kivawt a, Cyprus tuikulh pan puan sandupte ahi hi.

Mark 15:17

Amate in puantual sandup khat Jesus in silhsak a, lingngui taw a kivawt kumpilukhu khat a lu tungah khusak uh hi.

Mark 15:20

A selnona uh teng a man zawkciang puantual sandup sia ama tung pan suutin, ama puansilh ngei teng silhsak kik uh hi. Tua zawkciang thinglamtee tungah thalup tu in paipui uh hi.

Luke 15:13

Ni tawmvei zawkciangin, a tapa nozaw sia in, ama ii neisa teng zuak siat a, inn nusia in a sum teng taw pusuak hi. Ngam khualana khat ah pai a, tua munah a sum teng zangh maai siat hi.

Luke 16:1

Jesus in a nungzuite munah, “Khatvei lai in sumhaupa khat in a neisate a zeak tu, naseam khat nei hi. Tua naseampa in sumhaupa ii sum teng zangh tum hi, ci in sumhaupa tungah kison ahiciang,

Luke 16:18

A zi a khul pasal khat in numei dang khat taw a teang kik le nupa kipalngul mawna vawt ahi hi. Tuaciangin a kikhul numei khat a teenpui pa in nupa kipalngul mawna vawt ahi hi.

Luke 16:20

Tua laitakin, Lazarus kici mizawngpa khat zongh om a, ama meima taw kidimin, sumhaupa ii bangkua ah kipaipui bul hi,

Thupualaakna 17:4

Numei in puan sandup le puansan silh in, khamh kizepna tuatuamte, suang manphate le keptangte taw kizeam hi. Ama khut sungah a paktatna pan, a piang a kiihuai le a nin nate taw a kidim khamh hai khat toai hi.

Thupualaakna 18:16

tuaciang, “Bangza in kiitakhuai ziam! Tua khua atu in bangza in lauhuai ziam! Ama le ama sia naaipuan taw, puan sandup taw, puansan taw kizeam in, khamh kizepna, suangmanpha le keptangte taw kizeam ngei hi!

Thupualaakna 18:7

A minthanna le a nopsaknate ama le ama a kipiakna taw kizui in, ngimna le heena na thuaksak in. Banghang ziam cile ama in: ‘Hi sungah kei sia kumpinu in to khi hi! Kei sia meingong hi ngawl khi hi. Khuangai ngeingawl tu khi hi!’ a kici hi.

Thukhente 8:26

Gideon ii saan bilbaate a kingawmin kilogramme 20 pha a, tuate sungah kizepna dang, le Midian kumpipa puan silh sandup le, kalaoh ngawng aw te kihel ngawl lai hi.