Luke 16:15 - Syin Chin Bible

¹⁵ Jesus in, “No sia noma le noma ngual mai ah a kithutangsakte na hi uh hi, ahizong Pathian in na thinsung theampo hong he hi. Banghang ziam cile mihingte ii thupisak nate sia Pathian muna ah man a nei bua hi.

Luke 16:15 Iomraidhean Croise

1 Khangtaanghthu 29:17

Mi theampo ii thinsung na ze et a, a citak mite tungah na lungkim hunlam ka he hi. Thumaanna le thinsung takpi taw keima uuk thu in hi teng theampo kong pia zo hi, tuaciang hi munah hong kikhawm na mite in nang kungah biakpiakna hong paipui tu sia bangza in lungdam ziam ci sia ka mu zo hi.

2 Khangtaanghthu 6:30

amate ii thungetna na za in. Vantung na inn sung panin amate na ngai in a, na maisak in. Nangma bekma in mihingte thinsung ngaisutnate he ni hi. mi simin ama taw a kiphu bangin a tungah na vawt in,

Psalm Late 10:3

A seksol pa in ama ii a sia deinate kiphatsak pui hi, a duhop pa in Topa haamsiat in nial hi.

Psalm Late 49:13

A hauna uh taw a lungkimte ii tawpna le amate le amate a kimuangte bang tawk ziam ci sia en vun —

Psalm Late 49:18

Mihing khat in hi nuntakna sungah lungkim in ama zawnate hu in kipok kale,

Psalm Late 7:9

Nangma in a thutang Pathian na hi a, kote ngaisutna le ka deinate thu nong khen hi. A ngilote ii seksolnate tawpsakin, miphate thaman pia in.

Paunakte 16:5

A kisathei pawpo Topa in ensan hi; ama in amate daan thuak natu panin a suaktasak buatu hi.

Paunakte 20:6

Mihing theampo in bangza thumaanin citak khi ziam ci thei tek uh hi, ahihang tuabang ahi takpi mihing ih mu zo tu ziam!

Paunakte 21:2

Na sep na vawt theampo maan sa tha tu ni hi; ahihang Topa in na tupna laingilte tungah thukhen hi ci in ciamtee in.

Jeremiah 17:10

Keima, Topa in, mihingte ngaisutna ka kan a, a thinsung uh ka sittel hi. Ama nuntakzia le a sepzia taw kizui in khat sim tungah ka vawt hi,” ci hi.

Malachi 3:15

Ih mu bangma mihing kiphasak teng ma in a lungdam hi. Mi siate sia nuamsa bek ngawlin a ngamtat siatnate taw Pathian thin sauna ze et napi, bangma tat tuan ngawl hi,’ ” na ci uh hi.

Matthew 23:5

Mihingte mu tu in amate in na theampo seam uh hi. Amate talki tung le a baante tungah laithiangtho kammal a ki at savun pheakte bangza in beak ziam, en vun! A laktong puasilh mong a teapkaaite zongh bangza in sausak ziam!

Matthew 6:16

“Tuaciang, an na tan uh ciang, a kihisak theamte bangin maikhingin om heak vun. Amate sia a antan hunlam uh ngual heak tu in kipua ngawl lui in om hi. A tatakin ka ci ciang, amate in a thaman uh a cing takin a kipiasa ahi hi.

Matthew 6:2

“Mihing cimaw khat huna na nei uh ciangin, mihing a kihitheamsakte in lampi liante tung le biakna innte ah a vawt uh bangin, pokngaina taw vawt heak vun. Amate ahile, mihingte pok tu thangai in tuabangin ngamta hi. A tatakin ka ci ciang, amate ii a thaman uh a cing takin kipia zo hi.

Matthew 6:5

“Thu na nget uh ciangin a kihisak mihingte bangin ngen heak vun! Amate lamkaa khawng le biakna innte ah ngual mu tu in ding a thungen thanuam uh hi. A tatakin ka ci ciang, amate a thaman uh a cing takin kipia zo ahi hi.

Luke 10:29

Ahihang Thukham hil syapa in, ama le ama kitangsak nuam ahikom, hi bangin Jesus dongh thua hi, “Ka innpaam pa sia akua ziam?” ci hi.

Luke 11:39

Tua ahikom Topa in ama tungah, “Tu in no Phariseete na kuang na hai uh a puasang panin na thiangsak uh hi. Ahihang na sungsang uh ah ngitlona le ngoltolna taw na kidim uh hi.

Luke 18:11

Pharisee pa in ama nguak ding a, thungen hi. ‘Pathian awng na tungah ka lungdam hi, banghang ziam cile kei sia ngualdangte bangin ka duhop bua a, leilot ngawlin, numei le pa palngul khialna ka vawt bua hi. Zia sungah shiadongpa bang hi ngawl ka hikom na tungah ka lungdam hi.

Luke 18:14

A tatak ka ci ciang, Pharisee pa bang hi ngawlin shiadongpa sia mipha tangin cia hi. Mihing simin a kiliansakte kiniamsak tu a, a kiniamkhiakte a thupi in kikoi tu hi,” ci hi.

Luke 18:21

Pasalpa in zo kik a, “Ka no lai panin hi thupiakte ka zui siat sa hi,” ci hi.

Luke 18:9

Amate le amate pha kisa mama a, ngualdang theampo a zawngsak mihingte tungah Jesus in hi thusonteena zangh hi.

Luke 20:20

A mat thei natu hunpha zong uh hi. Thuneite le Rome ngamuk mangpa tungah Jesus a aap thei natu in, thinsung takpi taw thu dongh nuam bangin a kiheang tu mihing pawlkhat sumnguk pia in paisak a, Jesus aitaa uh hi.

Luke 20:47

Amate in meingongte zothaw uh a, a inn a lo suttol in, tuaciang, ngual ii pha a sak tu a deina in, a sau tatak thungen uh hi! Amate ii daan thuak tu sia nasia seseam tu hi!” ci hi.

John 2:25

Ama tungah amate thu sia kuama ii son kul ngawl hi, banghang ziam cile ama mama in amate ii thinsung teng a heaksa hi.

John 21:17

A thum veina Jesus in, “John ii tapa Simon awng, kei nong it ziam?” ci hi. Peter sia Jesus ii, “Kei nong it ziam,” ci in thumvei dong a dok hu in, hee hi, tua ahikom ama munah, “Topa awng na theampo na he hi; nang kong it hunlam na he hi,” ci hi. Jesus in, ama munah “Ka tuute na keam in.

Sawltakte 1:18

(Judas in ama ii ngitlo ngamtatna taw a nga sum taw lo khat lei a, tuasung ah pukvawk in thi hi; ama sia puaktham in, a ngil keekeak hi.

Sawltakte 1:24

Tua zawkciang amate in, “Topa awng, mihing theampo ii thinsung na he hi. Tua ahiciang, Topa awng, hite nii sung pan koisia teal ni ziam hong lak ta'n.

Sawltakte 15:8

Tuaciang, a kuama po ii thinsung a tel Pathian in, Gentile te a saanna, a lakna in ei tungah hong piak bangma in, amate tungah Thaa Thiangtho pia hi.

Romete 3:20

Banghang ziam cile Pathian mai ah Thukham tanna hangin kuama thutang suak zo om ngawl a; Thukham nasepna in mihing khat mawnei ahi hunlam a kiheak natu ahi hi.

Romete 8:27

Tuaciangin mihingte thinsung a mu thei Pathian in Thaa ii khua ngaisutnate he hi; banghang ziam cile Thaa in Pathian tungah a mite atu in ama dei babangin maangkaasak hi.

1 Corinth te 4:5

Tua ahikom note in a hun tatak hong thet ma in kuama tungah thu na khen heak vun. Thukhenna a khakbel sia in Topa hong pai dong a ngak kul tu hi; ama in khuazing sungah a om thukute, khuavak sungah kilanghsak tu a, tuaciang mihingte thinsung ah a kiseal tupnate a pholaak tu hi. Tuaciang mihing sim in ama taw kilawm Pathian ii pokna nga tu hi.

1 Peter 3:4

tuate taangin na hoina sungah Pathian ii muna ah a man neibel ahi a tul thei ngawl, a dik cikna thiamna le thinsung pha na nei tu uh hi zaw hi.

1 Peter 5:5

Tuasia bangma in no khangmoizawte zongh, khanghaamzawte thu na ni vun. Tuaciangin note theampo khat le khat, na na kisepsak thei natu in, kiniam khiakna awmdal sia puan bangin silh tavun; banghang ziam cile, laithiangtho in, “Pathian in a kiphasakte nalh a, a kiniamkhiakte tungah maipha pia hi,” ci hi.

Thupualaakna 2:23

A nungzuite zongh ka thatlum tu hi, tuasia ciangin pawlpi theampo in kei sia mihing theampo ii ngaisutna le a deina a he siat pa ka hi hunlam hong he tu hi. Note khat tek na ngamtat uh babangin kong thuk tu hi.

1 Samuel 16:7

Ahihang Topa in ama munah, “A tun saanna le a mealphatnate awlmawk heak in. Ama sia nial zo khi hi, banghang ziam cile, mihing thukhen bangin thu ka khen bua hi. Mihing in a pua sang pianzia bek en hi, ahihang kei ka hile a thinsung ka en hi,” ci hi.