Luke 16:14 - Syin Chin Bible

¹⁴ Phariseete in hi thute a zaak uh ciangin Jesus sia ciammuina in nei uh hi, banghang ziam cile amate sum deite ahi uh hi.

Luke 16:14 Iomraidhean Croise

Psalm Late 119:51

A kiphasakte in kei hong zawnsak tawntung hang, na thukham panin ka pial ngei bua hi.

Isaiah 53:3

Ama ih zawngsak a, ih nial hi; ama, natna ngimna thuak hi. Ama sia kuama in en beak ngawlin — bangma ahi ngawl bang keakin bangma in ih heang bua hi.

Isaiah 56:11

Amate sia a deiza a nga ngeingawl, a duhop uite taw kibang uh hi. Hi lampuite in telthiamna bangma nei ngawl uh hi. Amate uuk bang tekin ngamta in a phattuam natu tek zong uh hi.

Jeremiah 6:13

A kuama po, a lian a no in a thumaan ngawlin sum zon tu hanciam uh hi; kamsaangte le thiampite ngawngawn zongh in mite theam uh hi.

Jeremiah 8:10

Tua ahikom a lote sia ngual lo nei thak te ka pia tu a, a zite sia pasal dangte ka pia tu hi. A lian a no a vekpi in thumaan ngawlin sum vawt sawm uh hi. Kamsaangte le thiampite ngawngawn ngualtheam uh hi.

Ezekiel 33:31

Tua ahikom, ka mite na son tu thu a ngai tu in a hon in hong pai uh hi, ahihang seam tu na sawlte a seam bua uh hi. Ki itna kamthumte pau ahihang a duhop ngei ma in duhop veve lai uh hi.

Matthew 23:13

“Thukham hil syate le Pharisee te awng! Note atu in bangza in lauhuai ziam? No a kihitheamsakte awng! Ngual mai panin, vantung Ngam kongkha khaktan nu hi, tuaciang noma mama in a sungah na tum bua uh a, tum nuam in a hanciamte zongh, a tum tu na oai bua uh hi!

Matthew 9:24

“Na vekpi pusuak vun. Numeino sia thi ngawl hi, a mu hi bek hi,” ci hi. Tuasia ciangin amate in Jesus nuisan uh hi.

Luke 12:15

Amate tungah hi bangin ci thua hi. “Duhopna namcinte panin, noma le noma kikeam tavun. Banghang ziam cile bangza po in a haubel hangin mihing khat ii nuntakna tatak sia neisa lamhsate hi ngawl hi.”

Luke 20:47

Amate in meingongte zothaw uh a, a inn a lo suttol in, tuaciang, ngual ii pha a sak tu a deina in, a sau tatak thungen uh hi! Amate ii daan thuak tu sia nasia seseam tu hi!” ci hi.

Luke 23:35

Jesus sia lampuite in ciammuina in nei uh a, “Ngualdang zongh hun thei hi; Pathian ii teal Messiah ahile ama le ama kihun ve hen!” a ci uh laitakin mihonte in, dingin en hon uh hi.

Luke 8:53

Amate in Jesus nuisan uh hi, banghang ziam cile numeino thi zo hi ci in he uh hi.

2 Timothy 3:2

Mihingte sia duhop, kaangsung he, kisathei, kiphasak tu hi; amate in ngual langin, nu le pa thu ni ngawlin, lungdamna he ngawl, biakna nei ngawlin hong om tu hi.

Hebrew te 11:36

Pawlkhat sia kiselno in kivel a, pawlkhat sia thikkol kibulin, thong sungah kikhum hi.