Luke 16:13 - Syin Chin Bible

¹³ “Naseam khat po in to nii ii sila sepsak thei ngawl hi; ama in khat sia ensan tu a, khat it tu hi; khat tungah thumaan tu a, khat sia ngaimaw tu hi. No sia Pathian le sum ii sila, na seam khawm thei buatu hi,” ci hi.

Luke 16:13 Iomraidhean Croise

Matthew 4:10

Tuasia ciang Jesus in, “Satan awng, tai in! Laithiangtho in, ‘Na Topa Pathian bek bia vun a, Ama atu bek sepsak vun!’ ci hi,” a ci hi.

Matthew 6:24

“Kuama in to nii ii sal hi thei ngawl hi. Ama in khat ensan tu a, khat it tu hi; khat ii tungah thumaan tu a khat puavawk tu hi. Pathian le sum ii sal na seam khawm thei buatu hi.

Luke 11:23

“Khat pawpo kei sang hong pang ngawl sia in kei hong langpan takpi ahi hi; khat pawpo in kei hong khoptua pui buale a tatakin a thethaang ahi hi.

Luke 14:26

“A kuama po kei nung hong zui tu sia in, a pa, a nu, a zi, a tate, a suapuipate, a suapuinute le, ama le ama mama sang zonghin kei hong it zaw buale kei nungzui a suak thei buatu hi.

Luke 16:12

Ngual neisa tungah na thumaan bua uh ahile, no tungah na neisate akua in hong pia nuam tu ziam?

Luke 16:9

Jesus in hi bang ci thua hi. “Kei kong cina pan: leitung haunate taw ngualtamh zong vun, tuaciang, tuasia a bo ciang tawntung inn ah no hong kisaang tu hi.

Luke 9:50

Jesus in ama tung le a nungzui dangte tungah, “Ama na tho heak vun, banghang ziam cile no hong langpan ngawl peuma no sang hong pawl ahi hi,” ci hi.

James 4:4

Thumaan ngawl mihingte awng! Leitung ii ngualtamh ih hi le Pathian ii ngal ih hi hunlam he ngawl nu ziam? A kuama po leitung ngualtamh a suak nuam sia Pathian ii ngal suak nuam ahi hi.

Joshua 24:15

Ama na, na seam nuam bua uh le, tu ni in khensat vun, akua atu seam tu nu ziam, ih taanghpupite ii Mesopotamia ah a biak pathiante atu ziam maw, tu laitak na teenna leitang a nei Amor pathiante atu ziam? Ka innkuan puite le kei ka hi le Topa atu ka seam tu uh hi.”