Luke 15:28 - Syin Chin Bible

²⁸ A tapa lianzaw sia thin uuk mama a, inn sung zongh ah a tum nuam bua hi; tua ahikom a pa pusuak a, a tapa ii hong sungtan natu kun hi.

Luke 15:28 Iomraidhean Croise

Isaiah 65:5

Tuaciang amate in midangte tungah, ‘Ko kung hong neak heak vun; ko sia no ii thuthaak tu in thiangtho leih khu hi!’ ci uh hi. Tuabang mihingte ka thuak zo bua hi — amate tungah ka thin uukna sia a mit ngeingawl meikuang khat taw kibang hi.

Isaiah 66:5

No, ama kiita in a thu a nite in, Topa ci bang ngai vun: “Kei tungah nong thumaan hu in, na mite sung pan ma in pawlkhat sia note hong ensan in bangma hong heang ngawl tu hi. Amate in no hong nunau in, ‘Lungdam takin na nuntak uh kong mu thei natu uh in, Topa in a letna hong lak hen a, hong ngum tahen’ hong ci uh hi. Ahihang amate mama maimawl tu uh hi!

Jeremiah 35:16

Jonadab ii tu le tate in a taanghpupite ii thupiakna mang uh hi, ahihang note in ka thu nong ni bua uh hi.

Jonah 4:9

Ahihang Pathian in ama tungah, “Hi a kung hing huvau in na thin uuk thei natu nang bang thu nei ni ziam?” ci hi. Jonah in, “Thi ngam natu in thin uuk na — ka thin uuk thei natu thu nei leilam khi hi!” ci in zo kik hi.

Matthew 20:11

Amate in a sum saan uh ciang, thacialpa phunsan hi.

Mark 1:40

A lauhuai vun natna vei a nasia mama khat Jesus kungah hong pai a, khupdin in, “Hong damsak nuam po lete hong damsak thei tu ni hi,” ci in hu ngen hi.

Luke 13:34

“Jerusalem, Jerusalem awng! Nang in kamsaangte na thatlum a, Pathian kamtaite na deanglum uh hi! Akpui in a note a tha nuai ah a huai bangin, tamvei ma na mite ka huai nuam hi. Ahizong nong oai bua hi.

Luke 15:2

tuasia ciangin Phariseete le Thukham hil syate phun lialua uh hi, “Hisia pa in ngual ii puavawkte taw in an ngawngawn zongh nekhawm hi!” ci uh hi.

Luke 15:27

‘Na naupa hong cia kik a, khui thau sia na pa in ngo hi, banghang ziam cile ciidam ludam a, a tapa a nga kik hang ahi hi.’

Luke 15:29

Ahihang a pa ii kam zo a, ‘En in kum hi tanvei sal bangin na na hong sepsak a, na thu piakte hong nial ngeingawl khi hi. Kei bang nong pia ngei ziam? Keal khat beak zongh ka ngualtamhte taw ka neak tu nong pia ngei bua hi!

Luke 24:47

tuaciang ama min taw kisiik kikna le mawmaisakna sia Jerusalem pan kipan minam theampo tungah kihil tu hi.

Luke 5:30

Pharisee pawlkhat le tuate sung pan Thukham hil syate in Jesus nungzuite tungah lungkim ngawlna hi bangin ci uh hi. “Banghangin shiadongte le a kipuavawkte taw annekhawm tuidawn khawmin om nu ziam?” ci in dongh uh hi.

Luke 7:39

Pharisee pa in a mu ciangin, “Hisia pa sia kamsaang hi takpi le ama a tham numei hisia akua hi ci in he tu a, bangbang mawna taw nungta cisia he tu hi!” ama le ama kici hi.

Sawltakte 13:45

Jew te in mihonpite a mu ciangin, eenna thin taw kidim uh a; Paul thusonte nialin, selno uh hi.

Sawltakte 13:50

Ahihang Jew te in khuapi sung lampui upate le Pathian a bia Gentile numei a ci thei thu neite hol uh hi. Amate in Paul le Barnabas vawtsiat kipan a, ngam puasia ah hawlkeak uh hi.

Sawltakte 14:19

Pisidia ngam Antioch khua pan le Iconium panin Jew te pawlkhat hong pai hi; amate sangah mihonpite zol zo in Paul sia suang taw deang a, tuaciang thi zo sa ahikom khua pua ah taalkai uh hi.

Sawltakte 14:2

Ahihang a um nuam ngawl Jew te in, Gentile te holin thu umte langpansak hi.

Romete 10:19

Tua ahile: Israel mite in he ngawl ziam? ci in kong dongh kik hi. Moses ama mama in hong zo phit hi: “Minam in a kisim ngeingawl mihingte in, eenna thin hong neisak tu hi. A mawmaw minam khat zanghin na thin uh kong uuksak tu hi.”

2 Corinth te 5:20

Tua ahiciang hi sungah kote Pathian ma in kote tungtawnin note tungah hong thuum bangma in Christ atu in thuson ka hi uh hi. Christ ii taangin kong thuum uh hi: Pathian in a ngalte na hina uh pan, a lawmte hong suaksak tahen!

1 Thessalonica te 2:16

Ngupna a piangsak tu thute Gentile te tungah ka hil tu uh ngawngawn khaktan tu in hanciam uh hi. Hi bangin amate ii a paltan tawntung sa mawna theampo pawlcingsak uh hi. Tu in Pathian thin uukna sia amate tungah a khakbel ciangin hong thengsuk zo hi!

1 Samuel 17:28

David ii a u lianbel Eliab in David le mite kipaupui na teng za hi. Ama thin uuk a David tungah, “Nang hi sungah bang hong zong ni ziam? Dui sungah na tuute akua in keam tu ziam? Kin ngawl tu teng a kin, nang thong awng! Ngal kido en tu bekin hong pai na hi ziam!” ci hi.

1 Samuel 18:8

Saul in hisia diksa ngawl a, a thin uuk mama hi. Ama in, “David atu in amate in a tulsawm simin that ci a, kei ciang a tul simin that hong ci bek hi. Amate in a kik ciang ama sia kumpipa suaksak tu hi!” ci hi.