Luke 15:23 - Syin Chin Bible

²³ Tua zawkciang khuino thau sia hong kai tavun a, ngoin anneakpoai vawt tawng!

Luke 15:23 Iomraidhean Croise

Pianciilna 18:7

Tua zawkciang ama in a nganhon omna ah tai in khuino thau a limcibel khat tealin, a naseampa tungah aap a, neak thei tu in vawtsak memeang hi.

Psalm Late 63:5

Ka thaa in kibuailamna an ne in lungkim tu a, pokna lungdamna late nang kong sak tu hi.

Paunakte 15:17

Ki etsatna a omna munah sa a limbel neak sangin na it mihingte taw antee neak khop sia phazaw hi.

Paunakte 9:2

Ama in poai vawt natu nganno khat ngosakin, sapittui sungah hel thei tuatuamte a hel zawkciang sabuai phaasak hi.

Isaiah 25:6

Vaanglianbelpa Topa in hi sung Zion Mual tungah leitung minamte theampo atu in anneakpoai khat — a limbel an le a phabel sapittui taw na vawtsak tu hi.

Luke 15:22

Ahihang a pa in naseamte sam a, ‘Hong manlang tavun! Puantual phabel sia la tavun a, silhsak vun. A khutme ah khutzungbu bulsak vun a, peangdap thuasak vun.

Luke 15:24

Banghang ziam cile hi ka tapa sia thi zo a, ahizong tu in hong nungta kik hi; ama bo a, tu in kimu zo hi.’ Tua hu in, poai vawt tu in kipan hi.

1 Samuel 28:24

Nupinu in a thau tu in a vaak top khuino sia ngo hi. Tuaciang ama in anvui pawlkhat la a, tol saw ngawl anluum in hong em hi.