Luke 15:20 - Syin Chin Bible

²⁰ Tua ahikom ama dingto in a pa kung zuan kik tu in kipan hi. “A inn a thet natu khuala ma samh lai kasap, a pa in mu hi; khuangai huai sa in del a, ngawngkoai in namh hi.

Luke 15:20 Iomraidhean Croise

Pianciilna 33:4

Ahizong Esau sia ama muak tu in hong tai a, ama koai in namh hi. Amate kap khawm hi.

Pianciilna 45:14

Joseph in a suapuipa Benjamin koai in kap a; Benjamin zongh in koai in kap hi.

Pianciilna 46:29

Joseph, a siphu ngalleang tung to in a pa muak tu in Goshen ah pai hi. A kimu ciang Joseph in a pa ngawngkoai in ngei hialma kap hi.

2 Samuel 14:33

Tua ahikom Joab sia Kumpipa David kungah pai a, Absalom ii ci teng son hi. Kumpipa in Absalom samsak a, ama pai in kumpipa mai lei ah hong kun suk hi. Kumpipa in ama muakin namh hi.

Psalm Late 86:15

Ahihang Topa awng, nang sia, a hesuak thei le a it thei Pathian na hi a, a thin uai tawntung, a dik tawntung le a thumaan tawntung na hi hi.

Psalm Late 86:5

Ko tungah nangma na pha a, nong maisak hi, nang tungah thu hong ngente theampo atu in itna kip taw na kidim hi.

Isaiah 49:15

Tuasia ciang Topa in, “Numei khat in ama ii nausen mangil in ama ii hin le toai tasen it ngawlin om thei tu ziam? A nu in a tasen a mangil zezen tha hial zongin, keima in note kong mangil ngei buatu hi.

Isaiah 57:18

“Amate ngamtatnate ka mu zo hi, ahihang amate ka damsak tu hi. Amate lampui in hu in, a hee a kapte ka heeneam tu hi.

Jeremiah 31:20

“Israel awng, nang sia ka thangaibel ka tapa na hi a, ka itbel ka ta na hi hi. Na min ka law simin itna taw kong phawk hi. Nangma kong ngaisun tawntung a; kong hesuak tu hi.

Hosea 11:8

“Israel awng, bangbangin hong thasua thei tu khi ziam? Bangbangin hong nusia thei tu khi ziam? Admah ka suksiat bangin hong susia ngei tu khi ziam? tua ahibuale Zeboiim tungah ka vawt ngei bangin nang hong vawt tu khi ziam? Ka lungtang in tuabang hong vawtsak ngawl tu hi! Nang kong itna sia nasia lei hi.

Luke 15:19

Na tapa ci tu in ka kilawm nawn bua hi; na naseam khat bangin hong omsak ta'n ci tong,’ ci hi.

Luke 15:21

‘Pa awng, Pathian tung le nangma tungah hong khial zo khi hi. Na tapa ci tu in ka kilawm nawn bua hi,’ ci hi.

Sawltakte 2:39

banghang ziam cile Pathian kamciam sia, no le na tate le, a khualana ah a omte atu in a kivawt hi a, tuaciangin Topa Pathian ii ama kungah a samsa theampo atu ahi hi,” ci hi.

Sawltakte 20:37

Amate in ama koai a namhin, a vaithak uh ciang, a vekpi ma in kap uh hi.

Ephesus te 2:13

Ahihang tu in, Christ Jesus taw na kipumkhat uh hu in, a khuala a om ngeisa note sia Christ ii chisan hu in a nai hong kithen zo hi.

Ephesus te 2:17

Tua ahikom Christ hong pai in Pathian taw a kikhuala, no Gentile te tung le Pathian taw a kinai Jew te tungah kilemna thu ahi Lungdamna Thupha hong hil hi.