Luke 15:2 - Syin Chin Bible

² tuasia ciangin Phariseete le Thukham hil syate phun lialua uh hi, “Hisia pa in ngual ii puavawkte taw in an ngawngawn zongh nekhawm hi!” ci uh hi.

Luke 15:2 Iomraidhean Croise

Matthew 11:19

Mihing Tapa hong pai a, ama in ne in dawnin a om leleau ciang, ‘Hisia pa en vun! Antuangpa, zutuangpa, shiadongte le pawlsung pan a kipuavawkte ii lawmpa!,’ mihing theampo in ci uh hi. Ahitazong Pathian ii ciimna sia maan tatak hi ci in a piang thute panin kilak hi.”

Matthew 9:11

Hi bangin a om uh, Pharisee te pawlkhat in mu a, “Banghangin na Syapa uh hi bang mihingte taw an nekhawm ziam?” ci uh hi.

Luke 15:3

Tua ahikom Jesus in amate tungah hi thusonteena son hi.

Luke 19:7

A mu mihing theampo phun tek a, “Hisia pa in, mawneipa khat ii inn ah zintung thong hi!” ci uh hi.

Luke 5:30

Pharisee pawlkhat le tuate sung pan Thukham hil syate in Jesus nungzuite tungah lungkim ngawlna hi bangin ci uh hi. “Banghangin shiadongte le a kipuavawkte taw annekhawm tuidawn khawmin om nu ziam?” ci in dongh uh hi.

Luke 7:34

Mihing Tapa hong pai a, ama in ne in dawn in, a om leleau ciangin, ‘En vun. Antuangpa, zutuangpa, shiadongte le a kipuavawkte ii lawmpa!’ ci nu hi.

Luke 7:39

Pharisee pa in a mu ciangin, “Hisia pa sia kamsaang hi takpi le ama a tham numei hisia akua hi ci in he tu a, bangbang mawna taw nungta cisia he tu hi!” ama le ama kici hi.

Sawltakte 11:3

“Vunteap at ngawl Gentile te inn ah zintung in, an ngawngawn nekhawm nu hi!” ci hi.

Galatia te 2:12

James ii hong puak mihing pawlkhat tua mun a thet ma in, Peter sia Gentile suapuite taw an nekhawm zo hi. Ahihang hi mite hong thet zawkciang, vunteap a atsak nuamte a kiitak hu in, ama kikeam a, Gentile te taw an a nekhawm nuam bua hi.

1 Timothy 1:15

Jesus Christ in mawneite hun tu in leitung ah hong pai hi: ci sia thumaan hi a, a cing takin up tu le saan tu ahi hi. Tua a mawte sung pan keima in a mawbelpa ka hi hi,