Luke 15:18 - Syin Chin Bible

¹⁸ Ding in ka pa kungah zuan tong, Pa awng, Pathian tung le nang tungah kong khial zo hi.

Luke 15:18 Iomraidhean Croise

2 Khangtaanghthu 33:19

Kumpipa ii thungetna le Pathian zo kikna, a kisiik kik ma in a vawt mawna khialna — a sia a vawtte, doai sepna munte le numeipathian Asherah lim, tuaciang a biak milimte — theampo sia Kamsaangte Taanghthu sungah kiciamtee hi.

Psalm Late 25:11

Topa awng, na kamciam kipsak in a, ka mawnate hong maisak ta'n, banghang ziam ci le ka mawna tam mama hi.

Paunakte 23:13

Patangte tungah tek tu le pau tu haisaang heak in. A kilawm bang a, a ngoaibul bekna in ama thisak ngawl tu hi.

Isaiah 63:16

Nangma in kote pa na hi hi. Ka taanghpupi Abraham le Jacob te in ko hong thusim ngawl uh hi, ahihang Topa, kote hong suatak tawntung pa, nangma in kote pa na hi hi.

Jeremiah 3:19

Topa in, “Israel awng, nang sia ka tapa bangin kong saang nuam a, leitung theampo sung pan a et hoibel ngamnuam khat kong pia nuam hi. Kei sia pa nong nak tu le ka kung pan na tai kik ngei nawn ngawl tu ka dei hi.

Jeremiah 31:20

“Israel awng, nang sia ka thangaibel ka tapa na hi a, ka itbel ka ta na hi hi. Na min ka law simin itna taw kong phawk hi. Nangma kong ngaisun tawntung a; kong hesuak tu hi.

Kaa late 3:29

Kipum aapin ih kun tu ahi hi, banghang ziam cile lametna om thei lai tu hi.

Kaa late 3:40

Ih kalsuan nate en pha kikin Topa kungah heak kik tawng.

Daniel 4:26

Vantunglalang in lei sungah tua thingbul a kinusiat natu in thupia hi. Tu sia in leitung theampo Pathian ii uk ahi hunlam na tel tak ciang kumpi na sua kik tu hong sonna ahi hi.

Jonah 2:4

Na omna panin hawlkeak sa in, ka kingaisun a, na Biakinnpi thiangtho mu kik ngei nawn ngawl tu in ka kingaisun hi.

Jonah 3:9

Pathian a thin kheal kik tha tu hi; a thin uukna thaisak tha tu a ih thi buatu hi!” ci hi.

Matthew 3:6

Amate in a mawna uh pualaak a, tuaciangin Jordan ngun sungah ama in tuiphum hi.

Matthew 6:14

“Ngual ii note tung a hong khialnate na maisak uh le, vantung a na Pa zongh in, note khialna zongh hong maisak tu hi.

Matthew 6:9

Tua ahiciang hi bangin thu ngen vun: Vantung a om kote Pa awng: Na min thiangtho ki upat tahen;

Matthew 7:11

Na phat ngawl uh kawm panin na tate atu napha piak tu na he uh hi. Tua ahile, vantung ah na Pa in a ngente tungah naphate bangza in hong pia zaw kan tu ziam?

Luke 11:2

Jesus in amate tungah, “Thu na nget uh ciangin hi bangin ci vun: ‘Pa awng, Na min thiangtho ki upat tahen; Na Ngam hong piang tahen,

Luke 15:17

A khakbel ciangin khua phawk a, ‘Ka pa inn ah a cial naseamte zongh in, a khawn laak tu dongin an nei a, kei sia hi munah pukthi tu in ka om hi!

Luke 15:19

Na tapa ci tu in ka kilawm nawn bua hi; na naseam khat bangin hong omsak ta'n ci tong,’ ci hi.

Luke 15:21

‘Pa awng, Pathian tung le nangma tungah hong khial zo khi hi. Na tapa ci tu in ka kilawm nawn bua hi,’ ci hi.

Luke 18:13

Ahihang shiadongpa ahile a khualana ah ding a, vantung zongh ento ngam ngawlin, a awm beang a, ‘Pathian awng, kei mimawpa hong hesuak ta'n!’ ci hi.