Luke 15:15 - Syin Chin Bible

¹⁵ Tuabang ahiciangin, tua ngammite khat ii kungah naseam tu in pai a, tua pa in lo sungah vokte cing tu in sawl hi.

Luke 15:15 Iomraidhean Croise

2 Khangtaanghthu 28:22

Ahaz sia a thinngimbel hun hong thet ciang Topa tungah nidang sangin zongh maw zaw lai hi.

Pusuana 10:3

“Tua ahiciang kumpipa kungah Moses le Aaron pai in, “Topa, Hebrew te ii Pathian in, ‘Kei tungah nong kiniamkhiak tu, bang tanvei hong nial lai tu ni ziam? Kei hong biak thei natu in, ka mite paisak in.

Isaiah 1:5

Banghangin hong langpan lalai nu ziam? Daan thuak thua nuam lai nu ziam? Israel te awng, na lu tung theampo liamma dim zo a, na thin uh ngim mama hi.

Isaiah 57:17

Amate ii mawna le duhopna hu in amate tungah ka thin uuk hi, tua hu in amate daan pia in ka nusia hi. Ahihang amate a thin uh pui in a ngamtat ngei bangin ngamta veve uh hi.

Jeremiah 5:3

Topa in thumaanna zong takpi hi. Ama in no hong saat hi, ahihang no in phamaw na sa bua uh hi; ama in no hong hualcip hi, ahihang thuhilna na ngai tuan bua uh hi. Na thin uh pui in na mawnate uh panin na kikheal bua uh hi.

Ezekiel 16:52

Tu in min siatna na thuak kul tu hi. Nangma ii mawnate sia na suapuinumeite ii mawna taw tee ngat ciang, amate sia a maw ngawl taw kibang hi. Tu in na suapuinumeite sia a thiangtho bangin kimusak na hi ciang, maisan liangin, maizum nga ta'n,” ci hi.

Ezekiel 16:63

Na khialnate theampo kong maisak tu a, ahizong, na khialnate phawk kik in, maizum leilam in na kam zongh na kaa ngam buatu hi.” Vaanglianpipa Topa in son zo hi.

Nahum 3:6

Nang kong zawnsak vawt tu a, a kiihuai ninteak taw kong siin tu hi. Mihingte lau in nang hong salh tu uh hi.

Malachi 2:9

Note in ka deina nong ni bua uh a, ka mite na hil uh ciang zong, khat le khat doidan na hi uh ciang, Israel mite in note kong simmawsak kik tu hi.

Matthew 7:6

“A thiangtho nate uite na pia heak vun — amate in noma hong pet kik zaw tu hi. Vokte mai ah na suang manphate na lot heak vun — amate in a peang nuai a siikcil lel tu hi.

Luke 15:13

Ni tawmvei zawkciangin, a tapa nozaw sia in, ama ii neisa teng zuak siat a, inn nusia in a sum teng taw pusuak hi. Ngam khualana khat ah pai a, tua munah a sum teng zangh maai siat hi.

Luke 15:14

A nei theampo zangh khawng hi. Tuaciangin tua ngam ah kialpi lian khat tung a, ama bangma nei nawn ngawlin om hi.

Luke 15:16

Vokte ii neak bengapte ne nuam liang ahihang kuama in a neak tu bangma a pia bua uh hi.

Romete 6:22

Ahihang tu in note sia mawna panin hong kisuaktasak zo a, Pathian silate na hi uh hi. Na meetna uh sia nuntakna a cialcingin ama tungah na kipum aapna uh hi a, tua taw kizom thu in tawntung nuntakna ahi hi.

Titus 3:3

Banghang ziam cile, eima zongh khatvei lai in, a mawmaw, thu ni ngawl le a khial thei mi ih hi ngei hi. Ci le sa deina le nopsakna namcin ii sila ih hi ngei hi. Ih nuntakna sia hazatna le eenna taw ih zangh hi; ngual in hong ensan a, tuaciang ei zongh in ih ensan hi.