Luke 15:10 - Syin Chin Bible

¹⁰ Kei kong ci ciang, tuasia bangma in, mihing mawnei khat a kisiik kik hu in, Pathian vantunglalangte lungdam hi.”

Luke 15:10 Iomraidhean Croise

Ezekiel 18:23

Mihing pha ngawl khat a thi ciang dik sa tu nong um ziam?” ci in Vaanglianpipa Topa in dongh hi. “Dik sa ngawl khi hi, kisiik kikin nungta le oai zaw khi hi.

Ezekiel 18:32

Kuama a thi tu dei ngawl khi hi. Na mawnate panin, kikheal vun a, nungta tavun,” Vaanglianpipa Topa in ci hi.

Ezekiel 33:11

Amate tungah son in a, Keima, Vaanglianpipa Topa in a nungta takpi Pathian ka hi bangma in, mawnei te a thi ka mu sia lungdamin ka nei bua hi. A mawna kikheal in a nuntak tu ka dei zaw hi. Israel awng, na tatsiatna pan kheal in. Banghang thi nuam ni ziam?

Matthew 10:32

“Mihingte mai ah khat po in kei neisa a hina a pualaak le, vantung ka Pa mai ah, kei zongh in tuabang ma in ka pualaak tu hi.

Matthew 18:10

“Hi patang khat po na zawnsak ngawl natu in, na kidawm vun. Amate ii vantunglalangte sia ka Pa omna munah om tek nginge hi, ci in hong son ka hi hi.

Matthew 18:14

Tuabang ma in vantung a na Pa in, hi patangte khat po a bo tu sia a oai bua hi.

Luke 12:8

“A maan takin kong ci ciang, mipite mai ah keima ii mi ahi hunlam a pualaakte sia Mihing Tapa zongh in Pathian vantunglalangte mai ah tuabang ma in a pualaak tu hi.

Luke 12:9

Ahihang mihonpi mai ah kei hong nialte sia Mihing Tapa in Pathian vantunglalangte mai ah nial tu hi.

Luke 13:5

Hi ngawl het hi! A tatak kong ci ciangin no zongh na mawna pan, na kisiik kik bua uh le, amate bangma in na thi siat tu uh hi.”

Luke 15:11

Jesus in a son lai na pan, “Khatvei lai in pasal khat in tapa nii nei hi.

Luke 15:7

Tuasia bangma in kei kong ci ciang, a kisiik kik ngawl mihing zatak huai sawmkua le kua te sangin a kisiik kik mawnei khat hu in vantung ah lungdamna lian zaw tu hi.

Luke 15:9

A mu ciang a lawmte le a innpaamte kaikhawm in, ‘Ka lungdam mama hi, ka bosua dangkatang sia ka mu zo hi. Lungdam poai vawt tawng!’ ci tu hi.

Luke 7:47

Kei kong ci in a, ama ii, itna lianpi hong lakna sia in, ama mawna tam mamate kimaisak zo hi, ci na thu kiciansak hi. Tua hi a, tawm bek a kimaisakte in itna tawm bek lak tu hi,” ci hi.

Sawltakte 11:18

Hi thu a zaak uh ciangin, Peter sia mawsak nawn ngawlin, Pathian pok uh hi. “Tua ahile Pathian in, Gentile te tung zongh ah, kisii kik natu le nuntak natu hunpha pia zo hi!” ci uh hi.

Sawltakte 5:19

Ahihang tua zanin Topa vantunglalang khat in thong kongkha hon a, sawltakte a pusuasak zawkciangin, amate tungah,

2 Corinth te 7:10

Banghang ziam cile Pathian ih zak heena in ngupna nga natu in thin kikhealna piangsak hi — tua ii sungah bangma kisii natu om ngawl hi! Ahihang mihing ii heena lel bek in thina piangsak hi.

Philemon 1:15

Onesimus sia nang kung panin tawmvei sung a tai sia, a tawntungin na omkhop kik thei natu uh hang hizaw tha tu hi.

Hebrew te 1:14

Tua ahile vantunglalangte sia bang ziam? Amate sia Pathian naseam thaa te hi a, ngupna a saang tute a hu tu in, a sawlte ahi uh hi.