Luke 14:15 - Syin Chin Bible

¹⁵ Sabuai ah a to mihing khat in hi thu a zaak ciangin Jesus tungah “Pathian Ngamsung poai vawtna ah a to tute sia bangzata in thupha nga ziam?” ci hi.

Luke 14:15 Iomraidhean Croise

Matthew 25:10

Tua ahikom a mawmaw ngaknute sia meitui lei tu in pai uh hi; tuaciang amate pai lanin zineipa hong theng hi. A kinging sa a om ngaknu nga teng sia ama taw kiteenna poai ah sungtang uh a, tuaciang kongkha kikhak hi.

Matthew 8:11

“A maan tatak ka ci ciang, nisuana le nitumna panin, mihing tam mama hong pai tu a, Vantung ngam sungah Abraham, Isaac le Jacob taw anneakpoai sungah hong tokhawm tu hi.

Luke 12:37

Ama hong cia kik ciangin a kinging sa in a om, a khuaphawk naseamte, a topa in a mu ciang amate bangzata in thupha a nga tu ziam? A maan takin kong ci ciangin, a topa in a laktong puasilh suut tu a, amate a tosak zawkciang anvaak tu hi.

Luke 13:29

Mihingte sia nisuana le nitumna, sak le thang panin hong pai tu a, Pathian Ngam sungah poai hong siim tu uh hi.

Luke 22:16

Banghang ziam cile a tatakin ka ci ciang, Pathian Ngam sungah, hi neakna dawnna ii khiakna a kikhuangkhim mateng in hi an ka ne nawn buatu hi,” ci hi.

Luke 22:30

ka ngamsung ka sabuai ah no sia kei taw anne tuidawn khawm in, na om tu uh a, kumpi tokhum tungah to in, Israel minam sawm le niite na uk tu uh hi.

Thupualaakna 19:9

Tuaciangin vantunglalang in kei tungah, “Hi thu at in: Tuuno mopoai sungah a kisamte sia mihing lungdamte ahi hi,” hong ci hi. Tuaciang vantunglalang in, “Hite sia Pathian ii a son tatak kammalte ahi hi,” hong ci thua lai hi.