Luke 14:13 - Syin Chin Bible

¹³ Anneakpoai na vawt ciangin, a zawngte, a koncipte, a peangbaite, le mittawte na sam tavun;

Luke 14:13 Iomraidhean Croise

2 Samuel 6:19

amate an hawmsak hi. Ama in Israel pasal le numei khat simin anluum khat tek, sa em bak khat tek le sapitko tawm tek pia hi. Tua zawkciang a kuama po inn ah cia uh hi.

2 Khangtaanghthu 30:24

Hezekiah kumpipa in tua poai ah mipite neak tu in khuital 1,000 le tuu 7,000 pia in a uliante in a dang khuital 1,000 le tuu 10,000 pia uh hi. Thiampi tam mama in a zeksa kithiansuana vawt uh hi.

Nehemiah 8:10

Tu in cia tavun a, anlim tuilim neakna vawt tavun. Na an le na sapittuite, neak tu a kitaangsamhte hawm tavun. Tuni sia ih Topa atu in thiangtho ahikom hee heak vun. Topa ii hong piak lungdamna in note hong thahatsak tu hi,” ci in son hi.

Nehemiah 8:12

Amate tungah a kisim thukhamte a telthiang hu in mipite a inn uh ah cia a, lungdam takin an le tui ne in, a nei pawpo ngualdangte hawm uh hi.

Job 29:13

Ngim le kham nasiabel a thuak mite in kei hong pok uh hi, tuaciang meingongte ngam muanna a nga natu in ka hu hi.

Paunakte 14:31

Mizawngte na nengcip le a vawt pa Pathian simmaw na hi hi; ahihang mizawngte tungah dikna in biakpiakna nam khat ahi hi.

Paunakte 22:9

Piakna sungah na ngo vun a, na an uh mizawngte na hawm vun. Tua hu in thupha na saang tu hi.

Isaiah 58:10

ngilkialte an pia in, kitaangsapna a nei mite na lungkimsak uh le; na kiimkot uh a khuazing sia sun khuavak a suak tu hi.

Isaiah 58:7

Ngilkialte na an uh hawm vun a, inn nei ngawl mizawngte atu in na inn uh hon vun. Puan silh tu a nei ngawl mite puan pia vun a, na beete na hu thada heak vun.

Matthew 15:30

Ama kungah mihon hong paite in peangbai, mittaw, a koncip, a pau thei ngawl le ciina dang tam mama te, Jesus kungah paipui uh a; Jesus in amate damsak hi.

Matthew 22:10

Tua ahikom naseamte in lam ziikpite ah pai in a mu theampo le mihing pha mihing sia a kibangin khawmtua uh hi; tuaciang in mopoai vawtna inn dim hi.

Luke 11:41

Ahihang na kuang le na haite ii sung a omte sia a zawngte pia le uhte no atu in na theampo sia zeksa huvau in thiang tu hi.

Luke 14:12

Tua zawkciang Jesus in a innteakpa tungah, “Zing an ahibuale nitak an neakpui tu in na sap uh ciang, na lawmte, na suapuite, na mealheakte le na innpaam sumhaute sam heak in — banghang ziam cile, amate zongh in, hong sam kik tu a, tuabang teng taw in na vawtna bang hong kipia kik tu hi.

Luke 14:14

tua hile thupha na saang tu hi, banghang ziam cile amate in hong thuk kik zo ngawl tu hi. Mihing phate thaw kik ni ciangin Pathian in hong thuk kik tu hi,” ci hi.

Luke 14:21

Naseampa a topa kungah pai kik a, hi thu teng son hi. A topa thin uuk mama a, a naseampa munah, ‘A manlang in khua sung lam theampo ah va pai ta'n a, a zawngte, a koncipte, mittawte, le peangbaite hong ciapui ta'n,’ ci hi.

Sawltakte 9:39

Tua ahikom Peter kithoai in a samte taw ton hi. Ama a thet ciangin, inn tung doituam sungah paipui a, nupi meingong theampo in bawm hon a, kap kawmin, Dorcas a nuntak lai a, a vawt laktongte le laktong puasilhte theampo lak uh hi.

Thuhil kikna 14:29

Hi an sia neisa bangma a nei ngawl Levi te atu le, na khua sungah a teang ngamdangmite, tangate, le meingongte atu ahi hi. Amate hong pai in a kisap bangin la tu hi. Tuabangin vawt vun, tua hile na Topa Pathian in na nasep theampo thupha hong pia tu hi.

Thuhil kikna 16:11

Topa mai ah na tate, na naseamte le Levi te, ngamdangmite, tangate le noma khua ah a teang meingongte taw lungnuam khawm vun. Biakna mun khat sia ah lungdam takin biakna vawt vun.

Thuhil kikna 16:14

Na tate, na naseamte, Levi te, ngamdangmite, tangate le na khua sungah a teang meingongte taw lungdam in poai vawt khawm vun.

1 Timothy 3:2

Pawlpi lampuipa khat in sit baanna nei ngawl ahi tu kisamh hi; ama in zi khat bek a nei, thinpha a nei, ama le ama a ki uk zo, a cilngil ahi kul hi; zindo thiam, ngual a hil thei ahi tu kisamh hi.

1 Timothy 5:10

tuaciangin ngamtat pha nei hi ci in a kisonte: a tate pha takin a khangtosakte, a inn ah zin pha takin a dote, Tapidaw puite tungah a kiniamkhiakte, a ngim nga mi a hute, na pha seam tu in a kipumpiakte a hi tu kisam lai hi.

Titus 1:8

Ama in zindo thiam tu a, a phate dei tu hi. Ama le ama ki uk zo tu a, thutangin, thiangtho in, phinciing tu hi.

Philemon 1:7

Suapui awng, nong itna in, kei atu lungdamna lianpi le hanthotna tam ma hong pia hi! Pathian ii mihingte theampo ii thin nong nuamsak hi.

Hebrew te 13:2

Na inn ah leangnate zin na do tu mangil heak vun. Tuabang a ngamta pawlkhat in vantunglalangte zin dawdo ahi hunlam a he bua uh hi.