Luke 13:8 - Syin Chin Bible

⁸ Ahizong huanthopa in zo kik a, ‘Topa awng, kum khat sung teng na thutha heak lai in a kung kiimkot to in eaklei kong buak tu hi.

Luke 13:8 Iomraidhean Croise

Psalm Late 106:23

Pathian in a mite ka lalsak tu a ci ciangin ama ii teal a naseampa, Moses in Pathian mai ah dingin a thin uukna taw amate a lalsak ngawl natu in khaam hi.

Pusuana 34:9

Ama in, “Topa awng, kei tungah nong lungkim takpi ahile kote taw hong paikhawm ta'n. Hi mihingte thinpui hi, ahizong kote siatna le mawna hong maisak ta'n a, nangma aituam mihing in hong saang ta'n,” ci hi.

Jeremiah 15:1

Tuaciang Topa in kei tungah, “Moses le Samuel ngawngawn hi munah dingin ka tungah hesuak hong ngen hial zongh in, hi mihingte tungah hesuakna ka nei tuan buatu hi. Amate paisak vun; ka muna ah omsak heak vun.

Jeremiah 18:20

A pha sia, a sia taw lo kik tu ahi ziam? Tua hi napi amate in ka taaksuk natu in leidum khat to zo uh hi. Na kungah kong pai a, na thin uukna taw amate na vawtsiat ngawl natu in amate luangin kong son sia phawk in.

Joel 2:17

Biaknatau le Biakinnpi tumna kilaklaw a, Topa na a seam thiampite kapin thu a nget uh kul tu hi: “Topa awng, na mite hesuak in. Minam dangte in, ‘Na Pathian koisung om ziam?’ ci in hong zawngsak hong nunausak heak in,” ci tu uh hi.

Luke 13:7

Tua ahiciang huanthopa tungah hi bangin ci hi. ‘En in, theinga vil a ka pai zawk kum thum pha zo a, bangma mu ngawl khi hi. Phuktan in! lei tulsak tu in banghang kihoai ziam?’

Luke 13:9

Theikung sia hong nga le pha seseam hi, tuabang ahibuale na phuk thei tu hi,’ ” ci hi.

Luke 14:35

Leitang atu le pha ngawl, eaklei zong kizangh thei ngawl a; kivawk hi. Bil nei po in hi thu na za tavun!” ci in Jesus in thukhup hi.

Romete 10:1

Suapuite awng, ka minamte ngupna a nga natu in ka thinsung theampo taw deisak in Pathian tungah thu ka ngetsak hi!

Romete 11:14

Ka minampuite in eenna thin neisakin, pawlkhat beak amate ii sung pan ka suatak thei katawm maw ka ci hi.

2 Peter 3:9

Mihing pawlkhatte ngaisut bang hi ngawlin, a kamciamte a tunsak natu in, Topa haisaang ngawl hi. Ama, no tungah a thinsau hizaw hi, banghang ziam cile ama in, kuama lalcipsak nuam ngawl a, a mawna uh pan kisiiksak siat nuam hi.