Luke 13:35 - Syin Chin Bible

³⁵ Tua ahikom na Biakinnpi uh sia kinusia cip tu hi. A tatakin ka ci ciang, ‘Topa min taw hong pai pa tungah Pathian thupha tung tahen,’ na ci uh hun mateng kei nong mu buatu hi,” ci hi.

Luke 13:35 Iomraidhean Croise

Psalm Late 118:26

Topa min taw hong pai pa, Pathian in thupha pia tahen! Topa Biakinn panin nang thupha kong pia uh hi.

Psalm Late 69:25

Amate ii ngiaphualte kinusia tahen; amate ii buk sungah kuama kihingkhoai heak hen.

Isaiah 52:7

Mualte kaantan in thupha, kilemna thu puak a hong pai kamtaipa khat ih mu tu sia lamdang lawlawm hi! Ama in ngalzawna thangsak a, Zion tungah, “Na Pathian sia kumpi ahi hi!” ci hi.

Jeremiah 22:5

Ahihang kong thu piakte nong ni bua uh le, hi kumpi inn sia siacip tu hi ci in ka kiciam hi. Keima, Topa in ka ci zo hi.

Jeremiah 35:17

Tua ahikom tu in, Keima, Vaanglianbelpa Topa, Israel ii Pathian in no, Judah mite le Jerusalem mite tungah ka kamciamsa suksiatna theampo kong tungsak tu hi. Hi bangin note kong vawt tu hi, banghang ziam cile thu kong son ciang nong ngai bua uh a, kong sam ciang nong zo bua uh hi,” a ci teng a son tu in kei hong sawl hi.

Micah 3:12

Tua ahikom note hu in Zion sia lo khat bangin kitho tu a, Jerusalem sia nin kholna suakin, Biakinnpi mual sia dui suak tu hi.

Zechariah 12:10

“Keima in David suan le paalte le Jerusalem a teang a dangte sia hesuakna thin le thungetna thin taw ka dimh tu hi. Amate in nam taw a tuplup pa en tu uh a, ta khat bek a nei a thisuate khuangai bangin khuangai tu uh hi. Amate in a tapaciil a khuaite bangin nasia tak khuangai tu uh hi.

Zechariah 14:2

Topa in Jerusalem sim tu in minam theampo khawmtua tu hi. Khuapi kila in, innte kiphuul tu a, numeite buan in khialpui tu hi. Khua mite a lang sia sal in kipaipui tu a, a taanglai teng ahile khuapi pan kipaipui ngawl tu hi.

Matthew 21:9

Jesus mai le a nung panin a pai mihonte in, “David Tapa minthang hen! Topa min taw hong pai pa tungah Pathian in thupha pia tahen! Hosanna, Pathian in pokna nga tahen!” ci in au uh hi.

Matthew 23:37

“Jerusalem, Jerusalem awng! Nang in kamsaangte na thatlum a, Pathian kamtaite suangtum taw na hua hi. Akpui in aknote a thakhui nuai ah a uap bangin, bang tanvei na mihingte angvan nuam khi ziam? ahihang na oai bua hi!

Luke 19:41

Ama khuapi taw a kinai vaialna hong theng a, khuapi a mu ciangin kapin,

Luke 21:24

Pawlkhat namsau taw kithat tu a, a dangte ngam theampo ah thongtaak tu in kipaipui tu hi; tuaciangin amate ii hun a cin mateng in Gentile te in Jerusalem sia a peang taw tuanhcil tu hi.

John 12:13

Tua ahikom amate in palm thingbaakte la in, ama muak tu in pai uh a, “Pathian pok vun! Topa min taw hong paipa, Pathian in thupha pia tahen! Pathian in Israel Kumpipa thupha pia tahen!” ci in au uh hi.