Luke 13:34 - Syin Chin Bible

³⁴ “Jerusalem, Jerusalem awng! Nang in kamsaangte na thatlum a, Pathian kamtaite na deanglum uh hi! Akpui in a note a tha nuai ah a huai bangin, tamvei ma na mite ka huai nuam hi. Ahizong nong oai bua hi.

Luke 13:34 Iomraidhean Croise

Nehemiah 9:26

“Ahizong na mite in nang hong leedo a, na thu hong nial hi; amate in na Thukham nungngat uh hi. Amate in nangma kung hong heak kik natu a son, a kidop thei natu in thu a pia kamsaangte that uh hi. Amate in hun khat zawk hun khat nang hong simmaw uh a,

Nehemiah 9:30

Kum khat zawk kum khat amate kidop natu thinsau takin na hil hi. Na kamsaangte thinsung ah a thuson tu na hil a, ahizong na mite in nangonthaak ahikom, minam dangte in amate na zothalsak hi.

Psalm Late 149:2

Israel te awng, nang hong Bitphuapa hangin lungdam vun; Zion mite awng, na kumpipa hangin lawp vun.

Psalm Late 17:8

Na mittang mama na kep bangin kei hong keam ta'n a,

Psalm Late 36:7

Pathian awng, na itna kip sia, bangza in manpha ziam! Na thakhui ii limh nuai ah kote in kidalna ka nga uh hi.

Psalm Late 57:1

Kei hong hesuak ta'n, Pathian awng, kei hong hesuak ta'n, banghang ziam cile ngammuanna nga natu in nang kong zuan hi. A nasia mama vuipi suangvalte a thim dong na thakhui ii limh nuai ah kidalna ka nga hi.

Psalm Late 81:13

Ka mite in ka pau hong ngai hen a, ka thu hong ni le ka oai mama hi!

Psalm Late 91:4

Ama in a thakhuite taw nang hong uap tu hi; ama khoina sungah na ngammuang tu hi; Ama thumaanna in nang hong dal tu a, hong hung tu hi.

Isaiah 30:15

Vaanglianpipa Topa Israel te ii a thiangtho Pathian in mihingte tungah, “Hong heak kik tavun a, keima hong muang hiithiat tavun. Tua hile na tha uh hat tu a, ngammuang tu nu hi,” ci hi. Ahihang nong nial uh hi!

Isaiah 50:2

“Ka mite hun tu kong pai ciang banghangin ka mite in hong awlmawk ngawl ziam? Ka sap ciang amate in banghang hong zo ngawl ziam? Amate a hun tu in keima thazawm lei ka hi ziam? A sungah a om ngasate tui kisamh in a thi natu sia ka thupiakna taw in tuipi tui ka kangsak thei a, ngunte sennealngam ka suaksak thei hi.

Jeremiah 2:30

Keima in no, daan kong pia hi, ahihang bangma phatuam ngawl hi; keima ii no kong puua tu nuam ngawl nu hi. Tawpi kitom khat bangin, na kamsaangte uh na thatlum zo uh hi.

Jeremiah 26:23

Amate in Uriah sia Jehoiakim kumpipa kungah puak kik uh hi. Kumpipa in Uriah thatlumsak in a luang sia nautaang kiphumna thaan sungah vawk hi.)

Jeremiah 35:14

Sapittui neak ngawl natu in Jonadab ii a thupiak sia, a tu a tate in zui a, tuni ciang dong kuama in ne ngawl hi. No tungah kong sawson hangin, ka thu nong ni bua uh hi.

Jeremiah 35:17

Tua ahikom tu in, Keima, Vaanglianbelpa Topa, Israel ii Pathian in no, Judah mite le Jerusalem mite tungah ka kamciamsa suksiatna theampo kong tungsak tu hi. Hi bangin note kong vawt tu hi, banghang ziam cile thu kong son ciang nong ngai bua uh a, kong sam ciang nong zo bua uh hi,” a ci teng a son tu in kei hong sawl hi.

Jeremiah 6:16

Topa in a mite tungah, “Lamkaa bom ah dingin khuadak vun. Taangh lampite le a phabel lam sia koisung ziam ci in dongh vun. Tuasia tawn vun, tua hile thinnuamin na om tu uh hi,” ci hi. Ahihang amate in, “Hi ngawl hi, ko tawn ngawl tu khu hi!” ci hi.

Kaa late 1:16

“Tua hu in ka mittangte thitui taw kidim leet hi. Kuama in hong heeneam thei ngawl a; kuama in hong hanthawn thei ngawl hi. Ngalte in hong zothal a; ka mite in bangma nei nawn ngawl uh hi.

Kaa late 4:13

Ahihang hisia thu piang hi, banghang ziam cile a kamsaangte maw a, a thiampite in mawnei ngawl mihingte a a thisak uh hang ahi hi.

Hosea 11:2

Ahihang ama ka sap a tam vaial ciang hong nungngat san vaial hi. Ka mite in Baal tungah sangaw biakpiakna pia hi; amate in milimte atu in ngimnamtui hal uh hi.

Hosea 11:7

Amate in kei kung pan puapial tu bebek ma sawm vatan uh hi. Amate tungah hakkol kisuanh ahi hu in kap tu ahihang kuama in a vanh dawn ngawl tu hi.

Joel 2:23

“Zion mite awng, lungdam vun, Topa na Pathian ii note atu a sep sate hu in lungdam vun. Ama in tangngam ngua a khombek khat in hong pia a; ama in phalbi nguate no atu hong buaksuk in, khuapi ngua zongh hong piak ngei bang hong pia hi.

Zechariah 1:4

Na taanghpupite taw kibang nawn heak vun. Khuangeipi lai in kamsaangte in amate kungah ka thupuak sonin, ngamtat sia, mawna taw a nuntak nawn ngawl natu in thuhil uh hi. Ahihang amate in ka thu hong ngai nuam ngawlin hong mang nuam bua uh hi.

Matthew 22:3

Ama in a naseamte sawl a mopoai hong siim natu in, khualhilsak hi. Ahihang amate pai nuam ngawl hi.

Matthew 22:6

a dangte in kumpipa naseamte pummat a, velin thatlum uh hi.

Luke 15:28

A tapa lianzaw sia thin uuk mama a, inn sung zongh ah a tum nuam bua hi; tua ahikom a pa pusuak a, a tapa ii hong sungtan natu kun hi.

Luke 19:44

Amate in na khuapi lalthamsak tu a, na tate uh taw hong moncip siat tu hi; suangtum khat beak zongh a omna ngei ah hong om nawn buatu hi, banghang ziam cile Pathian in no hong ngum tu in hong pai hunlam na phawk bua uh hi,” ci in kaamal lo hi.

Luke 23:28

Jesus in amate sang nga in, “Jerusalem numeite awng! Kei atu in kap heak vun, noma atu le na tate atu in kap po vun.

Sawltakte 7:52

Na taanghpupite ii a vawtsiat ngawl kamsaang khat beak om ngei kana ziam? Khuangei pek panin, Pathian ii a thutang Naseampa hong pai natu a sonkhol, Pathian kamtaite na thatlum uh hi. Tu in, note in ama leeheak a, suamlum nu hi.

Sawltakte 7:59

Amate in Stephen sia, suang taw a hawhua laitakin, ama in Topa biakpui a, “Topa Jesus awng, ka thaa hong saang ta'n!” ci hi.

Sawltakte 8:1

Tuaciang Stephen a thalupna sia Saul in lungkimpui hi. Tua ni mama in Jerusalem a om pawlpi sia vawtsiatna nasia takin thuak tu kipan hi. Sawltakte simngawl thu um dangte theampo sia Judea le Samaria ngamkhente sungah kithethaang siat uh hi.

Thuhil kikna 32:29

Amate in a ngallelna ii ahang sia mu ngawl a; thupiangte tel zo ngawl uh hi.

Thuhil kikna 5:29

Amate in hi bangin phawk tawntung thong le pha hi! Amate le a suan a paalte, a ma vangin a daupai thei tawntung natu in, keima hong zakta tawntungin ka thupiak theampo hong zui pole pha hi.

Thupualaakna 11:8

a luangte sia amate ii Topa thinglamtee tungah a kithalupna mun tua khuapi lian sia sung lampi tungah kisial tu uh hi. Tua khuapi ii a minsealh sia Sodom, ahibuale Egypt kici hi.

Ruth 2:12

Na sepsa na vawtsa tungtaang Topa in thaman hong pia tahen. Ama ii hong pao hong dal tu in Israel te Topa Pathian na belh hu in ama in thaman kicing hong pia tahen!” ci in zo hi.