Luke 13:33 - Syin Chin Bible

³³ Ahihang tuni, zing ciang le thai ciangin ka pai tu kul hi. Jerusalem simngawl mundang ah kamsaangte kithalup tu ngeina om ngawl hi.

Luke 13:33 Iomraidhean Croise

Matthew 20:18

“Ngai vun, Jerusalem khua ah ih paito tu a, tua munah Mihing Tapa sia, thiampi liante le Thukhamhil syate tungah ki aap tu hi. Amate in, ama tungah thalup natu in thukhen tu uh hi.

Matthew 21:11

“Hisia pa sia Galilee ngam Nazareth pan kamsaangpa Jesus hi,” ci in mihonte in zo uh hi.

Luke 9:53

Ahihang tua munah a mihingte in ama a saang bua uh hi, banghang ziam cile ama Jerusalem khua sang manaw in a pai ahi sia a kitel hang ahi hi.

John 11:54

Tua ahikom Jesus, Judea ngam ah a kilangh takin, khualhaw nawn ngawl hi, ahihang tua mun nusia a, sennealngam nai Ephraim a kici khua khat ah pai in, a nungzuite taw taam hi.

John 11:9

Jesus in, “Ni khat sungin, nai sawm le nai nii om hi kana ngawl ziam? Tua ahikom, a kuama po suntangin a vak peuma in lutu ngawl hi, banghang ziam cile ama in hi leitung khuavak mu hi.

John 12:35

Jesus in zo kik a, “Khuavak sia no sungah tawmvei hong om lai tu hi. Khuazing sia no tungah hong thet man ngawl natu in, khuavak na nei uh laitakin, na paina lampi ah paisuak tavun; banghang ziam cile khuazing sungah a pai khat in a zot natu mun a he bua hi.

John 4:34

Jesus in, “Kei ii an sia, kei hong sawlpa ii deina ka zui tu le hong piak nasep ka zaw tu ahi hi.

John 9:4

Sun hun laiteng in kei hong sawlpa na ih sep kul tu hi; kuama ii na a sep thei ngawl zan hun hong theng tu hi.

Sawltakte 10:38

Nazareth khua mi Jesus tungah Pathian in Thaa Thiangtho le vaangletna a buak thu huvau tel nu hi. Ama in mun theampo ah pai in, thupha vawt a, Doaimangpa vaangletna nuai ah a om theampo damsak hi. Banghang ziam cile Pathian sia ama taw omkhawm hi.

Sawltakte 13:27

Tua in banghang ziam cile, Jerusalem ah a om mihingte le a lampuite in ama sia Hunpa ahi hunlam he ngawl a, Sabbath ni sim a kisim kamsaangte ii kammalte zongh a tel bua uh hi. Ahihang amate in Jesus a puavawk na uh taw, kamsaangte sonna teng, a taangtungsak a suak hi.