Luke 12:45 - Syin Chin Bible

⁴⁵ Ahizong tua naseampa in a topa hong cia kik tu khuangei lai tu zam ci in, naseam dang pate le numeite vel ngawp tu in kithoai hen a, anne tuidawn zukham in om le,

Luke 12:45 Iomraidhean Croise

Job 24:23

Pathian in ama ngal muangin nungtasak thei hikale ama encik tan viuveu hi.

Isaiah 65:6

“Amate daan piak tu in ka khensat zo a, amate ii thuak tute lai sungah kiciamtee zo hi. Amate ii sep sate ka en thong buatu a,

Jeremiah 20:2

kei hong kisaat natu le thikkol hong bulin Biakinnpi sung Benjamin Kongpi tungnung hui ah hong koi natu thupia hi.

Ezekiel 12:22

Ama in, “A thithei mihing awng, Israel mite in hi paunak; ‘Hunte papai a, thu a kison kholte taangtung ngawl hi,’ ci sia banghang lo kikik nuam hi tu ziam?

Ezekiel 34:8

Keima in a nungta takpi Pathian ka hi bangma, keima ii thuson nong ngai tu uh phazaw hi. Ngamsate in ka tuute manin, thatin a sa ne uh hi, banghang ziam cile tuucing om ngawl hi. Ka tuucingte in tuute kanin zong ngawl hi. Amate le amate kikeam a, tuute a keam bua uh hi.

Matthew 22:6

a dangte in kumpipa naseamte pummat a, velin thatlum uh hi.

Luke 12:44

A tatak ka ciciang, a topa in tua naseampa sia a neisa theampo a uk tu in koi tu hi.

Luke 12:46

a topa sia muanmawk ngawl ni khat, a heak ngawl hun khat ciangin hong heak kik tu hi. A topa in ama saat zazaan tu a, thu ni ngawlte ii thuak teng thuaksak tu hi.

Luke 21:34

Na kidawm tavun, no sia a vaalkaai neakna dawnnate le leitung nuntak natu thinngimnate taw na hun uh na bosak heak vun, ahibuale tua Ni sia in nang sia thakhat thu in thaang sungah mat bangin na awk tu hi.

John 2:10

“Ngualdangte in, sapittui limbel teng veu hawm masa a, leangnate ii tam mama a neak zawkciang, sapittui dang thawthong teng hawm hi. Ahihang nang na hile sapittui limbel teng tu dongin na khealsia hi!” ci hi.

Sawltakte 2:18

Hi hi, pate zongh numeite zongh ka naseamte ngawngawn tung zongh ah tua ni ciangin, ka thaa ka buak tu a, tuaciang amate in keima ii thu thangsak tu hi.

Romete 16:18

Banghang ziam cile tuabangin a ngamtate in ih Topa Christ atu in a seamte hi ngawl a, amate ngilpi atu in a seamte ahi uh hi. Amate in kamneal le kisialpoknate taw bangma a he ngawl mihing pawlkhat a theam uh hi.

2 Corinth te 11:20

Note a uk bang po hong sawlte, note tung pan na neisa hong duupte, thaang taw hong siate, hong nomute ahibuale na maitang hong beangte khat pawpo na dual uh hi.

Thuhil kikna 12:12

Tua mun Topa mai ah na tate, na naseamte le na khuate sungah a teang Levi te taw lungnuam khawm tavun; Levi te in lo ngam a nei ngawl natu thu phawk tavun.

1 Thessalonica te 5:7

Zan sia mihingte mut hun hi; zanin amate zukham uh hi.

2 Peter 2:13

tuaciang amate in mihingte ngim thuaksak ahikom, ngim thuakna taw ma in kithuk kik tu hi. Ci le sa deina a thaisak tu ngamtatna khat pawpo suntangin a vawtna sia, amate nopsakna hi; ngualtheam a nuntakziate nuamsa ahikom, ankuang na uumpui tu zongh maizumhuai a, mindai huai hi!

2 Peter 2:19

Amate in tuabangte suatak natu kamciam pia ahihang, amate mama sia lalna zongsangna ii silate ahi uh hi — banghang ziam cile mihing khat sia ama a zocip na khat pawpo ii sila ahi hi.

Thupualaakna 16:6

Amate in Pathian ii mihingte le, kamsaangte chisan keesak ahikom amate dawn tu in chisan a pia zo hi. Amate in a kiphu a kilawm in thuak hi,” a ci ka za hi.

Thupualaakna 18:24

Kamsaangte le Pathian mite ii chisan le leitung ah a kithatlum theampo ii chisan sia, tua khuapi sungah kimu ahikom Babylon khuapi sia daan kipia hi.