Luke 12:4 - Syin Chin Bible

⁴ “Ka lawmte awng, hong ci khi hi. Pumpi bek that thei a tua zawkciang a sia zaw a hong vawt thei ngawlte na kiita heak vun.

Luke 12:4 Iomraidhean Croise

Paunakte 29:25

Midangte ii nang hong ngaisutnate thin nopmawkin na nei tu sia lauhuai hi, ahizong Topa na muang le ngammuangin na om tu hi.

Solomon ii La 5:1

Kong it ka ngaino, ka angkoai awng, Ka huan sungah ka tum zo hi. Ka hel namtuite le ka myrrh thingnamtuite khawmtua in; ka khuaitui le ka khuaiphaangte ka ne a; ka sapittui le ka noai ka ne hi. Lawmtate awng, itna taw na kham teakin ne in, dawn vun!

Solomon ii La 5:16

A kampaute thum a, zaak nop huai mama hi. A kampaute ih nial tu khat mama zongh om ngawl hi. Jerusalem numeite awng, ka ngaino sia hi bang teng ahi hi.

Isaiah 41:8

“Ahihang nang, ka naseampa Israel awng, kong tealsa mi na hi a, ka lawmpa Abraham ii suan le paalte na hi hi.

Jeremiah 1:17

Jeremiah awng, kithoai in; va pai ta'n a, amate na son tu a kong thupiak theampo va son ta'n. Tu in amate kiita heak in, na kiita ahile amate taw na omkhop ciang kong kiitasak vaial tu hi.

Jeremiah 1:8

Amate kiita heak in, banghang ziam cile keima in nangma hong dal tu in kong ompui tu hi, Topa, keima in kong son zo hi!” hong ci hi.

Ezekiel 2:6

“Ahihang a thithei mihing awng, amate ahizong, amate hong ci pawpo ahizong, na kiita bua het tu hi. Amate in nang hong nalh in hong zawngsak tu hi; aikam hon kawm a teen bang hi tu hi. Tuabang ahihang tua tualngalte ahizong, amate ii cite ahizong kiita peang heak in.

Matthew 10:28

Pumpi that thei a, a thaa a that thei ngawlte na kiita heak vun; hell sungah thaa le pumpi a lalcip khawmsak thei Pathian kiita zaw vun.

John 15:13

Mihing khat ii a lawmte atu a nei thei a lianbel itna in amate atu ama ii nuntakna a piakna ahi hi.

Sawltakte 20:24

Ahihang keima nuntakna sia bangma man nei ka sa bua hi; keima vaipuak ka khuangkhim natu le Topa Jesus ii nasep hong piak ahi, Pathian ii thuthiamna Lungdamna Thupha ka thansak tu ka man thiang tu bek ka uuk hi.

Sawltakte 4:13

Council upate in, Peter le John sia mihing thawthong hi a, pilna nei ngawl hi napi, tuza in a hansanna sia lamdang sa uh hi. Tuasia ciangin amate ngeal sia Jesus ii kitholpui ngeite ahi hunlam phawk uh hi.

Philippi te 1:28

Na ngalte na kiita heak vun; na thinlian tawntung tavun, tua hile amate in hong lel tu a, noma in na zo tu uh hi, banghang ziam cile zawna hong pia sia Pathian ahi hi.

James 2:23

Tuaciang laithiangtho in hi bang a ci ciangin, thumaan son ahi hi, “Abraham in, Pathian um a, tuaciang a upna hang komin, Pathian in ama sia thutang in saang hi.” Tua hi a, Abraham sia Pathian ii lawm hi kici hi.

1 Peter 3:14

Ahihang thumaan nasepna na sep uh ciang ngawngawnin na thuak uh le, bangza in lungdam tu nu ziam! Kuama kiita heak vun a, thinngim heak vun.

Thupualaakna 2:10

Na thuak lai tute a bang po ahizong, lau heak vun. Ngai vun! Doaimangpa in note hong ze etna in, pawlkhat thonginn sung denna in hong nei tu a, na ngimna uh sia ni sawm sung teng hi tu hi. Thi tu keak a kul zong kei tungah hong thumaan tavun, tua hile nuntakna sia zawna tel in kong pia tu hi.