Luke 12:37 - Syin Chin Bible

³⁷ Ama hong cia kik ciangin a kinging sa in a om, a khuaphawk naseamte, a topa in a mu ciang amate bangzata in thupha a nga tu ziam? A maan takin kong ci ciangin, a topa in a laktong puasilh suut tu a, amate a tosak zawkciang anvaak tu hi.

Luke 12:37 Iomraidhean Croise

Isaiah 62:5

Tangval khat in ngaknu thiangtho khat mo in a pui bangma Nang hong vawt Ama in nang hong teenpui tu hi. Zi nei tu pa in a zi tu sia dik a sak bangma in, Na Pathian in nangma zongh dik hong sa tu hi.

Jeremiah 32:41

Amate atu in naphate ka vawtna ah dik ka sa tu a, hi ngam sungah amate ka teang suaksak tu hi.

Zephaniah 3:17

Topa na Pathian in nang taw omkhawm hi; ama ii thahatna in zawna hong pia hi; Topa in nang tungah lungdam tu hi, tuaciang ama ii itna sungah nuntakna thak hong pia tu hi. Ama in lasa tu a, na tungah lungdam tu hi.

Matthew 24:42

“A kingingta sa in om vun, banghang ziam cile Topa hong pai tu ni sia na he bua uh hi.

Luke 12:36

Mopoai panin a topa hong cia kik tu a ngak naseamte bang na hi vun. Ama hong cia a, kongkha hong kih ciangin, amate in thakhat thu in kongkha hon tu uh hi.

Luke 12:43

A topa hong cia kik ciang, hi bangin naseampa nasep mu thong le naseampa bangzata in lungdam tu ziam?

Luke 17:8

Tuabangin kici ngawl hi! Bang kici zaw ziam cile, ‘Ka nitak an na thuuk in, awmdap na silh zawkciang, ka neak ka dawn laitakin hong ngak ta'n, tua zawkciang, nangma ne in ci tu nu hi.

Luke 21:36

Hong piang tu hi thute pan suatakna taw na kaantan zawk natu uh le, Mihing Tapa mai ah na din natu in, thahatna na nei natu kinging kholsa in, om in thungen tawntung tavun,” ci hi.

Luke 22:27

An ne tu in a to pa lianzaw ziam maw ankuang a lui pa lianzaw ziam? A to pa lianzaw hi. Ahizong in note sungah kei sia ankuang a lui pa bangin kong om hi.

John 12:26

Ka naseampa sia keima omna po ah, keima taw a om thei natu in, kei atu hong sepsak nuam peuma in kei hong zui kul tu hi. Tuaciang kei atu a seam khat pawpo sia ka Pa in patoai tu hi.

1 Corinth te 2:9

Ahitazong, laithiangtho in, “Kuama ii a mu ngeingawl a zaak ngeingawl, suak thei tu in a ngaisut ngeingawl thu sia, ama a itte atu in Pathian ii a vawtkhol sa ahi hi,” a ci bangma ahi hi.

Philippi te 1:21

Nuntakna sia bang ziam? Kei atu in, nuntakna sia Christ hi a, thina sia hamphat zawk natu ahi hi.

Philippi te 1:23

Kei sia ka lang le ka lang panin hong kikang hi. Hi nuntakna nusia in Christ taw ka omkhawm nuam mama a, tua in a phazaw kan thu ahi hi;

2 Peter 1:11

Hisia tungtawnin ih Topa le Hunpa Jesus Christ ii tawntung Kumpi ngam sungah tum thei natu thu a cingin no hong kipia tu hi.

2 Peter 3:14

Tuaciangin ka lawmte awng, tua Ni ngakin na om uh ciang Pathian mu na ah na thiantho natu, na sitbaang ngawl natu le ama taw na kilem natu in, ahithei za in hanciam tavun.

Thupualaakna 14:13

Tua zawkciang, vantung panin awnging khat ka za a, “Hi sia at in. Tu pan kipan Topa nasepna sungah a thite sia mihing thupha ngate ahi uh hi,” ci hi. “Hi tatak hi! Amate in nasep haksatnate panin, tawlngakna nga tu hi, banghang ziam cile amate nasep phatna in amate zui tu hi,” ci in Thaa in zo hi.

Thupualaakna 16:15

“Ngai vun! Nguta khat taw kibangin kong pai tu hi! Ngual mai ah pumnguak in om a, maizum a nga ngawl natu in, mu ngawlin a puansilhte a keamcing pa sia mihing lungdam ahi hi.”

Thupualaakna 3:21

Keima in zawna nga zo a, tu in ka Pa kung kumpi tokhum tungah ka to bangma in zawna a ngate tungah keima kung ka kumpi tokhum tungah a to thei natu thu ka pia tu hi.

Thupualaakna 7:17

banghang ziam cile kumpi tokhum laizang ah a om Tuuno in amate ii tuucingpa hi tu a, amate sia nuntakna a pia ciktuite ah paipui tu hi. Tuaciang Pathian in amate mittang sung pan thitui theampo nawlsak tu hi,” hong ci hi.