Luke 12:32 - Syin Chin Bible

³² “Tuu honnote awng, lau heak vun. Banghang ziam cile na Pa in Ngam hong pia nuam hi.

Luke 12:32 Iomraidhean Croise

Isaiah 40:11

Tuucing pa khat taw kibangin ama in a tuuhon keamcing tu hi; ama in tuunote kaikhawmin a baan ah toai a, tuate ii puite dam takin paipui tu hi.

Isaiah 41:14

Topa in, “Israel awng, note in mi cii tawmte le a thazawmte na hi uh hi. lau heak vun; hong hu tu khi hi. Keima, Israel ii a thiangtho Pathian sia nang hong ngumpa ka hi hi.

Isaiah 53:6

Eite ih vekpi in a mangthang tuute taw ih kibang a, eima uukna san tek ah ih pai hi. Ahihang eite theampo ii thuak tu a kilawm daan thuakna sia ama ii tungah Topa in suan hi.

Jeremiah 3:19

Topa in, “Israel awng, nang sia ka tapa bangin kong saang nuam a, leitung theampo sung pan a et hoibel ngamnuam khat kong pia nuam hi. Kei sia pa nong nak tu le ka kung pan na tai kik ngei nawn ngawl tu ka dei hi.

Matthew 14:27

Jesus in amate tungah thakhatin, “Na thin uh kiliansak vun! Lau heak vun! Keima khi hi,” ci in paupui hi.

Matthew 20:16

Jesus in a thukhupna ah, “Tua ahiciang a khakte masa tu a, a masate khak tu hi,” ci hi.

Matthew 25:34

Tuaciang Kumpipa in ziatsang a om mihingte munah, ‘Hong pai tavun; Ka pa ii thupha piakte awng! Simlei a kibitphua ciil panin no atu a kipua khol sate lua tu in hong pai tavun.

Matthew 7:15

“Leilot kamsaangte na up ngawl natu kidawm vun; amate a puatham ah tuu bangin hong pai tu a, a sungsang uh sia ngia hangsan bang hi tu hi.

Luke 10:21

Tua hun laitakin Jesus Thaa Thiangtho in lungdamna taw kidimsak a, hi bangin ci hi. “Van le lei ii Topa ahi Pa awng! Na tungah ka lungdam hi, banghang ziam cile mihing pilte le mihing ciimte mun panin na seal thute pilna a nei ngawlte tungah na lak hi. Hi hi, Pa awng, hi bang tu ma na deina ahi hi,” ci hi.

John 18:36

Jesus in, “Ka ngam sia hi leitung ah a om bua hi; ka ngam sia hi leitung ah om hile, Jew thuneite tungah hong ki aap ngawl natu in, ka nung hong zuite in do in hong hung tu hi. Hi ngawl hi, ka ngam sia hi sung hi ngawl hi!” ci hi.

Sawltakte 20:28

Tua ahikom noma le noma kikeam tavun a, Thaa Thiangtho ii noma khut sung a hong aap tuuhonte zongh en in keam tavun. A Tapa ii chisan tungtawnin, ama atu a piansak Pathian ii pawlpi ii tuucingte na hi tavun.

Sawltakte 20:29

Kong nusiat zawkciangin, a kiitakhuai ngiate, no sungah hong pai tu a, tua tuuhon a khoaikhet ngawl tu sia ka he hi.

Romete 6:23

Banghang ziam cile mawna thaman in thina hi a; ahihang tawntung nuntakna sia, ih Topa Jesus Christ taw ih kikopna hangin a thong a hong piak letsong ahi hi.

1 Corinth te 1:21

Banghang ziam cile Pathian in ama ii ciimna hong zangh a, mihingte in amate ciimna taw Pathian a heak zawk ngawl natu in vawt hi. “Mawmawt” thu hi a ci uh kote thuhilna taw, Pathian in thu umte ngup tu in khensat zaw hi.

Philippi te 2:13

banghang ziam cile ama deina na zui thei natu le na uuk natu in Pathian sia a tawntung na sung uh ah na hong seam hi.

2 Thessalonica te 1:11

Note atu in a tawntungin thu kong ngetsakna in hi thu hang ahi hi. A nungta tu in ama hong sap na nuntakna sungah a kiphu a kilawm hong suasak natu in, Pathian munah kong ngetsak uh hi. Ama in a vaangletna taw phat natu na deina theampo khuangkhimsak tahen a, upna taw nasepna hong taangtungsak tahen.

2 Thessalonica te 1:5

Tu a na thuakna teng in Pathian thukhen na sia thumaan a hina kilanghsak hi, tua in noma ii na ngimlaw uh ama Kumpi Ngam taw a kilawm hong suaksak tu hi,

Hebrew te 12:28

Tua ahiciang, lungdam tek tawng, banghang ziam cile eite in, a kingawk thei ngawl ngam ih nga hi. Ama lungkim tu bangin, eite in thasiana le kiitakna taw Pathian tungah lungdamko in, ama bia tek tawng;

James 2:5

Hong ngai tavun, ka it suapuite awng! Pathian in hi leitung ah mizawngte sia, upna sungah a hau tu le ama a itte atu kamciam a piak kumpi ngam a lua tu in teal zo hi.

2 Peter 1:11

Hisia tungtawnin ih Topa le Hunpa Jesus Christ ii tawntung Kumpi ngam sungah tum thei natu thu a cingin no hong kipia tu hi.

Thupualaakna 1:6

tuaciangin eite sia a Pathian le a Pa atu a seam tu in thiampi in hong vawt hi. Jesus Christ tungah minthanna le vaangletna sia a tawntung a tawntungin om tahen! Amen.

Thupualaakna 22:5

Zan a om nawn buatu a, amate in meiinn le nitaang kisamh nawn ngawl tu uh hi, banghang ziam cile Topa Pathian sia amate khuavak hi tu a, amate in a tawntung a tawntungin ukna nei kumpite bangin a maang tu uh hi.