Luke 12:31 - Syin Chin Bible

³¹ Ama Ngam na zong masa vun. Tua hile ama in hite theampo zongh hong pia thua tu hi.

Luke 12:31 Iomraidhean Croise

Psalm Late 34:9

Ama ii mi theampo awng, Topa patoai vun; ama ii thu a nite in a kitaangsap theampo nga uh hi.

Psalm Late 37:19

Hunsia hong tun ciangin, amate in thuak ngawl tu uh hi; kialpi tun hunin a khom tu uh an nei tu hi.

Psalm Late 37:25

Tu in ka huai zo a, hun sau ma ka nungta zo hi. Ahihang mihing pha khat Topa in nusia ahibuale a tate khutdaw an ngenin vaak ci thu ka mu ngei bualai hi.

Psalm Late 37:3

Topa muangin ngamtat pha ngamta vun; tua leitang tungah teangin ngammuang tavun.

Psalm Late 84:11

Topa in ei hong sungsia pa le a minthang kumpipa hi a, ama in cikna le minphatna taw eite thupha hong pia hi. A maan a seamte tungah ama in naphate khat zongh a haza bua hi.

Isaiah 33:16

Tua hile na ngammuang tu uh hi; a muanhuai kulh sungah om bangin thinmuang lungmuangin na om tu uh hi. Note in anneak tu le tuidawn tu na nei tu uh hi.

Matthew 6:33

Tua sangin Pathian Ukna-ngam le ama in nang tung pan bang dei ziam, ci sia thupisak masa vun, tua hile ama in tua nadang theampo zongh hong sik tu hi.

Luke 10:42

Ahihang a kisamh khat bek om hi. Mary in vawt tu a kilawm sia teal zo hi. Ama tung pan tuasia kilaaksak ngawl tu hi,” ci hi.

Luke 12:30

(Banghang ziam cile leitung ah, Pathian a he ngawlte in, hi bang teng thinbot in nei uh hi.) Na Pa in hite na kisap hunlam uh hong he hi.

John 6:27

A sia thei an atu in, naseam heak vun; tua sangin a kikhomsuan tawntung nuntakna an atu in seam zaw vun. Hisia in Mihing Tapa ii no hong piak tu an ahi hi, banghang ziam cile Pa Pathian in ama tungah lungkimin tepteena koi zo hi,” ci in zo hi.

Romete 8:31

Hi teng zawkciangin ih son tu, bang om lai tu ziam? Pathian ei sangah hong pang le akua in eite hong langpan thei tu ziam?

1 Timothy 4:8

Pumpi thasaalin kisinna in phatna pawlkhat nei hi, ahihang thaa thu ah kisinna in, tu hun le maisang hun atu nuntakna ahikom manpha zaw pek lai hi.

Hebrew te 13:5

Na nuntakna uh sia sum le vanh manpha deina taw na kipealsak vun a, tuaciangin na nei uh sia taw na lungkim vun. Banghang ziam cile Pathian in, “Bangma hunin kong taisan ngei buatu a, kong nusia ngei buatu hi,” ci hi.