Luke 12:28 - Syin Chin Bible

²⁸ Tuni in hing a zing ciang a vul, a kihal lopate a zeam sia Pathian ahi hi. Ama in no sia puan taw hong khu seseam ngawl tu ziam? Na nei uh upna sia bangza in no ziam!

Luke 12:28 Iomraidhean Croise

Isaiah 40:6

Aw khat hong ngingin, “Thu khat thangsak in!” hong ci hi. “Bang thu thangsak tu khi ziam” ci in ka dongh hi. “Mihing theampo sia lopa taw kibang a; ngam sungah a om paakte sangin khuangei nungta zaw tuan ngawl ahi sia thangsak in.

Matthew 14:31

Thakhatin Jesus in ama zamh in, “Upna no pa awng, banghangin muang la ni ziam?” ci hi.

Matthew 16:8

Jesus in amate bang teng kikum ci in he a, “Banghangin anluum na nei ngawl uh teng po kikum nu ziam? Na upna uh bangza no ziam!

Matthew 17:17

“Bangza ta in upna nei ngawlin a khial mihingte hi nu ziam! No taw bang tan vei hong omkhawm tu khi ziam? A bang tanvei hong dual zo tu khi ziam? Patang sia keima kungah hong paipui tavun!” ci hi.

Matthew 17:20

Jesus in, “Banghang ziam cile noma in upna kicing nei ngawl nu hi. A tatakin kong ci ciang, ankamhtang cia upna nei hi le uhte hi mual munah, ‘Hi sung panin zialai ah kikhiin in,’ ci in sawl le uhte kikhiin tu hi. Na khat pawpo na vawt thei tu uh hi.

Matthew 6:30

Tuni in po a, zing ciang a bo tu meikhuk sung a kihal tu lopa — hi lopa a zeam sia Pathian hi. Ama in no hong zeam zaw tu ahi sia muang ngawl nu ziam? Na nei uh upna sia bangza in no ziam!

Matthew 8:26

Jesus in, “Banghangin tuaza liangin lau nu ziam? Na upna uh bangza in no ziam?” ci hi. Tua zawkciang ama dingto a, vuipi le tuihualte a thim natu in thupia a, tuasia ciangin thim dide hi.

Luke 8:25

Tua zawkciang nungzuite munah, “Na upna uh koisung om ziam,” ci hi. Ahihang amate in lamdang sa in lau uh a, khat le khat hi bangin kici uh hi. “Hisia pa akua ziam? Ama in vuipi suangval le tui kihualte tungah thu a piak ciangin tuate in, a thu ni uh hi!” ci uh hi.

Hebrew te 6:7

Lothote atu a limci ankungte a posak nguatui a dawn leitangte ii tungah Pathian in thupha pia hi.

1 Peter 1:24

Laithiangtho in, “Mihing theampo sia lopa bang hi a, amate ii minthanna sia duisung paakte taw kibang hi. Tua lopa ko a, tua paakte pul hi.