Luke 12:2 - Syin Chin Bible

² A kisiin theampo kihong tu a, thuku a minpiang kipholaak tu hi.

Luke 12:2 Iomraidhean Croise

Thuhilsya 12:14

Pathian in ih sep ih vawtte theampo, a pha ahizong, a sia ahizong, ih vawt kute ngawngawn dongin thu hong khen tu hi.

Jeremiah 16:17

Amate vawt theampo ka mu hi. Ka mai ah a kiseal bangma om ngawl hi; amate ii mawna khialnate ka mu ngawl, bangma om ngawl hi.

Hosea 8:13

Amate in sangaw biakpiaknate kei tungah vawt in tua sangaw biakpiakna sa te ne uh hi. Ahihang keima, Topa in amate tungah ka lungkim ngawl hi, tu in amate mawna ka phawk kik tu a, tua hu in daan ka pia tu hi; Egypt ngam ah amate ka puak kik tu hi!

Mark 4:22

A kisealcip thute peuma a kipualaak tu a, a kisiin theampo kihongkeak tu hi.

Luke 8:17

“A kiseal nate theampo a kilangh in kipusua tu a, a kikhupsin theampo kimu tu a, kipualaak siat tu hi.

Romete 2:16

Tua ahikom Lungdamna Thupha ka hilna bangin ci leang, mihing theampo ii a thimtham ngaisutnate tungah Jesus tungtawnin Pathian in thu a khen Ni ciang, tu a ih son bangin hong piang tu ahi hi.

1 Corinth te 4:5

Tua ahikom note in a hun tatak hong thet ma in kuama tungah thu na khen heak vun. Thukhenna a khakbel sia in Topa hong pai dong a ngak kul tu hi; ama in khuazing sungah a om thukute, khuavak sungah kilanghsak tu a, tuaciang mihingte thinsung ah a kiseal tupnate a pholaak tu hi. Tuaciang mihing sim in ama taw kilawm Pathian ii pokna nga tu hi.

2 Corinth te 5:10

Banghang ziam cile eite theampo thukhenna thuak tu in Christ mai ah ih ding nanak tu hi. Mihing khat simin a leitung pumpi nuntak sungah ama ii sepna a pha a sia taw a kiphu a kilawm in nga tek tu uh hi.