Luke 12:19 - Syin Chin Bible

¹⁹ Tuasia ciangin keima le keima hi bangin ka kici tu hi. Mihing hamphapa awng! Kum tam mama na khom tu na pha theampo nei zo ni hi. A ol nawno in nungta ta'n a, ne in dawn lel in. A nuam in om ta'n!’

Luke 12:19 Iomraidhean Croise

Job 14:1

Eite theampo sia a thaneam a cimaw sa in ih piang hi. A vekpi in khantom nuntak haksatna le ngimnate a kibang in kidim hi.

Psalm Late 49:18

Mihing khat in hi nuntakna sungah lungkim in ama zawnate hu in kipok kale,

Psalm Late 62:10

Ngoltolna sungah thin muang heak vun; sutolna taw meetna bangma nga tu in ki um heak vun; na haunate a khangto hial zongin tuate suang heak vun.

Paunakte 10:2

Thumaan ngawlna taw na nga hauna in bangma phattuamna hong pia ngawl tu hi, ahihang thumaanna in na nuntakna hong ngum thei hi.

Paunakte 14:24

Mihing ciimte in hauna thaman saang a, ahihang a mawmawte sia amate ciim ngawlna panin kihe hi.

Paunakte 18:11

Mihaute ahile amate hauna in, a saang a kho khuapi luphungte bangin, amate dal hi ci in ngaisun hi.

Paunakte 23:5

Na sumte sia muvanlai khat a tha hong po in a len bangma in thakhat thu in bo thei hi.

Paunakte 27:1

Zing ciang thu taw kisai in kisuangtaak khol heak vun. Tua hun le tu kilaklaw bang piang tu ziam na he bua uh hi.

Thuhilsya 11:9

Khangnote awng, na khangmoi hun nuamsa vun. Na khanmoi lai in lungdam vun. Na vawt nop po vawt vun a, na lungngulna bangin ngamta vun. Ahihang Pathian in na vawtna tungah thu hong khen tu cisia ciamtee tavun.

Thuhilsya 2:24

Mihing khat ii a phabel a sep thei sia neak tu dawn tu le a thalaw sa teng taw a lungkim tu ahi hi. Ahizong, hisia ngawngawn Pathian kung pan hong pai hi, cisia ka phawk hi.

Isaiah 22:13

Tua taangin note nuiza in poai na vawt uh hi. Neak tu in tuu le khuite na ngo uh a, sapittui na dawn uh hi. Noma in, “Ei teng zongh ne in dawnin ih om thei tha tu hi! Zing ciangin a thi tu ih hi hi,” na ci uh hi.

Isaiah 5:11

Note a lal na hi uh hi. Zingsang zu ne tu in na thopal uh a, nitak ngei hial veu zu ne zu khamin na om uh hi.

Isaiah 5:8

Note a lal na hi uh hi! Na neisa inn le lote belap natu in na lei thawthua uh hi. Hai ngawlin midangte teen natu mun om ngawl tu a, tua leitang tungah noma bekma na teang tu uh hi.

Isaiah 56:12

Hi sapittui khamte in, ‘Sapittui tawm la sin tawng i, tuaciang ih dawn zawkza dawn tawng! Tuni sangin zing ciang nuam zaw kan tu hi!’ ci uh hi,” ci hi.

Hosea 12:8

Amate in ‘Ko hau khu hi, nei le lamh khol zo khu hi. Kuama in thimthelna taw hau hi ci in, ko hong mawsak thei ngawl hi,’ ci hi.

Amos 6:13

Lodebar khua a kilaak huvau in na kiphasak uh hi. “Karnaim a la zo tu in thahat khom ngawp hi zam,” ci in na kiphasak uh hi.

Habakkuk 1:16

Amate in a ngeente ngawngawn bia in tuate atu sangaw biakpiakna vawt hi, banghang ziam cile na theampo sung pan a pha belte tua ngeente in ngasak hi.

Luke 12:18

‘Hi bangin vawt tong,’ ama le ama kici hi, ‘Ka ansaal luite pheltham tong ii, a lianzaw in ka sa tu a, tua munah ka an teng le ka vanh dang teng ka khol tu hi.

Luke 16:19

“Khatvei lai in sumhau khat om a puansilh manham tatakte silh in, ni simin nuamsa mama in nungta hi.

Luke 21:34

Na kidawm tavun, no sia a vaalkaai neakna dawnnate le leitung nuntak natu thinngimnate taw na hun uh na bosak heak vun, ahibuale tua Ni sia in nang sia thakhat thu in thaang sungah mat bangin na awk tu hi.

1 Corinth te 15:32

Ngamsa ngilote taw kido bang phet in, hi Ephesus khua ah ka dian nate sia mihing tupnate bek hile, ka nga tu bang phattuamna om tu ziam? Mithite sia nuntakna sungah kitho kiksak ngawl tu hile, “An ne zu dawn in om tawng, banghang ziam cile zing ciangin ih thi tu hi,” ci kam teptee om bangin ih om lel tu hi.

Philippi te 3:19

Amate sia a khakbel ciangin hell theng tu uh hi, banghang ziam cile cii le sa deinate sia amate ii pathian ahi hi. A maizum huai, a thasiathuaite thangphatna in la uh a, leitung neisa nate bekma ngaisun uh hi.

1 Timothy 5:6

Ahihang meingong khat ama le ama cii le sa nopsakna sungah a kidia khat sia nungta napi a thisa ahi hi.

1 Timothy 6:17

Hi nuntakna sungah a kizangh nate hauna taw a kiphatsak ngawl natu, tuabang a kho ngawl haunate tungah lametna koi ngawlin, ih nopsak natu a, na theampo ngo takin hong pia Pathian tungah lametna koi vun ci in a haute tungah na hil in.

2 Timothy 3:4

muan thamman ngawl, lopthop, tuaciangin kisak theina taw kidim tu uh hi. Pathian sangin pumpi nopsakna deizaw tu uh hi.

James 5:5

Hi leitung ah na nuntakna uh sia a liap a vaal nate le nopsakna taw kidim hi. Hong kingaw lup ni ciang na thau natu in noma le noma na kivaak zo uh hi.

1 Peter 4:3

A bosa hun sungah Pathian he ngawlte ii sep nop teng, a khomin seam zo nu hi. Na nuntakna uh sia, zummawk ngamtatna, sikvilna, zu khamna, uangtatna, zuneakna, a thasiathuai milim biaknate taw zangh zo nu hi.

Thupualaakna 18:7

A minthanna le a nopsaknate ama le ama a kipiakna taw kizui in, ngimna le heena na thuaksak in. Banghang ziam cile ama in: ‘Hi sungah kei sia kumpinu in to khi hi! Kei sia meingong hi ngawl khi hi. Khuangai ngeingawl tu khi hi!’ a kici hi.

1 Samuel 30:16

Tuaciang ama in David sia amate kungah paipui hi. Tua a simthamte sia Philistia le Judah ngam pan a laak uh vanh tam mama te ai in poai khaam uh a, an ne, zu dawn in, mun theampo ah kithethaang uh hi.