Luke 12:14 - Syin Chin Bible

¹⁴ Jesus in zo kik a, “Pasalpa awng, no nii ii kilaklaw ah neisate hawm tu le thukhen tu in akua in kei tungah thuneina hong pia ziam?” ci hi.

Luke 12:14 Iomraidhean Croise

Pusuana 2:14

Tua pa in, “Kote hong uk tu le thukhen tu in, akua in nang hong koi ziam? Egypt mipa na thalup bangin kei hong that tu ni ziam?” ci in zo hi. Tuasia ciang Moses lau a, “Ka ngamtatna teng ngual in hong mu zo hi ta a maw,” ci hi.

Micah 6:8

Hi ngawl hi Topa in thupha hong son zo hi. Ama ii ei tung pan bang hong tangkal thu in hisia hi: a maan sia seam tu, ki itna kip lak tu le, kiniamkhiak in ih Pathian taw kipawl khawmin nuntak tu ahi hi.

Luke 12:13

Mihon sung panin pasal khat in Jesus tungah, “Syapa awng, ka pa ii nei le lamh hong nusiatte, ka suapuipa ii hong hop natu in hong sawlsak ta'n,” ci hi.

Luke 22:58

Tawmvei zawkciang pasal khat in Peter mu a, “Nang zongh amate sung pan khat na hi hi!” ci hi. Ahihang Peter in, “Pasal pa awng, hi ngawl khi hi!” ci in zo kik hi.

Luke 5:20

Tua mite in bangza in upna nei ci, Jesus in a mu zawkciang pasalpa tungah, “Na mawna hong kimaisak zo hi, lawm awng,” ci hi.

John 6:15

Amate hong pai in kumpi suaksak tu in zawthawk thu taw ama man tu kipan ahi sia Jesus in he hi; tua ahikom ama nguakin, mual tungah pai san kik hi.

John 8:11

“Kuama om nawn ngawl hi, Topa awng,” ci in ama in zo hi. “Tua ahile pha hi, kei zongh in, kong mawsak bua hi. Pai ta'n, ahihang mawna vawt kik nawn heak in,” ci hi.]

Romete 2:1

Note in ngual tungah thukhen hi ngawl nu ziam? Akua po na hi uh zong na paulap tu om ngawl hi. Banghang ziam cile ngual tungah thu na khen uh ciangin noma zongh amate ngamtat bangma in na ngamta veve uh le noma le noma thu kikhen na suak uh hi.

Romete 2:3

Ahihang no, ngual tung a thukhente awng, noma zongh in amate ngamtat bangma in ngamta na hi uh hi! Pathian thukhenna taw kipeal thei tu ki um na hi uh ziam?

Romete 9:20

Ahihang lawmpa awng, Pathian kam a zo kik tu in nang akua na hi ziam? Tungbeal khat in a vawtpa munah, “Banghangin kei hi bangin hong vawt ni ziam?” ci in a dongh thei bua hi.