Luke 12:1 - Syin Chin Bible

¹ Mihing tul tam mamate kiphulungin khat le khat peang kisiik tha in a om laitak Jesus in a nungzuite munah a masa phitbelin hi bangin ci hi, “Pharisee te ii tol panin na kikeam vun — amate kihisak theamna ka cinopna hi.

Luke 12:1 Iomraidhean Croise

2 Kumpite 7:17

Israel kumpipa in ama a cing tuam ulian pa sia khuapi kongpi uk tu in na koi luilam hi. Tua ulian pa sia tualai ah mipite in siiklum hi, kumpipa in ama taw kimu tu in a pai laitak Elisha ii sonkhol bangin thi hi.

Job 20:5

mi ngilote khuangei a lungdam ngawl hunlam he nanak tu ni hi.

Job 27:8

Pathian selte nuntakna sia Pathian ii a tangkal hun ciang bang lametna om na ziam?

Job 36:13

Pathian selte sia thin uuk tawntung hi, daan a kipiak ciang zongin, huna a nga natu in thungen ngawl uh hi.

Isaiah 33:14

Zion ah mawnei mihingte lau na taw liing uh hi. Amate in, “Pathian ii thukhenna sia a kuang tawntung mei khat taw kibang hi. Tuabang meikuang sung pan akua suakta zo thong tu ziam?” ci uh hi.

Luke 11:44

Bangza in lauhuai ziam! No sia a kilangh ngawl thaan, ngual in a tungtawn a, a heak ngawlin a sicilte taw na kibang uh hi,” ci hi.

Luke 12:56

A kihisak theamte awng! van le lei en in khuahunte na sonkhol thei uh hi; tua ahile banghangin tu hun ii a khiakna tel ngawl nu ziam?

Luke 5:1

Ni khat Jesus Gennesaret Tuili hui ah dingin mipite in Pathian thu ngai tu in, ama sangah neak ngawp nuamin a kiphulung uh hi.

Luke 5:15

Ahihang Jesus ii thu thang seseam a, tuaciang mihonpite in ama thuson ngai tu le, a natnate pan damna a nga tek natu in, a kungah pai uh hi.

Luke 6:17

Mualtung pan sawltakte taw Jesus hong tuaksuk kik ciangin, zaanglei tam mun khat ah a nungzui mihing honkhat taw ding hi. Judea ngam bup pan le Jerusalem le tuipi hui khuapi Tyre le Sidon pan, hong kingawmtua mihon khat, tua munah om uh hi;

Sawltakte 21:20

Ama thuson a zaak zawk uh ciangin, amate theampo in, Pathian pok uh hi. Tua zawkciangin, amate in Paul tungah, “Suapui Paul awng, Jew te mihing tul tam mama thu um hong suak zo uh a, amate theampo Thukham nasia takin, a zuite ahi sia na mu thei hi.

1 Corinth te 15:3

Keima ii ka nga sa teng note tungah kong pia sawn hi, tua thu in thupibel hi: banghang ziam cile Laithiangtho ii at bangma in Christ in eite ii mawna hangin thi hi;

Hebrew te 12:22

Note Zion Mual le a nungta Pathian khuapi vantung Jerusalem, vantunglalang tul tam mamate omna ah nong pai zaw uh hi.

James 3:17

Ahihang tungsang pan ciimna sia a masabel in thiangtho hi; tua in kilemna, cikna, lemzawngna zongh ahi hi. Tua in kihesuakna taw kidim a, a pha sepnate piangsak hi; tua in, kidoidanna nei ngawlin, kihithepsakna nei ngawl hi.

1 Peter 2:1

Tua ahiciang siatna a minpiang vawk siat in; leilotna, kihitheamsakna, ki eenna, ahibuale kiselnona kam note sungah om nawn heak hen.