Luke 11:53 - Syin Chin Bible

⁵³ Jesus in tua mun a nusiat ciangin, Thukham hil syate le Phariseete in ama nasia takin a maw natu zong uh a, thu tam mama dongh uh hi.

Luke 11:53 Iomraidhean Croise

Isaiah 9:12

Nisuana sang pan Syria le nitumna sang pan Philistia in Israel valhtum tu in a kam uh kaa zo hi. Tuabangza ngawngawn zongin Topa thin uukna thaisak zo ngawl a; daan pia tu in a khut vaan lai hi.

Jeremiah 18:18

Tuaciang mite in, “Jeremiah taw kisai in na pawlkhat seam sin tawng! Hong hil tu in thiampite, ngaisutna hong pia tu in miciimte le Pathian ii thupuak a thangsak tu in kamsaangte om tawntung tu hi. Ama tungah thu ih vawt tu a, ama thuson peuma ih ngai buatu hi,” ci uh hi.

Jeremiah 20:10

Mihing theampo kihuau a, “Mun theampo ah launa om hi! Tua ahikom thu neite tungah ama khia tawng!” a ci ka za hi. Ka itbel ka lawmte ngawngawn zongh in ka puk tu bek ngak uh hi. “Kitheam zo tha tu hi; tuasia ciang ih man thei tu a, phu ih lam tu hi,” amate in ci uh hi.

Luke 11:52

“Thukham hil syate awng, no atu in, bangza in lauhuai ziam! Heakna kikholna inn kongkha tawtangte na keam uh hi; tua inn sungah noma tatak na tum nuam bua uh a, tum tu in a hanciamte na khaktan uh hi!” ci hi.

Luke 11:54

a kampau khialna khat po taw a mat thei natu, aitaa tu in hanciam uh hi.

Luke 20:20

A mat thei natu hunpha zong uh hi. Thuneite le Rome ngamuk mangpa tungah Jesus a aap thei natu in, thinsung takpi taw thu dongh nuam bangin a kiheang tu mihing pawlkhat sumnguk pia in paisak a, Jesus aitaa uh hi.

Luke 20:27

Tuaciangin mithite tho kik nawn ngawl tu hi, a ci Sadducee te Jesus kungah hong pai a, hi bangin ci uh hi:

Sawltakte 26:9

Keima mama in Nazareth mi Jesus thu langpanin ka sep thei za in seam tong a ci pa ka hi hi.

1 Corinth te 13:5

itna in philphit ngawl, duhop ngawl, thintom ngawl hi; itna in ngual khialnate ciamtee ngawl hi.

2 Corinth te 8:6

Tua ahiciangin hi nasep a pan Titus tungah a zopto suak natu le hi ki itna sungah sepna sia a khuangkhim dong na sep to thei natu in hong hu natu ka hanthawn uh hi.