Luke 11:42 - Syin Chin Bible

⁴² “No Phariseete atu bangza in lauhuai ziam! Pathian atu in, ante, lonamsia, bokbawnkha le khuahun zui in a piang an tuatuamte tung pan sawm a khat na pia uh hi. Ahihang Pathian it natu le thutang khenna ngaingon nu hi. A dangte zongh ngaingon tuan ngawlin hite na sep tatak tu uh ahi hi.

Luke 11:42 Iomraidhean Croise

Nehemiah 10:37

Kote in Biakinnpi sung thiampite kungah kum simin a tungciil antang taw a kivawt anvui muhlom, le biakpiak natu a dang sapittui, olive thau, le thingnga namcin teng ka paipui tu uh hi. Ko lotho khuate ah sawm a khat sumpi a dong Levi te tungah ka leitang tung pan a piang sawm a khat ka pia tu uh hi.

Paunakte 21:3

A maan le ahi tu bangin seam in; tua in sangaw biakpiakna sangin Topa lungdamsak zaw hi.

Thuhilsya 7:18

Tua a leilam te ngeal pial in. Pathian na thasia le na ma vang tu hi.

Micah 6:8

Hi ngawl hi Topa in thupha hong son zo hi. Ama ii ei tung pan bang hong tangkal thu in hisia hi: a maan sia seam tu, ki itna kip lak tu le, kiniamkhiak in ih Pathian taw kipawl khawmin nuntak tu ahi hi.

Malachi 1:6

Vaanglianbelpa Topa in thiampite tungah, “Tapa khat in a pa thasia a, innteang khat in a topa zakta hi. Keima sia na pa ka hi a — banghangin hong patoai ngawl nu ziam? Keima sia na topa khi hi — banghang hong zakta ngawl nu ziam? Note in kei hong zawngsak napi, ‘Bangbangin hong zawngsak khu ziam?’ na ci lai uh hi.

Malachi 2:17

Na kampauna uh taw Topa toisak nu hi. Ahihang, “Ama bangbangin toisak khu ziam?” ci in dongh nu hi. “Vaanglianbelpa Topa in ngamtat siate theampo phasa hi; tuabangte diksa takpi hi,” ci nu hi. Tua ahibuale, “Thutangin ih heen Pathian sia koisungah om hi tu ziam?” ci in dongh nu hi.

Malachi 3:8

Thu khat hong dongh tong, mihing khat in Pathian a theam tu kilawm ziam? Kilawm mama ngawl hi, tua hi napi note in kei nong theam uh hi. ‘Bangbangin maw?’ ci nu hi. Sumpi sawm a khat le biakpiaknate sungah hong theam nu hi.

Matthew 23:13

“Thukham hil syate le Pharisee te awng! Note atu in bangza in lauhuai ziam? No a kihitheamsakte awng! Ngual mai panin, vantung Ngam kongkha khaktan nu hi, tuaciang noma mama in a sungah na tum bua uh a, tum nuam in a hanciamte zongh, a tum tu na oai bua uh hi!

Matthew 23:23

“Thukham hil syate le Pharisee te awng! A kihitheamsakte awng! No atu in bangza lauhuai ziam? An mee sungah hel thei lonamsia, masala le thing namtuite dongin, see sawm sua see khat sia Pathian na pia uh hi, ahihang Thukham sungah a kihil a thupi tatak ahi, thukhaikimna, hesuakna le thumaannate na awlmaw bua uh hi. Hite zongh na zak tu uh hi a, a dangte zongh na awlmawk ngawl tu hisaap ngawl hi.

Matthew 23:27

“Thukham hil syate le Pharisee te awng! A kihitheamsakte awng! No atu in bangza lauhuai ziam? No sia suangkaangtui taw a kizut thaankul taw kibang nu hi, tuate sia a puasang hoi ahihang a sungsang ah mithi ngu le mithi muat taw kidim hi.

Luke 18:12

Nipi khat sungah ni nii an ka tang a, ka nga sung panin, see sawm sua see khat nang kong pia hi,’ ci in thungen hi.

John 5:42

Ahihang no bangbang mihing nam ci sia le na thinsung uh ah Pathian ii itna na nei ngawl uh kong he hi.

1 John 4:20

Khat po in Pathian ka it hi ci napi in a suapuite a ensan le ama sia leilot thusonpa ahi hi. Banghang ziam cile a mu thei a suapuite a it buale a mu thei ngawl Pathian a it thei buatu hi.

1 Samuel 15:22

Samuel in, “Thunitna ahibuale biakpiaknate le sangaw biakpiakna Topa in koisia dei zaw ziam? Ama tungah tuu phabel taw sangaw biakpiakna sangin thunitna phazaw hi.