Luke 11:41 - Syin Chin Bible

⁴¹ Ahihang na kuang le na haite ii sung a omte sia a zawngte pia le uhte no atu in na theampo sia zeksa huvau in thiang tu hi.

Luke 11:41 Iomraidhean Croise

Psalm Late 112:9

A kitaangsamhte tungah ama in ngo takin pia a, ama ii cikna thiamna sia bo ngeingawl hi; ama thahat tu a, kizakta tu hi.

Psalm Late 41:1

Mizawngte a thinnuammawte sia mihing lungdamte ahi uh hi; amate ngim a nga uh ciangin Topa in hu tu hi.

Paunakte 14:31

Mizawngte na nengcip le a vawt pa Pathian simmaw na hi hi; ahihang mizawngte tungah dikna in biakpiakna nam khat ahi hi.

Paunakte 16:6

Thumaan vun a, citak vun, Pathian in na mawna hong maisak tu hi. Topa ii thu ni vun, thusia bangma na tungah hong tung ngawl tu hi.

Paunakte 19:17

A zawngte tungah na piak ciangin Topa tungah pukthaak bang hi a, Topa in hong lo kik tu hi.

Daniel 4:27

Tua ahiciang kumpipa awng, kong thuhilna hong ni ta'n. Mawna na vawt kheal in a, a maan in seam in, tuaciang a zawngte hesuak in. Tua hile na nuamsa tawto tu hi,” ci in zo kik hi.

Matthew 26:11

Mihing a zawngte sia note taw hong om tawntung tu ahihang kei sia, note taw hong omkhawm tawntung ngawl tu khi hi.

Matthew 5:42

Khat po in na khat hong ngen le pia vun; khat po in na khat hong zawng nuam le zawn vun.

Mark 7:19

banghang ziam cile a thinsung ah tum ngawlin, a ngilpi um sungah a tum zawkciang a pua sangah pusuak hi,” Jesus in ci hi. (Hi bang a ci ciang Jesus in, an a minpiang neak tuak hi, ci ahi hi.)

Luke 12:33

Na neisa theampo zuak vun a, na nga uh sumte a zawngte pia vun. Na hauna uh sia van ah na khol vun, tua munah a man sulh ngeingawl tu hi. Banghang ziam cile tua munah ngutate in ngu thei ngawl a, nget in ne thei ngawl hi.

Luke 16:9

Jesus in hi bang ci thua hi. “Kei kong cina pan: leitung haunate taw ngualtamh zong vun, tuaciang, tuasia a bo ciang tawntung inn ah no hong kisaang tu hi.

Luke 18:22

Jesus in hi thu a zaak ciangin ama tungah, “Na khat nasep tu kisamh lai ni hi. Na neisa teng zuakin a, na sum nga teng a zawngte pia in, tua hile vantung ah hauna na nei tu hi; tua zawkciangin hong pai ta'n a, ka nung hong zui ta'n,” ci hi.

Luke 19:8

Zacchaeus ding a, Topa tungah hi bangin ci hi. “En in, Topa awng! Ka neisa a lang mizawngte ka pia tu hi; tuaciangin khat po ka theam ngei le a zaa li in ka lo kik tu hi,” ci hi.

Sawltakte 10:15

Tua aw taw ma in paupui kik a, “Pathian ii thiansak sate a nin in ngaisun heak in,” ci hi.

Sawltakte 11:29

Nungzuite in amate hi zawk zaza tek, Judea ngam ah a teang a thu up puite atu a neisate puak tu in, khensat uh hi.

Sawltakte 24:17

“Kum tam mama sung Jerusalem ka nusiat zawkciang, ka mite kungah sum pawlkhat kengin, sangaw biakpiakna vawt tu in, tua munah ka pai hi.

2 Corinth te 8:12

Piak tu na thalawp uh le, na nei ngawlna tung pan hi ngawlin, na neina taw kizui in na piak tu za letsong sia Pathian in hong saang tu hi.

Ephesus te 4:28

Ngual neisa a suttol thei sia in sutolna kheal tahen a, ama nuntak natu a thalaw natu le a zawngte a hu thei natu in, naseam tahen.

Titus 1:15

Thinsung thiangtho mihingte atu in, na theampo thiangtho hi; ahihang a ninnoite le a um ngawlte atu in, bangma a thiangtho om ngawl hi, banghang ziam cile amate thinsung le a khua ngaisutnate ninnoi hi.

Hebrew te 13:16

Na pha sep tu le khat le khat kihu tu sia, na mangil heak vun, banghang ziam cile hite sia Pathian a lungkimsak ih kipumpiak biakpiakna ahi hi.

Hebrew te 6:10

Pathian sia a maan ngawlin a ngamta ngei bua hi. Ama in na a sepnate ahizong, ama ii tungah itna na lakna uh ahi, Tapidawpui te ii tungah huna na piakte le na piapiak laite sia hong makngilsak ngawl tu hi.

James 1:27

Pa Pathian ii a thiangtho le biakna tatak hi ci in, a ngaisut sia hi teng hi: tangate le meingongte ii thuakna sung pan khoi natu le leitung siatna panin eima le eima kikep natu ahi hi.