Luke 11:4 - Syin Chin Bible

⁴ Ko tung hong khialte ka maisak uh bangma in, kote khialna zongh hong maisak ta in, Ze etna haksa hong thuaksak heak in,’ ” ci hi.

Luke 11:4 Iomraidhean Croise

Pianciilna 48:16

Natna satna theampo panin keima hong suatak vantunglalang in amate thupha pia tahen! Hi panote tungtawnin keima min le ka pate ahi Abraham le Isaac min nungta top tahen! Amate in ta tam mama nei in suan le paal tam mama nei tahen!”

1 Kumpite 8:34

vantung panin na ngai in. Na mite ii mawna khialnate maisak in a, tuaciang a taanghpupite tungah na piak ngam le lei ah na ciapui kik in.

1 Kumpite 8:36

vantung pan na ngai in. Kumpipa le Israel mite ii mawna khialna te, na maisak in. A maan bang a ngamtat natu amate na hil in. Tuaciang, Oh Topa, na mite ii a tawntung a neisa tu in na piak hi na leitang tungah nguatui na puak in.

Psalm Late 121:7

Topa in nang sia launa theampo panin hong dal tu hi; ama in nang hong keamcing tu hi.

Psalm Late 25:11

Topa awng, na kamciam kipsak in a, ka mawnate hong maisak ta'n, banghang ziam ci le ka mawna tam mama hi.

Psalm Late 25:18

Ka ngimna le ka thuaknate hong heakpui ta'n a, ka mawnate theampo hong maisak ta'n.

Daniel 9:19

Topa awng, hong za ta'n. Topa awng, hong maisak ta'n. Topa awng, hong ngai ta'n a, hong seam ta'n! Mihing theampo in Pathian na hi hunlam hong heak natu in haisaang heak in! Hi khuapi le hi mihingte sia nangma aa ahi hi,” ka ci hi.

Hosea 14:2

Topa kungah heak kik vun a, hi thungetna sia ama tungah na biakpiakna uh hisak vun: “Koma mawna theampo hong maisak ta'n a, ka thungetna uh hong saang ta'n. Tuaciang kong kamciam bangin nang hong pok tu khu hi.

Matthew 18:35

Jesus in a thukhupna ah, “Na thin tak taw na suapuipa na maisak buale vantung ah a om ka Pa in mihing sim tungah tuabangin hong vawt tu hi,” ci hi.

Matthew 26:41

Na na ngak kenkon vun a, ze etna sungah na taaksuk ngawl natu in, thu na ngen vun. Thinsung in uukna nei ahihang, pumpi sia thazawm hi,” ci hi.

Luke 11:5

Jesus in a nungzuite munah, “Sonteena in no sung pan khat in, na lawmte inn khat ah, zankim laitak pai in, ‘Lawm awng, anluum thum hong puk ta'n.

Luke 13:4

Siloam ah tausaang khat a cipsuk lai in, sawm le liat a thina thu bangbangin na ngaisun uh ziam? Hi mite in Jerusalem midang theampo sangin mawna lianzaw nei ahi hunlam kilangh hi ci in na ngaisun uh ziam?

Luke 22:46

Ama in, “Banghangin mu nu ziam? Ze etna sungah na puk ngawl natu in, tho vun a thungen vun,” amate munah ci hi.

Luke 8:13

Suang tamna munah thaicii a tute sia Pathian thu lungdam takin za a, a saangte hi. Ahizong a thu in thuk bun ngawl hi; tawmvei hunsung teng um phot ahihang, ze etna hong pai ciangin, amate puk uh hi.

John 17:15

Hi leitung panin amate na laak natu in, kong ngen bua hi, ahihang Ngilo Pa khut sung pan na kepcing natu in kong ngen hi.

1 Corinth te 10:13

Ze etna na thuaksa uh theampo sia mihingte tungah a tung bul thute ahi hi. Ahihang Pathian in a kamciam kholet hi, tuaciang ama in a kipin na om thei natu note thuak zawk ngawl tu ze etna hong thuaksak ngawl tu hi; hong kize et ciangin zongh thuak zawk thahatna hong pia tu a, na suatak natu lampi khat hong hon tu hi.

Colossae te 3:13

Khat le khat na kidual vun a, a dang khat ii tungah lungkim ngawlna a nei khat po na om uh ciangin, khat le khat kimaisak vun. Topa in note mawna hong maisak bangma in note zongh khat le khat na kimaisak vun.

2 Thessalonica te 3:3

Ahihang Topa sia thumaan a, ama in note A Ngilopa kung pan hong keamcingin hong thahatsak tu hi.

2 Timothy 4:18

Topa in kei sia siatna theampo panin, hong suatak tu a, ama Vantung Ngam sungah muanhuai takin hong lato tu hi. Ama tungah vaangletna a tawntung le a tawntungin om tahen. Amen.

James 2:13

Banghang ziam cile hesuakna a nei ngawl mihing khat tungah thu a khen ciangin, Pathian in hesuakna a lak buatu hi; ahihang hesuakna in thukhenna zo hi.

Thupualaakna 2:10

Na thuak lai tute a bang po ahizong, lau heak vun. Ngai vun! Doaimangpa in note hong ze etna in, pawlkhat thonginn sung denna in hong nei tu a, na ngimna uh sia ni sawm sung teng hi tu hi. Thi tu keak a kul zong kei tungah hong thumaan tavun, tua hile nuntakna sia zawna tel in kong pia tu hi.

Thupualaakna 3:10

Thuak kenkon natu kong thupiakte, keamcing na hi uh komin, leitung bup mihingte ze et tu in, ngimna hong pai ciang, note zongh kong keamcing tu hi.