Luke 11:39 - Syin Chin Bible

³⁹ Tua ahikom Topa in ama tungah, “Tu in no Phariseete na kuang na hai uh a puasang panin na thiangsak uh hi. Ahihang na sungsang uh ah ngitlona le ngoltolna taw na kidim uh hi.

Luke 11:39 Iomraidhean Croise

Pianciilna 6:5

Leitung ah mihing theampo bangzata seksol a, khua ngaisut a sia bebek a nei tawntungna thu Topa in a mu ciang,

2 Khangtaanghthu 25:2

Ama in Topa diksak bang seam ahihang a sepna ah thalawp ngawl hi.

Psalm Late 22:13

Amate in tawpite bangin a kam uh kaa a, hawkin kei hong laai uh hi.

Paunakte 26:23

Na ngaisut takpi teng seal a, thumaan son ngawlna in a man ol leibeal zutna in a kizangh cimbeng taw kibang hi.

Paunakte 26:25

A kampaunate ahile zaaknophuai tha tu hi, ahihang um heak vun, banghang ziam cile a thinsung ah ki etsatna a dim in om hi.

Paunakte 30:12

A nin thei za in, nin napi thiangtho a kisa mihing om hi.

Jeremiah 4:14

Jerusalem awng, na thinsung panin ngitlona silthiang in, tua hile nang hong kingum thei tu hi. Na thinsung ah maw nopna thin bang tanvei ngaisun tu ni ziam?

Ezekiel 22:25

A lampuite sia a thalup sa nganhingte a hawk tawpite taw kibang hi. Amate in mihingte that a, a sum le a neisa te a laak thei theampo laaksakin a thalup hu in tam mama meingong suaksak uh hi.

Ezekiel 22:27

Kumpi zum ulian te sia nganhing a mat sate a laaitham ngia te taw kibang uh hi. A hau natu in amate in mihing that uh hi.

Zephaniah 3:3

A uliante sia tawpi hawk bang hi a; a thukhenmangte sia, duhop leih kisa in a zing ciang dong sangu khat zongh a khe ngam ngawl ngiapui ngilkialte bang ahi uh hi.

Matthew 15:19

Banghang ziam cile a thinsung panin, ngitlo ngaisutnate hong pai a, ama sia mihing thalup natu, palngul natu, numei le pa khial natu; sutol natu, leilot natu le ngual min siatsak natu, in lamlak ahi hi.

Matthew 7:15

“Leilot kamsaangte na up ngawl natu kidawm vun; amate a puatham ah tuu bangin hong pai tu a, a sungsang uh sia ngia hangsan bang hi tu hi.

Luke 16:15

Jesus in, “No sia noma le noma ngual mai ah a kithutangsakte na hi uh hi, ahizong Pathian in na thinsung theampo hong he hi. Banghang ziam cile mihingte ii thupisak nate sia Pathian muna ah man a nei bua hi.

Luke 7:13

Topa in ama a mu ciangin hesuakna thin taw kidim a, “Kap heak in,” ci hi.

Luke 7:19

ama in mihing niite Topa tungah hi bangin thu dongh tu in paisak hi. “Nang sia John ii hong pai tu hi a cisia ma na hi ziam? tua ahibuale ngualdang ka na lam en lai tu uh ziam?”

John 12:6

Ama ii hi bang a paute sia a zawngte awlmaw takpi hi ngawl a, ngutapa khat ahihang ahi hi. Ama in sum ip keam a, sumte ama atu in a la ku tawntung pa ahi hi.

John 13:2

Jesus le a nungzuite nitak an nekhawm uh hi. Simon Iscariot ii tapa Judas thinsung ah Jesus leeheak tu ngaisutna Doaimangpa in khum zo hi.

Sawltakte 5:3

Peter in, “Ananias awng, banghangin Satan in na thin uksak a, Thaa Thiangtho theam in, na neisate zuak man sum aheap banghangin keam ni ziam?

Galatia te 1:14

Jew te biakna ka zui sung teng in ka khanngualte a tamzaw mai ah ka madawk a, ih pute ii taangh ngeinate sungah amate sangin a nasia zawin a kipia pa ka hi hi.

2 Timothy 3:5

Amate in ih biakna sia a pua zuunna in nei tu a, ahihang a vaangletna tatak sia nial tu uh hi. Tuabang mihingte kung pan kiheam ta'n.

Titus 1:15

Thinsung thiangtho mihingte atu in, na theampo thiangtho hi; ahihang a ninnoite le a um ngawlte atu in, bangma a thiangtho om ngawl hi, banghang ziam cile amate thinsung le a khua ngaisutnate ninnoi hi.

James 4:8

Pathian kungah hong neak tavun, tua hile Pathian in note hong neak tu hi. Na khut uh sil vun, no mawneite awng! Na thinsung uh thiansua vun, no a kihitheamsakte awng!