Luke 11:34 - Syin Chin Bible

³⁴ Na mittangte uh sia na pumpi atu meivak taw kibang hi. Na mittang uh a ciidam le, na pumpi uh sia khuavak taw kidim hi; ahizong na mittang uh a pha buale na pumpi bup uh sia khuazing sungah om tu hi.

Luke 11:34 Iomraidhean Croise

Pianciilna 19:11

Tuaciang amate in innkha a mu thei ngawl natu in innpua sangah a om mi theampo a mit uh tawsak hi.

Psalm Late 119:18

Na thukham sungah a lamdang thumaante ka mu thei natu in ka mit hong honsak ta'n.

Psalm Late 81:12

Tua ahikom amate sia a thinpuina uh taw kizui in a uuk bang po ka paisak a, a vawt nop po ka vawtsak hi.

Paunakte 21:4

Mihing seksolte sia amate ii a kihisakna le a kisaktheina in uk hi, tuaciang hisia in mawna ahi hi.

Paunakte 28:22

Kaangsung bek a he mihing duhopte in hau tu ngakla in diang ahiciang, zawnna ii vaat tu hun a he bua uh hi.

Isaiah 29:10

Mutthip natu in Topa in na mut hong suaksak hi. Kamsaangte sia mihingte ii mittang hi tu a, ahihang Pathian in amate mit humcipsak hi.

Isaiah 42:19

Ka naseampa sang khuamu ngawl zaw khat po, kamtai in ka sawlpa sangin nangong zaw khat po a om ziam?

Isaiah 44:18

Tuabang mite sia mawmaw leilam ahikom amate in bang teng vawt khu ziam ci zongh he ngawl hi. Amate in thumaan thutak a mu thei ngawl natu in, a mit uh si in, a tel thei ngawl natu in a ngaisutna khak uh hi.

Isaiah 5:20

Note a lal na hi uh hi! Note in a siate pha hi, a phate sia hi na ci uh hi. Note in khuazing sia khuavak ah, khuavak sia khuazing ah na heak uh hi. Note in a kha sia a thum, a thum sia a kha na sua uh hi.

Isaiah 6:10

Tuaciang ama in keima tungah, “Hi mihingte lungmusakin, a na ngongsak in a, a mittawsak in, tua hile amate khuamu thei ngawl, khua za thei ngawl, tel thei ngawl tu hi. Tuabang hile ka kung hong zuan thei in, a ci ka damsak tu hi,” hong ci hi.

Jeremiah 5:21

No, a ngaisun thei ngawl a nangh mi mawmawte, mit nei napi a mu thei ngawlte, bil nei napi a za thei ngawlte awng, ngai vun.

Mark 4:12

Tuasia ciang: ‘Amate in e en ahihang a mu buatu hi; ngangai tu ahihang a tel buatu hi. Banghang ziam cile amate in mu thei, za thei thong le Pathian kungah heak kik tu uh a, tuaciang ama in a mawna uh maisak tu hi.’ ”

Mark 7:22

nupa kipalngulna, duhopna, ngamtat siatna tuatuam; kitheamna, maizummawkna, ki enna, kingensiatna, kiphatsakna, le mawmawtna —

Mark 8:18

Mit nei napi — mu thei ngawl nu ziam? Bil nei napi — za thei ngawl nu ziam?

Luke 11:35

Tua ahikom na pumpi sungah khuavak sia khuazing na suaksak heak vun.

Sawltakte 13:11

Topa khut in tu in, nang tungah hong paisuk tu hi; na mit tawcip tu a, tuaciangin, sun khuavak sia hun khat sung teng na mu thei buatu hi,” ci hi. Thakhat thu in, Elymas in, ama mittangte khuavui tuamcip bangin, thuak a, ama khut lenin lamlak tu mihing zongin, vak kawkoai hi.

Sawltakte 2:46

Kipawlkhawm in Biakinnpi ah ni sim kikhawm uh a, lungdamna le kiniamkhiakna thin taw inn ah an zongh nekhawm uh hi,

Sawltakte 26:18

Nang in amate mit na honsak tu a, amate sia khuazingna sung panin, khuavakna ah, Satan vaangletna panin, Pathian kungah na kiheaksak tu hi. Tua hile amate in keima hong upna tungtawnin, a mawnate uh kimaisak tu a, Pathian tealsa mite sungah amate in omna nga tu uh hi.’

2 Corinth te 1:12

Hi leitung ah ka nuntakna uh le a tuanin note taw ka kizopna uh sia Pathian ii hong piaksa thinmamna le citakna ii hong ukna le Pathian' thuthiamna ii vaangletna hang hi a, mihingte pilna hang hi ngawl hi, ci in telthiang in ka kiphasak uh hi.

2 Corinth te 11:3

Eve sia ngul ii leilot pilnate taw a theam bangma in — na thinsung uh lalin Christ tungah a kicing le a thiangtho in na kipiakna uhte na nusiat thaak tu uh ka lau hi.

2 Corinth te 4:4

Hi leitung pathian ngilopa in amate thinsung sia khuazing sungah keamcip ahikom um ngawl uh hi. Pathian taw a kibang linlian Christ ii minthanna huvau tua Lungdamna Thupha pan hong pai, amate tungah hong taang khuavak a mu thei ngawl natu in ama in vawt hi.

Ephesus te 1:17

ih Topa Jesus Christ ii Pathian, a vaanglian Pa tungah nang hong ciimsak a ama na heak natu le Pathian hong lak tu Thaa hong piak natu in, ka ngen hi.

Ephesus te 6:5

Silate awng, na leitung tote sia kiitakna le liinna taw a thu ni vun; tuabangin na hi uh ciang, Christ atu a seam bangma in thinsung takpi taw seam vun.

Colossae te 3:22

Silate awng, thu theampo ah na tote thu ni vun, pha hong sak tu deina taw amate hong etcik laitak bek hi ngawlin, Topa na thasia uh hu in, thin tak taw a thu ni vun.