Luke 11:32 - Syin Chin Bible

³² Thukhenna Ni ciangin, Nineveh khua mite hong ding tu a, no hong mawsak tu hi, banghang ziam cile amate in Jonah thuhilna a zaak uh ciangin a mawna uh panin, kisiik kik uh hi; a tatakin ka ci ciang, hi sungah Jonah sangin a lianzaw khat om hi!

Luke 11:32 Iomraidhean Croise

Jonah 3:4

Jonah sia khuapi sungah ni khat tangciing a pai zawkciang ama in, “Ni sawmli sungsang Nineveh khua kisiatham tu hi!” ci in thangsak hi.

Jonah 3:5

Nineveh khua mite in Pathian ii thupiak um uh hi. Tua ahiciang amate in mi theampo a lianbel pan a nobel dong kisiik kikna lakna in, antan tu le khau-ip puan silh tu in khensat uh hi.

Jonah 4:9

Ahihang Pathian in ama tungah, “Hi a kung hing huvau in na thin uuk thei natu nang bang thu nei ni ziam?” ci hi. Jonah in, “Thi ngam natu in thin uuk na — ka thin uuk thei natu thu nei leilam khi hi!” ci in zo kik hi.

Matthew 12:39

Jesus in, “Tu hun mihingte sia, bangzata in sia a, Pathian nei ngawl ziam! Nalamdang lakna hong ngen na hi uh ziam? Hong pia ngawl tu khi hi! No tung a hong kipia tu nalamdang lakna in kamsaangpa Jonah, nalamdang lakna sia bek hi tu hi.

Matthew 12:41

Thukhenna Ni ciangin Nineveh khua mite hong ding tu a, note hong mawsak tu hi, banghang ziam cile amate in Jonah thuhilna a zaak uh ciangin a mawna uh pan kisiik kik hi; a maan tak kong ci ciang in hi sungah Jonah sangin a lianzaw khat om hi.

Luke 11:31

Thukhenna Ni ciangin, Sheba Kumpinu hong ding tu a, tu hun mihingte hong mawsak tu hi. Banghang ziam cile ama ii ngam panin Solomon Kumpipa ii ciimna taw hilnate ngai tu in khual hong haw hi. A tatakin ka ci ciang, Solomon sangin a lianzaw khat hi sungah om hi.

Hebrew te 7:26

Tua ahikom Jesus sia ih kitaangsapnate hong kicingsak thei, Thiampi Lianbel ahi hi. Ama thiangtho a; ama in mawna ahizong, khialna ahizong, ama sungah a nei bua hi; ama sia mawneite sung panin, kidoi tuam a, vantungte sangin a saang zaw in kilaamto hi.