Luke 11:24 - Syin Chin Bible

²⁴ “Thaa ngilo khat in mihing khat sung pan a pusua zawkciangin, munko na ah vak in, tawlngak natu zong hi. Tawlngak natu a mu buale ama le ama hi bangin, ‘Ka inn ah cia kik tong,’ kici hi.

Luke 11:24 Iomraidhean Croise

Job 1:7

Topa in Satan tungah, “Bang teng vawt ni ziam?” ci in dongh hi. Satan in, “Mun khat pan mun khat ah pai in simleitung kiimveal in ka vak kawkoai hi,” ci in zo hi.

Job 2:2

Topa in Satan tungah, “Koisung teng theng zo ni ziam?” ci in dongh hi. Satan in, “Mun khat pan mun khat ah pai in simleitung ah ka vak kawkoai hi,” ci in zo hi.

Psalm Late 63:1

Pathian awng, nangma in ka Pathian na hi a, nangma kong thangai hi. Ka nuntakna buppi in nang hong dei hi; tui om ngawl, munko, lei tulsate in tui a du bangin ka thaa in nang hong du hi.

Paunakte 4:16

Mi seksolte sia a maan ngawl ngamtatna khat peuma a vawt bua uh le mutthip thei ngawl uh hi. Khat po a liamsua bua uh le amate mutthip thei ngawl uh hi.

Isaiah 35:7

a kaangh sen sate sia tuili khat suak tu a, lei kona sia ciktui taw kidimh tu hi. Ngiate teen ngeina munah buannawng sung a po lopa le pumpa kungte po tu hi.

Isaiah 44:3

“A dangko leitang tungah tui ka pia tu a leiko tungah luitui ka luangsak tu hi. Na tate tungah ka thaa ka bua tu a, na suan na paalte tungah ka thupha ka pia tu hi.

Isaiah 48:22

“Mawneite atu in a bitna mun om ngawl hi,” Topa in ci hi.

Mark 5:10

Tua ngam panin, thaa ngilote a nawkeak ngawl natu in Jesus tungah thaa ngilo in ngen top hi.

Mark 9:25

Mipite in ama uumci tu a kithoai sia Jesus in mu ahikom thaa ngilo tungah, thupia a, “Nangong le a pau thei ngawl thaa ngilo awng, patang sung pan hong pusuak ta'n a, ama sungah tum kik nawn heak in, ci in thu kong pia hi,” ci hi.

Luke 11:25

Tuabangin a cia kik ciangin, a inn sia a thiangtho in kipuua sa in a om mu hi.

Ephesus te 2:2

Tua hunlai in note in, leitung ngitlona zia na zui uh hi; van awng sungah thaa vaangletnate a ukpa thu na ni uh hi, tua thaa in tu laitakin Pathian thu a ni ngawl mihingte a uk sia ma ahi hi.

1 Peter 5:8

Pilvang vun a, encik vilvel vun! Na ngalpa Doaimangpa sia a valhlup tu khat po zong a, a hawk tawpi taw kibangin, na kiimkot ah hong vak kawkoai hi.