Luke 11:2 - Syin Chin Bible

² Jesus in amate tungah, “Thu na nget uh ciangin hi bangin ci vun: ‘Pa awng, Na min thiangtho ki upat tahen; Na Ngam hong piang tahen,

Luke 11:2 Iomraidhean Croise

1 Kumpite 8:43

a thungetna na ngai in. Vantung na teenna pan za in a, vawtsak tu in hong nget teng vawtsak in, tua hile leitung mite theampo in Israel na mite ii hong heak bangma hong he thei in, na thu hong ni tu uh hi. Tuasia ciang amate in hi Biakinnpi ka sak sia nangma biak natu mun ahi hunlam he tu uh hi.

2 Kumpite 19:19

Tu in, Topa ka Pathian awng, Assyria te kung panin hong hun ta'n, tuasia ciang leitung ngamte theampo in nang, Topa bek Pathian na hi hunlam hong he tu hi,” ci in thungen uh hi.

2 Khangtaanghthu 20:6

a ngingin, “Oh Topa ka taanghpupite ii Pathian awng, vantung le leitung ngam theampo na uk siat hi. Nangma sia a vaanglian a thahat na hi a, kuama in hong nalh zo ngawl hi.

Psalm Late 103:20

Ama thupiakte zui a, ama ci bang a ni, no, a thahat vantunglalangte awng Topa pok vun.

Psalm Late 108:5

Pathian awng, van ah na letna le leitung bup ah na minthanna lak in.

Psalm Late 11:4

Topa, ama ii biakinn thiangtho sungah om hi; Topa ii kumpi tokhum in vantung ah om hi. Mun theampo a om mihingte encik a, amate bang vawvawt ci sia he hi.

Psalm Late 57:11

Na letna van ah lak in, Pathian awng, na minthanna leitung theampo ah lak in.

Thuhilsya 5:2

Na pau ma in ngaisun phot in a, Pathian tungah kamciam vawt memeang heak in. Ama sia vantung ah om in, nang sia leitung ah om a, tua ahikom na pau tu za sangin a tamzaw pau heak in.

Isaiah 63:16

Nangma in kote pa na hi hi. Ka taanghpupi Abraham le Jacob te in ko hong thusim ngawl uh hi, ahihang Topa, kote hong suatak tawntung pa, nangma in kote pa na hi hi.

Ezekiel 36:23

Minamte sungah na daisak uh ka min — ka min lian ii thiangthona amate tungah ka lak ciangin — keima sia Topa ka hi hunlam amate in hong he tu uh hi. Keima, Vaanglianpipa Topa ka pau zo hi. Nangma hong zanghin minamte tungah a thiangtho ka hi sia ka lak tu hi.

Daniel 2:28

Ahihang thutumdangte a pualaak vantung ah Pathian khat om hi. Ama in maisang thupiang tute, Nangma Kumpipa tungah hong hil zo hi. Na mut laitak a na mu kholna, tua mang sia tu in kong son tu hi.

Daniel 2:44

Tua ngamukte hun sungin, vantung Pathian in a bo ngeingawl tu kumpi ngam khat phut tu hi. Tua ngam sia kuama in zo zo ngawl tu a, ahizong tua ngam in kumpi ngamliante theampo zo ngawpin kip tawntung tu hi.

Daniel 7:18

Tuaciang Lianbel Pathian ii mihingte in kumpi vaangletna nga tu a, a tawntung a tawntungin keam tu uh hi,” hong ci hi.

Daniel 7:27

Leitung kumpi ngam theampo ii vaang le a letna sia Lianbel Pathian ii mihingte tungah kipia tu hi. Amate kumpi vaang sia bo ngeingawl tu a, leitung a ukte theampo in amate na sepsakin a thu ni tu uh hi,” ci hi.

Hosea 14:2

Topa kungah heak kik vun a, hi thungetna sia ama tungah na biakpiakna uh hisak vun: “Koma mawna theampo hong maisak ta'n a, ka thungetna uh hong saang ta'n. Tuaciang kong kamciam bangin nang hong pok tu khu hi.

Thiampite 10:3

Tuasia ciang Moses in Aaron tungah, “Topa in ‘Ka na a seamte theampo in ka thianthona zakta tu hi; ka mite tungah ka vaangletna ka pualaak tu hi’ a ci ciang a deina sia, tubang ahi hi,” ci hi. Ahizong Aaron bangma pau ngawl hi.

Thiampite 22:23

Thinzaw biakpiakna ah a khansamh ahibuale a limci tatak ngawl nganhingte pia thei tu nu hi, ahizong kamciam taangtut natu in tuate kisaang ngawl hi.

Habakkuk 2:14

Ahihang tuipi sia tui taw a kidim bangin leitung in Topa vaangletna heakna taw kidim tu hi.

Matthew 10:32

“Mihingte mai ah khat po in kei neisa a hina a pualaak le, vantung ka Pa mai ah, kei zongh in tuabang ma in ka pualaak tu hi.

Matthew 3:2

“Na mawna uh pan kisiik kik vun, banghang ziam cile Vantung ngam hong nai zo hi!” ci hi.

Matthew 5:16

Tuasia bangma in, napha na sep uhte mihingte in a mu ciang, vantung a om na Pa uh a pok natu in, amate mai ah na khuavak uh taangsak vun.

Luke 11:1

Ni khat ni in Jesus in mun khat ah thungen hi. A man ciangin a nungzuite khat in, “Topa awng, John ii a nungzuite a hil bangin, ko zongh thunget natu hong hil ta'n,” ci hi.

Romete 1:7

Tua ahikom Pathian in hong it a, ama minam suak tu in, hong sapsa no Rome khua a omte theampo tungah lai kong thaak hi. Ih Pa Pathian le ih Topa Jesus Christ in thuthiamna le thinnopna hong pia tahen.

Romete 8:15

Banghang ziam cile Pathian hong piak Thaa in nang sia sila hong suaksak ngawl a, hong kiitasak ngawl hi; tua hizaw ngawlin, Thaa in Pathian ii tate hong suaksak a, Thaa vaangletna taw eite in Pathian tungah “Pa awng, ka Pa awng!” ih ci thei hi.

1 Corinth te 1:3

Ih Pa Pathian le Topa Jesus Christ in thuthiamna le thinnopna hong pia tahen.

2 Corinth te 1:2

Ih Pa Pathian le ih Topa Jesus Christ in thuthiamna le thinnopna hong pia tahen.

Galatia te 1:4

Tu a hunpha ngawl sia panin ih suatak natu in ih Pa Pathian ii deina a zuina taw, Christ in eite ii mawna hangin ama le ama hong kipia hi.

Ephesus te 1:2

Ih Pa Pathian le Jesus Christ in thuthiamna le thinnopna hong pia tahen.

Philippi te 1:2

Ih Pa Pathian le Topa Jesus Christ in thuthiamna le thinnopna hong pia tahen.

Philippi te 4:20

Ih Pathian le Pa tungah minthanna a tawntung, a tawntungin om tahen! Amen.

Colossae te 1:2

Colossae khua ah a om Christ taw pumkhat ahi a thumaan suapui le Pathian mite tungah lai kong thaak uh hi. Ih Pa Pathian in thuthiamna le thinnopna hong pia tahen.

1 Thessalonica te 1:1

Paul, Silas le Timothy kung pan — Pa Pathian le Topa Jesus Christ ii neisa ahi Thessalonica pawlpi mite tungah: Thuthiamna le kilemna sia no aa hi tahen.

1 Thessalonica te 1:3

Upna na zakzia uh, itna na nei uh hu a, nasia takin na nasepna zia le ih Topa Jesus Christ sungah na lametna uh a kipzia sia ih Pa Pathian mai ah kong phawk uh hang ahi hi.

2 Thessalonica te 2:16

Ih Topa Jesus Christ ama mama le eite hong it a, a thuthiamna taw a kiam ngeingawl thinletna le lametna kho hong pia, ih Pa Pathian in,

Thupualaakna 11:15

Tua zawkciang vantunglalang a salina sia in a lemle tum a, vantung ah awnging tatak taw, “Leitung uk natu vaangletna in ih Topa le ama Messiah ii neisa hi a, ama in, a tawntung a tawntungin uk tu hi!” ci hi.

Thupualaakna 15:4

Topa awng nang lamdang hong sa ngawlin akua ding tu ziam? Akua in na letna a thansak tu nial ngam tu ziam? Nangma bek na thiangtho hi. Minam theampo hong pai in nang hong bia tu hi, banghang ziam cile, thumaanin na ngamtatnate mihing theampo in hong mu siat uh hi,” ci hi.

Thupualaakna 19:6

Tuaciangin tuiteau nging bang le vanto nging bang mihonpi auna aw bang khat ka za hi. Tua awte in, “Topa pok vun! Banghang ziam cile Topa, eite ii Vaanglianbel Pathian sia Kumpi ahi hi!

Thupualaakna 20:4

Tua zawkciang kumpi tokhumte ka mu a, a tungah a tote in thu a khen thei natu in vaangneina kipia hi. Pathian kammalte le Jesus ii pualaak thumaan thutak te a thansak uh hu a, a kithatte ii thaate zongh ka mu hi. Amate in nganhing le a lim a bia bua uh hi, tua bek dom ngawlin, a talki tungah ahibuale a khutte tung zongh ah nganhing tepteena a nei bua uh hi. Amate in hong nungta kikin Christ taw kum tulkhat kumpipate bangin a uk uh hi.