Luke 11:15 - Syin Chin Bible

¹⁵ ahizong pawlkhatte in, “A nawkeak thei natu vaang a pia pa sia, doaite sung pan a lianbel Beelzebul ahi hi,” ci uh hi.

Luke 11:15 Iomraidhean Croise

Matthew 10:25

Tua ahikom, nungzui khat sia a syapa taw a kiban ciangin, lungkim tahen a, sal khat zongh in a topa taw a kiban ciangin, lungkim tahen. Baangkua pabel sia Beelzebul a kici le, a innkuan pui dangte zongh min a sia seseam taw kina tu hi.

Matthew 12:22

Tua zawkciang mihing pawlkhat in Jesus kungah doai a vei hu in mittaw a, a pau thei ngawl pasal khat hong paipui uh hi. Khuamu thei a, a pau thei natu in, Jesus in damsak hi.

Matthew 4:24

Ama thu sia Syria ngam bup ah kizel ahikom mihingte in ama kungah ciina theampo, natna satna le mealhem theampo: doai veite, butthi theite, langngawte, paipui in — Jesus in damsak siat hi.

Matthew 9:34

Ahihang Pharisee te in, “Jesus tungah doaite nawkeak thei natu vaang a pia sia in doaimangpa ahi hi,” ci uh hi.

John 10:20

Amate sung pan tam mama in, “Ama doaivei hi! Ama a thin amh hi! Banghangin a thuson ngangai nu ziam?” ci uh hi.

John 7:20

Mihonte in “Na sungah doai khat om hi! Akua in nang hong thatlum nuamin hanciam na ziam?” ci in zo uh hi.

John 8:48

Amate in Jesus munah, “Nang sia Samaria mi hi a, doai vei ni hi kong ci uh sia, maan hi ngawl khu ziam,” ci uh hi.

John 8:52

Amate in, “Tu in nang sia doai vei na hi hunlam kong telcian uh hi! Abraham thi a, kamsaangte zongh thi hi, tua hi napi na hilcianna a nite peuma thi ngeingawl tu hi, ci ni hi.