Luke 11:13 - Syin Chin Bible

¹³ Na phat ngawl uh kawm panin, na tate atu na pha piak tu na he uh hi. Tua ahile vantung a om na Pa uh in, a ngente tungah Thaa Thiangtho pia kan ngawl tu ziam!” ci hi.

Luke 11:13 Iomraidhean Croise

Pianciilna 8:21

Topa sia biakpiakna ngimnamtui in lungdamsak hi, tuaciang a thinsung ah, “Mihing ngamtatna hangin leitung ka haamsiat kik ngei buatu hi; a no lai pan a khuangaisutnate a siat hunlam ka he hi. Tu a ka vawt bangin nuntakna nei theampo ka mon kik ngei buatu hi.

Psalm Late 51:5

Ka pian ni pan ma in a sia ka hi hi; ka nu ngil sungah ka om lai pan ma in mimaw ka hi zo hi.

Paunakte 1:23

Kong teih ciangin hong ngai tavun; ngaisutna pha kong pia tu a, ka heaknate kong hawm tu hi.

Isaiah 49:15

Tuasia ciang Topa in, “Numei khat in ama ii nausen mangil in ama ii hin le toai tasen it ngawlin om thei tu ziam? A nu in a tasen a mangil zezen tha hial zongin, keima in note kong mangil ngei buatu hi.

Ezekiel 36:27

Ka thukhamte le ka thupiakte theampo na zui ka mu thei natu in ka thaa kong khum tu hi.

Joel 2:28

“Tuasia zawkciang a kuama po tungah ka Thaa ka buak tu a: na tapate le tanute in ka thu thangsak tu uh hi; na khanghaamte in mang man tu uh a, na khangnote in mukholna mu tu uh hi.

Matthew 5:16

Tuasia bangma in, napha na sep uhte mihingte in a mu ciang, vantung a om na Pa uh a pok natu in, amate mai ah na khuavak uh taangsak vun.

Matthew 5:45

Vantung a na Pa ii tate na sua thei natu in, tuabangin ngamta vun. Banghang ziam cile ama in mihing phate tung le mihing siate tungah a kibangin ni taangsak a, na pha seamte le a sia seamte tung zongh ah a kibangin nguazusak hi.

Matthew 6:14

“Ngual ii note tung a hong khialnate na maisak uh le, vantung a na Pa zongh in, note khialna zongh hong maisak tu hi.

Matthew 6:30

Tuni in po a, zing ciang a bo tu meikhuk sung a kihal tu lopa — hi lopa a zeam sia Pathian hi. Ama in no hong zeam zaw tu ahi sia muang ngawl nu ziam? Na nei uh upna sia bangza in no ziam!

Matthew 6:32

(Hite sia doai biate ii thinbot thei bul thute ahi hi.) Vantung a om na Pa in, hite theampo na kitaangsap uh hong he nginge hi.

Matthew 7:11

Na phat ngawl uh kawm panin na tate atu napha piak tu na he uh hi. Tua ahile, vantung ah na Pa in a ngente tungah naphate bangza in hong pia zaw kan tu ziam?

Luke 11:12

Aktuui hong nget ciangin, aikam na pia tu uh ziam?

Luke 11:2

Jesus in amate tungah, “Thu na nget uh ciangin hi bangin ci vun: ‘Pa awng, Na min thiangtho ki upat tahen; Na Ngam hong piang tahen,

Luke 18:7

Tua ahile Pathian in ama ii mihingte, sun taw zan taw hu ngen in a au te ii phat tuam natu in thukhensak ngawl tu ziam? Amate a hu tu sia a haisaang tu ziam?

John 4:10

Jesus in, “Pathian in bang teng pia a, nang tungah tuineak tu hong ngen sia akua ziam, ci thu tel thong lete nangma in ama munah na ngen tu hi, tuaciang ama in nuntakna tui hong pia tu hi,” ci hi.

Sawltakte 2:38

Na mawnate uh hong kimaisak a, Pathian ii tel, Thaa Thiangtho na saan natu in, note khat sim in, na mawnate pan kikheal nanak vun a, Jesus min taw tui kiphum tavun,

Romete 5:17

Mihing khat ii mawna tungtawnin thina in hong uk hi. Ahihang Jesus Christ a kici mihing khat ii sepna taw kizui in bangza in a lianzaw thu piang ziam! Pathian ii a kicing thuthiamna le man nei ngawl a hong piak thutang suana a saangte in Christ tungtawnin a ngualzo nuntakna nga tu hi.

Romete 7:18

Mihing ka hina sungah — a pha bangma om ngawl hi ci in ka he hi. Banghang ziam cile a pha vawt nopna ka sungah a om bel hangin ka vawt thei bua hi.

Romete 8:32

Pathian in hong langpan ngawl het tu hi. Ama in a Tapa takpi khoaikhe ngawlin, ei atu in hong pia hi! A Tapa ngawngawn hong pia ahile — na theampo a thongin hong pia ngawl tu ziam?

Titus 3:3

Banghang ziam cile, eima zongh khatvei lai in, a mawmaw, thu ni ngawl le a khial thei mi ih hi ngei hi. Ci le sa deina le nopsakna namcin ii sila ih hi ngei hi. Ih nuntakna sia hazatna le eenna taw ih zangh hi; ngual in hong ensan a, tuaciang ei zongh in ih ensan hi.