Luke 10:25 - Syin Chin Bible

²⁵ Thukham hil sya khat hong pai in Jesus aitaa nuam a, “Sya awng, tawntung nuntakna ka nga natu in bang ka vawt tu ziam?” ci in dongh hi.

Luke 10:25 Iomraidhean Croise

Mark 10:17

Jesus ding tu in a kipat kik ciangin, pasal khat hong tai a, ama mai ah khupdin in, “Sya pha awng, tawntung nuntakna ka nga natu in bang ka vawt tu ziam?” ci in dongh hi.

Mark 10:3

Jesus in thudokna khat taw zo a, “Moses in bang thukham hong pia ziam?” ci hi.

Mark 12:28

Thukham hil sya khat, tua kam kikupna sungah om hi. Jesus in Sadducee te pha takin zo kik thei ahi sia mu hi, tua ahikom ama in, thudok nop khat taw Jesus kungah pai hi, “Thupiak sung teng pan koisia thupibel ziam,” ci hi.

Luke 10:24

Kei kong cina pan, kamsaang tam mamate le kumpite in, no ii mute mu nuam ahihang mu ngawl uh hi, za nuam ahihang za ngawl uh hi,” ci hi.

Luke 10:26

Jesus in zo kik a, “Laithiangtho in bang ci ziam, nang tua thu bangbangin na tel ziam” ci hi.

Luke 18:18

Jew te lampui khat in, “Sya pha awng, tawntung nuntakna ka nga natu in bang ka vawt tu ziam,” ci in dongh hi.

Luke 7:30

Ahihang Phariseete le thukham hil syate in amate atu, Pathian ii tupna te nial in, John ii tuiphum tu a uuk bua uh hi.

John 8:6

Amate in hi bangin a ci uh sia Jesus a mawsiat thei natu in a aitaana hi. Ahihang ama kunin, a khutme taw lei ah lai at hi.

Galatia te 3:18

Banghang ziam cile Pathian letsong sia Thukham tungah kibulphu hile, ama kamciam tungah kibulphu ahi nawn bua hi. Ahizong ama ii kamciam hangin Pathian in Abraham sia tua letsong pia hi.