Luke 10:22 - Syin Chin Bible

²² “Ka pa in na theampo kei hong pia zo hi. Tapa akua ziam ci sia Pa simngawl kuama in a he bua hi, tuaciang Pa akua ziam ci sia Tapa le Tapa ii heaksak tu in a tealte ngawl po in a he bua hi,” ci hi.

Luke 10:22 Iomraidhean Croise

Matthew 11:25

Tua hun laitakin Jesus in, “Simlei le vantung ii Topa, Pa awng hi thute mihing ciim mihing thiamte tung panin, na sealcip a, bangma he ngawl lai mihingte tungah lak na hikom na tungah ka lungdam hi.

Matthew 11:27

“Ka Pa in na theampo kei hong pia zo hi. Pa simngawl kuama in Tapa a tel zo bua a, Tapa le Tapa ii a telsak nop a teal mihingte simngawl kuama in Pa a tel bua hi.

Matthew 28:18

Jesus in amate kung nai neakin, “Vantung le leitung ah thunei theina theampo a vekpi in kei hong kipia zo hi.

John 1:18

Kuama in Pathian mu ngeingawl hi. Pa kungah a om, Pathian ma ahi, Tapa khat bek in Pathian hong hesak hi.

John 13:3

Jesus in Pa ii vaangletna a cingin ama tungah a piak sia he hi; ama in Pathian kung pan hong pai a, Pathian kung a zot kik tu hunlam he hi.

John 17:10

Keima neisa theampo nangma aa hi a, nang neisa theampo keima aa ahi hi; ka minthanna amate tungtawnin kilak hi.

John 17:2

Banghang ziam cile ama tungah na piaksa mi teng tawntung nuntakna a piak thei natu in, mihing theampo tungah thuneina ama tungah na pia zo hi.

John 17:26

Kei nong itna amate sungah a om thei natu le amate sungah kei zongh ka om thei natu in, nang sia amate in ka hesak zo a, tuabang ma in ka seam suak lai tu hi,” ci hi.

John 17:5

Pa awng! simlei pian ma a nangma taw a kibangin ih nei khop tua minthanna sia, tu in na mai ah kei hong pia ta'n.

John 3:35

Pa in a Tapa it a, na theampo ama ii vaangletna sungah koi hi.

1 Corinth te 15:24

Tuasia ciang a tawpna hong theng tu hi; Christ in thaa lamsang ah a ukte, thuneite, vaangletna a neite theampo zo tu a, tuaciangin a Kumpi Ngam sia Pa Pathian tungah aap tu hi.

2 Corinth te 4:6

“Khuazing sung pan khuavak hong taang tu hi!” a ci Pathian sia ma in Christ ii maitang ah a taang Pathian ii vaangletna heak natu in kote thinsung ah a khuavak hong taangsak ahi hi.

Ephesus te 1:21

Christ in tua munah vantung ukpite, thuneite, vaangletna neite, tote theampo ii tung panin uk hi; ama in hi leitung ah ahizong, hong pai pheang tu leitung ah ahizong, thunei min le zate theampo sangin a lianzaw min le za nei hi.

Hebrew te 2:8

tuaciang na theampo tungah a uk tu in na vawt hi.” Pathian in mihing sia “na theampo a uk tu” in vawt hi, ci hi. Hi thu in na theampo huam siat hi. Ahihang tu laitak hunin, mihing in na theampo uk hi, ci in ih mu bua hi.

1 John 5:20

A maan Pathian ih heak natu in Pathian Ta hong pai zo a, teltheina hong pia zo ahi hunlam ih he hi. Eite in a maan Pathian taw pumkhat hi in — ama Tapa Jesus Christ taw pumkhat in ih nungta hi. Hisia in a maan Pathian hi a, tawntung nuntakna ahi hi.

2 John 1:9

Christ ii hilcianna sungah om nuam ngawlin, a pai khial pawpo in Pathian a nei bua hi. Hilcianna sungah a kip peuma in Pa le Tapa nei khawm uh hi.