Luke 10:21 - Syin Chin Bible

²¹ Tua hun laitakin Jesus Thaa Thiangtho in lungdamna taw kidimsak a, hi bangin ci hi. “Van le lei ii Topa ahi Pa awng! Na tungah ka lungdam hi, banghang ziam cile mihing pilte le mihing ciimte mun panin na seal thute pilna a nei ngawlte tungah na lak hi. Hi hi, Pa awng, hi bang tu ma na deina ahi hi,” ci hi.

Luke 10:21 Iomraidhean Croise

Psalm Late 24:1

Simleitung le a sungah a om theampo sia Topa neisa ahi hi; leitung le a tungah a teang theampo sia ama aa ahi hi.

Psalm Late 25:14

Topa sia ama' thu a nite ii lawm hi a, amate tungah a thuciam kipsak hi.

Psalm Late 8:2

patangte le nausente in tua lasa uh hi. Na ngalte ii bangma hong law thei ngawl natu in, a kip a kho in na om hi. Nang hong langpan peuma na khaam hi.

Isaiah 29:14

Tua ahiciang keima in amate muanmawk khol ngawlin a kiitakhuai tuasiatna, khat zawkciang khat ka tungsak tu a, lamdang ka sasak tu hi. Mihing ciimte a mawmaw suakin, a pilna theampo sia kimanna nei ngawl tu hi,” ci hi.

Isaiah 35:8

Tua munah, “Thianthona ii lampi” a kici lampi lian khat om tu hi. Mawneite kuama in tua lampi tawn nawn ngawl tu hi; tua lampi a tawnte sia a mawmawte zongh lam pial ngawl tu hi.

Isaiah 53:11

A khan sungah natna ngimna a thuak zawkciang, ama in lungdamna nga kik tu hi; a thuakna a luithawthong ahi ngawl sia ama in he tu hi, Ama sia a thumaan keima naseampa hi a ka lung hong kimsak pa hi. Ama in mihing tam mama ii thuak tu daan piakna sia thuak tu a, ama thuakna hangin amate mawna ka maisak tu hi.

Isaiah 62:5

Tangval khat in ngaknu thiangtho khat mo in a pui bangma Nang hong vawt Ama in nang hong teenpui tu hi. Zi nei tu pa in a zi tu sia dik a sak bangma in, Na Pathian in nangma zongh dik hong sa tu hi.

Isaiah 66:1

Topa in, “Vantung sia ka tokhum hi a, leitung sia ka peang ngakna ahi hi. Tua ahiciang a koibang inn sa tu a, a koibang mun sia ka teen natu mun ahi ziam?

Zephaniah 3:17

Topa na Pathian in nang taw omkhawm hi; ama ii thahatna in zawna hong pia hi; Topa in nang tungah lungdam tu hi, tuaciang ama ii itna sungah nuntakna thak hong pia tu hi. Ama in lasa tu a, na tungah lungdam tu hi.

Matthew 16:17

Jesus in, “John tapa Simon awng, nang sia mihing hampha khat na hi hi! Hi thutak sia mihing chi le sa sung pan nang tung a hong pai ahi bua a, vantung a ka Pa kung pan in, hong kipia thu ahi hi,” ci hi.

Matthew 21:16

Tua ahikom amate in Jesus munah, “Amate in bang teng ci ziam, na za ziam?” ci in dongh hi. “Ka za takpi hi, laithiangtho sungah sim ngeingawl nu ziam? ‘A cialcing pokna a pia thei tu in Patangte le nausente na sinsak zo hi,’ ” ci in Jesus in zo hi.

Matthew 3:7

Pharisee te le Sadducee te tam ma ama kungah tui kiphum tu in, hong pai a mu ciangin, amate tungah, “No ngul ngilote awng — Pathian ii daan hong piak natu panin suakta tu nu hi ci in akua in hong son ziam?

Mark 10:15

A tatakin kong ci ciang, patangno khat ii saan bangin Pathian Ngam a saang ngawl peuma in, tuasung ah a tum thei buatu hi.”

Luke 15:5

A mu ciangin lungdam mama in a liangko mualsuan in,

Luke 15:9

A mu ciang a lawmte le a innpaamte kaikhawm in, ‘Ka lungdam mama hi, ka bosua dangkatang sia ka mu zo hi. Lungdam poai vawt tawng!’ ci tu hi.

John 11:41

Amate in suangtum lakeak uh hi. Jesus in khuadak to a, “Pa awng, ka thu nong ngai hu in lungdam kong ko hi.

2 Corinth te 4:3

Banghang ziam cile, kong hil uh lungdamna thu kiseal ahile a mangthangte mun pan bekma in a kiseal ahi hi.

Ephesus te 1:11

Na theampo sia Pathian ii tupna le khensatna bangin kiseam a; Pathian in a kipatciil pan mama in a khensatsa thu bulphu in, ama ii tupna hu in eite Christ taw kipumkhat a, ama aituam mihingte ih sua natu in hong teal hi.

Ephesus te 1:5

Pathian in Jesus Christ tungtawnin a tapa a tanute hong suasak natu in a khensat sa hi a — hi thu in ama diksak le tupna ahi hi.