Luke 10:2 - Syin Chin Bible

² Jesus in amate tungah, “Anlaak tu tam hi, ahihang an kaikhawm tu naseam tawm hi. A anla tu naseamte hong puak natu in, anneipa tungah thungen vun” ci hi.

Luke 10:2 Iomraidhean Croise

1 Kumpite 18:22

Tuasia ciang Elijah in, “Topa kamsaang sia kei bekma taanglai khi hi, ahihang Baal kamsaangte sia 450 om hi.

Psalm Late 68:11

Topa in thupia a, numeite tam mama in tua thu son uh hi:

Jeremiah 3:15

Ka thu hong ni ngamukte kong pia tu a, amate in pilna le telthiamna taw note hong uk tu uh hi.

Zechariah 11:17

Tua a mannung ngawl tuucingpa a lal hi zo hi! Ama in a tuuhonte nusia zo hi. Ama thahatna sia ngalte in lalcipsak tu hi. A baan ngawtaak tu a, a mit ziatsang taw tu hi,” hong ci hi.

Zechariah 11:5

Tua tuute sia a tote in that a, a thatte daan kipia ngawl hi. Amate in a sa zuakin, ‘Topa pok vun! Ei hau zo hing!’ ci hi. A tuucingte ngawngawn in hesuakna nei ngawl uh hi,” hong ci hi.

Mi Simna 11:17

Kong paisuk tu a, tualai ah kong paupui tu hi. Nang kong piaksa thaa pawlkhat la in, amate ka pia tu hi. Tuasia ciang amate in hi mihingte atu vaipuak teng hong hu thei tu a, nangma bek in tua vaipuak na la buatu hi.

Mi Simna 11:29

Moses in, “Kei ngaisut tu teng hong thinnuammaw ni ziam? Topa in a mite theampo tungah a thaa pia in, kamsaangte bangin amate theampo ausak le ka uuk hi,” ci in zo hi.

Matthew 20:1

“Vantung ngam sia hi bang hi. Khatvei lai in pasal khat in a sapithuan sungah diang tu in, mihing pawlkhat cial tu in, zingtuungin kuan hi.

Mark 13:34

Mihing khat khualhaw tu in dingin, a naseamte in inn ngaksak a, khat simin a sep tu tek a vaithak zawkciang, kong cingpa munah a cin thiam natu in, a vaitha sia taw kibang hi.

Mark 16:15

Ama in, “Leitung mun theampo ah pai tavun a, mihing theampo tungah lungdamna thu hil tavun.

Mark 16:20

Nungzuite mun theampo ah pai in, thuhil uh hi, tuaciang Topa in amate taw naseam khawm a, amate thuhilnate sia maan hi ci in a kilak natu in, nalamdang laknate vawtsak thei hi.]

Luke 9:1

Jesus in a nungzui sawm le niite sam a doai naw natu le ciinate damsak natu in, vaangletna le thuneina pia hi.

Sawltakte 11:19

Stephen a suamlup zawkciang vawtsiatna hangin a kithethaang thu umte pawlkhat sia Phoenicia, Cyprus le Antioch dongin pai uh a, Jew te tung bek ah thuhil uh hi.

Sawltakte 13:2

Topa ii na seamin antangin a om laitak, Thaa Thiangtho in, “Barnabas le Saul sia, amate ka sapna bangin nasep seam tu in, kei atu koituam tavun,” ci hi.

Sawltakte 13:4

Barnabas le Saul sia, Thaa Thiangtho in tuabangin sawl ahi bangma, Seleucia khua ah pai a tua mun panin, Cyprus tuikulh ah teambaw taw ding uh hi.

Sawltakte 20:28

Tua ahikom noma le noma kikeam tavun a, Thaa Thiangtho ii noma khut sung a hong aap tuuhonte zongh en in keam tavun. A Tapa ii chisan tungtawnin, ama atu a piansak Pathian ii pawlpi ii tuucingte na hi tavun.

Sawltakte 22:21

Kei tungah Topa in ‘Va pai ta'n,’ ‘banghang ziam cile a khualana Gentile te kungah kong puak tu hi,’ hong ci hi.

Sawltakte 8:4

A kithethaang thu umte in mun theampo ah pai in thuhil uh hi.

1 Corinth te 12:28

Pawlpi sungah Pathian in a vekpi ma a om natu san tek ah koi hi: a masa phit in sawltakte, a niina ah kamsaangte, a thumna ah lai hil syate; tua zawkciangin nalamdang lakna a vawtte, tua zom ah ciidamsakna vaang a kipiate, ngual hu thei ahibuale, lamlak thiamte, tua ahibuale kam tumdang taw a paute ahi uh hi.

1 Corinth te 15:10

Ahihang Pathian ii thuthiamna taw keima sia hi bang ciang ka hi a, ama hong piak thuthiamna sia a luithawthong a suak bua hi. Kei sia sawltak dangte sangin, nasia zaw in na ka seam hi. Tua zongh a tatakin kei ii sep hi ngawlin kei taw a om Pathian ii thuthiamna ii a sep ahi hi.

2 Corinth te 6:1

Tua ahiciang, Pathian taw ko ii nasep khopna sungah Pathian ii thuthiamna a saangte in, tua thu thiamna sia a luithawthong a suasak ngawl natu in kong thuum uh hi.

Philippi te 2:21

Midang khat pawpo ahile Jesus Christ atu sangin, ama ii aituam thute bek kin hi.

Philippi te 2:25

Keima hong hu tu in kamtai a na zak sa uh, kei taw kop a, naseamin ngal hong do pui ih suapui Epaphroditus kong paisak kul tu hi ci in ka ngaisun hi.

Philippi te 2:30

banghang ziam cile kei nong hu thei ngawlna munah huna hong piak natu in, Christ ii na a sepna sungah a luangkhaamin a thi dektak pa ahi hi.

Colossae te 1:29

Hi nasep a kizaw thei natu in ka sungah na hong seam Christ ii nasia tak a tha hong piakna zanghin diangin ka kisaan hi.

Colossae te 4:12

Epaphras zongh in hong paupui hi, ama in Jesus Christ ii naseampa khat hi a noma pawl sungah a kihel khat ahi hi. Ama in Pathian tungah note sia a khanthin le a cingtaak tak a, a thinzo Tapidawte, Pathian ii deina bang a, khuangkhim takin a zuite bangin kho takin, na din natu in nasia tatakin thu hong ngetsak tawntung hi.

1 Thessalonica te 2:9

Ko ii suapuite awng, ka sep ka dianna uh teng ciamtee nak vak uh te! Pathian tung pan hong pai Lungdamna Thupha no tungah kong hil uh ciangin, no ngim kong piakna uh ahi ngawl natu in, a sun a zanin na ka seam uh hi.

1 Thessalonica te 5:12

Suapuite awng, Tapidaw nuntakna sungah lam hong lak, hong hil a, no sungah na hong seamte tungah ahi tu bang zatakna na piak natu in kong ngen uh hi.

2 Thessalonica te 3:1

A khakbel in suapuite awng, Topa thu sia note sungah na saan bangma in, manlang takin a kizel natu le thasiana taw a kisaan thei tawntung natu in, kote atu thu hong ngetsak tavun.

1 Timothy 4:10

Mihing theampo le, a tuan in a umte a Ngumpa, a nungta Pathian sungah lametna ih nei hu in eite in nasia takin hanciam a, na ih seam hi.

2 Timothy 4:5

Ahihang nangma le nangma sia hunte theampo sungah na ki uk in; ngimnate na thuak kenkon in, Lungdamna Thupha thuhilpa nasepte naseam in a, Pathian naseampa bangin nasep tu theampo na seam in.

Philemon 1:1

Christ Jesus atu a, thong a taak Paul le ih suapuipa Timothy in — koma ngualtamh le ka nasep puipa uh Philemon tungah,

Hebrew te 3:6

Ahihang Christ sia Pathian inn uk Tapa bangin thumaan hi. Eite in, ih lametnate sungah thinletna le kimuanna ih kholet le ama inn ih hi hi.

Thupualaakna 2:1

“Ephesus khua Pawlpi ii vantunglalang tungah hi bangin at in: “Hisia in a khut ziatsang ah aksi sali toai a, khamh meikhuam salite kawm ah a vakpa ii hong kamvaithak ahi hi.