Luke 10:19 - Syin Chin Bible

¹⁹ Ngai vun! Ngulte le aikamte na totcip natu le na Ngalpa ii thahatna na zaw zawk natu in, no tungah thuneina hong pia zo khi hi, bangma in no hong susia zo ngawl tu hi.

Luke 10:19 Iomraidhean Croise

2 Khangtaanghthu 10:11

Ka pa in no vanhngit hong suan hi; keima in tua vanhngitte a ngit zaw lai in ka vawt tu hi. Ama in khauhual kibul ciang taw hong saat hi; kei ka hi le siphu saatna taw hong vel tu khi hi!,’ ” ci in zo kik hi.

Psalm Late 91:13

Tawpite le ngulte, a kiitak huai tawpite le ngul nguu neite na tuanhcil tu hi.

Isaiah 11:8

Nauno khat nguu a nei ngul khat kungah kimai in a om hial zongh in bangma kilaw ngawl tu uh hi.

Ezekiel 2:6

“Ahihang a thithei mihing awng, amate ahizong, amate hong ci pawpo ahizong, na kiita bua het tu hi. Amate in nang hong nalh in hong zawngsak tu hi; aikam hon kawm a teen bang hi tu hi. Tuabang ahihang tua tualngalte ahizong, amate ii cite ahizong kiita peang heak in.

Mark 16:18

ngulte zamhin nguu khat pawpo a ne zongin, bangma tat ngawl tu hi; amate in ciinate tungah a khut uh nga tu a, ciinate dam tu hi,” ci hi.

Luke 11:12

Aktuui hong nget ciangin, aikam na pia tu uh ziam?

Sawltakte 28:5

Ahihang Paul in, tua ngul sia mei sungah thing a, ama bangma tat ngawl hi.

Romete 16:20

Tuaciang ih thinnopna ii naak ahi Pathian in Satan sia hai ngawlin na peang nuai ah siiktham tu hi. Ih Topa Jesus thuthiamna in note taw hong om tahen.

Thupualaakna 11:5

Khat po in amate vawtsia tu in a sawm le, a kam sung pan meikuang pusuak tu a, a ngalte lalcipsak tu uh hi; tuaciang hi bangin a kuama po amate susia nuamin a kipante sia kithatlum tu hi.